Kolose 2:15 - Takarata pɛ Sɔ Mbombe Mbon

¹⁵ Nɛ wal dea mɛgi, Sɔ guo mɔ-bibulo pɛ hio sɔtɛ gan zu mɔ nɛ hio nga sɔtɛ fɛt yunɛ. Nɛ a gdea mbwa tuka bala ha zang nzɔng ka nak pata Christ, wan-gan zu mbwa. Mɛgi, foy baa mbwa ha li hio wi fɛt.

Kolose 2:15 ပူးပေါင်းရင်းမြစ်များ

Matthieu 12:29

«Wanzu lɛma le twa pɛ ngawi nɛ kay hio toy pɛa mɛng? Sɔna ka wɛnɛ sanga ngawi ɛngɛ sɔngsi ing, ki wɛnɛ bekay toy pɛa.

Dede Wen hazu Jésus-Christ ka Luc ngɛraka 10:18

A tɔa ha mbwa: «Mi zɔka *Satan ha *bhiloa ha ngɔn tek ha nu tuka piolikolo.

Dede Wen hazu Jésus-Christ ka Luc ngɛraka 11:22

Ma, ka ma ngawi pen wɛnɛ hɔa, a began zu wa. A bekay mɔ bibulo pɛa fɛt ka wɛnɛ gde tazu hazua. Nɛ a bekapini hio mɔ fɛt ka wɛnɛ baa.

Jean 16:11

Nɛ a begbasi hazu wen kita pɛ Sɔ nde, Sɔ begɔn bin kita ha zu mbwa, hazu a gɔna kita ba *Satan, wan-le nzan ɛngɛ kari.

Jean 19:30

Nɛ ka Jésus zɔbha yo kari, a tɔa: «Mɔ fɛt lɛma!» Hapata, a gɛsa zu wa, nɛ a fea.

1 Korente 15:24

Hapata ɛngi, kpogio nzan behɔ. Christ betukili hio ziomɔ, hio sɔtɛ gan zu mɔ, nɛ hio nga sɔtɛ fɛt. Nɛ ziomɔ pɛa mɛ dung *kongapora, a bekifiri yo ha Sɔ, Bafa wa.

2 Korente 2:14

Ɔ ha oeba ha Sɔ hazu wɛnɛ ha ngbɔsa ɔ swe fɛt ha zang nzɔng ka nak pata Christ, wan-gan zu mɔ fɛt. Mɛgi, ha bhandi fɛt ka ɔ nɛ ang, ɔ ha gbasa ingɔmɔ hazu Christ tuka dede pɛl kulomɔ.

2 Korente 4:4

*Satan, gdanga sɔ mɔ nzan ɛngɛ, bhunzoko takaramɔ pɛ hio *wan-kafi Sɔ. Mɛgi, mbwa lɛm zɔk yolo saamɔ pɛ Dede Wen na. Dede Wen ɛngɛ tɔ wen *lɛkɛ-lɛkɛmɔ pɛ Christ, ka dung nê kpasa zizi tɛ Sɔ.

Efeze 3:10

Mɛgi, angiri ha ngimɔ sising, hio sɔtɛ gan zu mɔ nɛ hio nga sɔtɛ ka dung ha ngɔn, lɛma ing dɔka mbaramɔ pɛ Sɔ nɛ wal *giliwi mɔ eglize.

Efeze 4:8

Yo gbesi tuka ɛngɛ ka takarata pɛ Sɔ tɔa hazu Christ: «Ha ngimɔ ka wɛnɛ danga nɛ ha ngɔn, a kaya hio bala nɛnɛ hinɛ wɛnɛ. Nɛ a kapana dedemɔ ha hio wi.»

Efeze 6:12

Hazu bulo ka ɔ bi, ɔ bi yo sungiri nɛ hio wi mɔ zu nu na. Ma, ɔ bi yo sungiri nɛ hio sɔtɛ gan zu mɔ nɛ hio nga sɔtɛ, sungiri nɛ hio gasa wan mɔ tutum ɛngɛ sising nɛ hio gdanga sɔtɛ.

Kolose 1:16

Nɛ wal wɛnɛ, Sɔ dea hio mɔ fɛt ha zang ngɔn gbesi nɛ hio mɔ ha zu nu, hio mɔ ka wi zɔk gbesi nɛ hio mɔ ka wi zɔk na, hio konga sɔtɛ, hio zio sɔtɛ, hio sɔtɛ gan zu mɔ, nɛ hio nga sɔtɛ. Sɔ dea mɔ fɛt nɛ wal wɛnɛ tuka nde, mɔ ndɔng fɛt alukisi wɛnɛ.

Kolose 2:10

Nɛ ɛnɛ kpaa tɛ kpasa tunɔ nɛ wal sɔy ka ɛnɛ de hinɛ Christ, ka dung nê wan hazu hio sɔtɛ gan zu mɔ nɛ hio nga sɔtɛ fɛt.

Hebro 2:14

Wɛnɛ yola tɛ wi ka ba may nɛ pɛ hio bem ndɔng, hazu mbwa fɛt nê wi nɛ multɛ nɛ tɔktɛ. A dea mɛgi tuka nde, nɛ wal fio pɛa, wɛnɛ ayangili *Satan ka dung nɛ ngatɛ hazu gde wi ha fio.

Gbasamɔ 12:9

Ɛ pio wɛnɛ ha nu hinɛ hio telenge pɛa fɛt. Gasa ndibha ɛngɛ, wɛnɛ nê gɔk mɔ koto ngimɔ, ka ɛ sa nde, Gdanga Sɔ mana *Satan, wan-osili hio wi mɔ zu nu fɛt.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.