Kolose 2:13 - Takarata pɛ Sɔ Mbombe Mbon

¹³ Ɛnɛ badung sɔngsi nê hio fiowi ha li Sɔ hazu hio *sɛmbɔ pɛ ɛnɛ, nɛ hazu Sɔ tɛ gɔn ka sɔru ɛnɛ na. Ma, sising Sɔ tunso ɛnɛ fin nɛ mbinga hinɛ Christ, nɛ a biso sɛmbɔ pɛ ɔ hinɛ ɛnɛ fɛt.

Kolose 2:13 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 15:24

Hazu bem pɔm ka bafe, tunɔ sising. A bayɔmɔ, ma, mi kpaa wɛnɛ sising.› Nɛ mbwa angara dea totɛ.

Dede Wen hazu Jésus-Christ ka Luc ngɛraka 15:32

Ma, dea nde, ɔ ade fada nɛ totɛ hazu ya mɛ ɛngɛ bafe nɛ wɛnɛ tunɔ fin. A bayɔmɔ, ma, mi kpaa wɛnɛ sising.›»

Dede Wen hazu Jésus-Christ ka Luc ngɛraka 9:60

Ma, Jésus tɔa ha wɛnɛ: «Mɛ gde hio fiowi agun hio fiowi pɛ mbwa. Nɛ pɛ mɛ, mɛ nɛ nɛ bul wen *Kongakandɔ pɛ Sɔ.»

Jean 5:21

Gbesi tuka Bafa mi gu hio fiowi nɛ gde mbwa nɛ tunɔ, mi Bewei pɛa, mi ha tunɔ ha hio wi tuka sila mi ngoya.

Jean 6:63

Yo nê *Nzɔy-Sɔtɛ ka ha tunɔ ha hio wi. Wi lɛm de ma mɔ nɛ pɛa tɛ na. Hio wen ndɔng ka mi tɔa ha ɛnɛ don nɛ Nzɔy-Sɔtɛ ka ha tunɔ ha hio wi.

Rome 4:17

Yo gbesi tuka ɛ ngɛraka ha takarata pɛ Sɔ: «Mi gdea mɛ gdibafa hazu hio dɔka kandɔ.» Mɔ hɔa mɛgi hazu Abraham mɛkara Sɔ, Sɔ ka ha tunɔ ha hio fiowi fin nɛ mbinga, nɛ ka de tuka nde, hio mɔ ka tɛ dung ang sɔngsi na, yo adung ang sising.

Rome 6:13

Ka ɛnɛ agde hio gbakɔtɛ ɛnɛ ha gdangamɔ tuka mɔ-de kpandele na. Ma, ɛnɛ aha tɛ ɛnɛ ha Sɔ tuka tunɔ wi ka guotɛ ha soko hio fiowi kari. Ɛnɛ agde hio gbakɔtɛ ɛnɛ ha Sɔ tuka mɔ-de nzengmɔ.

Rome 8:11

Nɛ wal Nzɔy-Sɔtɛ pɛa, Sɔ guo Jésus ha soko hio fiowi. Nɛ Sɔtɛ ɛngɛ ha dea le ha sila ɛnɛ. Yo ngoy tɔ nde, Sɔ ka guo Christ ha soko hio fiowi, a begde bin tɛ ɛnɛ ka befe, nɛ zutunɔ. A bede mɛgi nɛ wal Sɔtɛ pɛa ka de le ha sila ɛnɛ.

1 Korente 15:36

Ba zu mɛ tikiring wa! Ka mɛ gun gbala kpalmɔ, lɛma nde, yo afe ing ki yo tɛ gbo.

1 Korente 15:45

Yo nê ɛngi ka ɛ ngɛraka ha takarata pɛ Sɔ: «Bosi wi, Adam, tɛ bo nê tunɔ wi.» Ma, kpogio Adam, Christ, tɛ bo nê Sɔtɛ ka ha tunɔ ha wi.

2 Korente 3:6

A haa ɔ ngatɛ mɛ dung nê hio wan-tom ka bul wen mbombe nɔa mbon ha soko Sɔ nɛ wi. Nɔa mbon ɛngɛ tɛ tɛ nɛ wal *mbonga na, ma, yo tɛa nɛ wal *Nzɔy-Sɔtɛ. Hazu mbonga ka ɛ bangɛriki, gde wi ha fio, ma, Nzɔy-Sɔtɛ ha pɛa nɛ tunɔ.

2 Korente 5:19

Kpasawen, Sɔ bhɔngara mɔ ha soko wa hinɛ hio wi mɔ nzan nɛ wal Christ. A tɔl gdangamɔ pɛ mbwa na. Nɛ wɛnɛ tomsa ɔ mɛ bul wen bhɔngaramɔ ɛngɛ.

Efeze 2:1

Sɔngsi, ɛnɛ badung tuka hio fiowi ha li Sɔ, hazu ɛnɛ dungɔ ha dea kpandele nɛ gdangamɔ.

Efeze 2:11

Tazu ɛnɛ agba nɛ dungɔ ka ɛnɛ dungɔ nɛ sɔngsi. Ɛnɛ bo nê hio *zuife na. Ɛ bhɛa ɛnɛ ha zang hio mbing kandɔ. Hio zuife ha saa ɛnɛ nde, hio wan-sɔru. Mbwa zɔk tɛ mbwa tuka hio wan-gɔn sɔru, ma, gɔna sɔru pɛ mbwa yo ka nê sali dalɛ ka mbwa gde ha tɛ mbwa.

Efeze 5:14

Hazu, mɔ fɛt ka ɛ gbasi long, yo tɛ bo nê saamɔ. Yo nê hazu ɛngi ka ɛ tɔa: «Mɛ ka dung ha ɔala, mɛ tun. Mɛ gutɛ ha soko hio fiowi, nɛ Christ beba tuka saamɔ ha zu mɛ.»

Kolose 2:12

Ha ngimɔ ka ɛ bagdumsi ɛnɛ ha li, ɛ gunɔ ɛnɛ hinɛ Christ gbesi. Nɛ ka ɛnɛ gboa ha si li, Sɔ guo ɛnɛ gbesi hinɛ wɛnɛ, hazu ɛnɛ gdea tazu ɛnɛ ha ngatɛ pɛ Sɔ ka guo Christ ha soko hio fiowi.

1 Timothée 5:6

Ma, nagula ɛngɛ ka de le ha zang tandamɔ, fea kari, ngase ka wɛnɛ boka nɛ zutunɔ.

1 Timothée 6:13

Ha li Sɔ, ka ha tunɔ ha mɔ fɛt, nɛ ha li Jésus-Christ ka kɛa wen pɛa nɛdedea ha li gɔfɔrma Ponse-Pilate, mi mbo mɛ nde,

Hebro 6:1

Mɛgi, lɛma nde, ɔ ayambi hio osamɔ hazu Christ pen mɔ bosia, ɔ ayambi hio osamɔ ka lɛma nɛ zɔma wi. Bosi osamɔ hazu Christ dung tuka nanga mɛkaramɔ, nɛ ɔ ngoy fin bhɔn ka ha bɛa nanga ɛngɛ na. Hio zuwen mɔ bosi osamɔ ɛngɛ tɔ nde, lɛma nde, ɔ alak dea tum mɔ gde, nɛ ɔ amɛkiri Sɔ.

Hebro 9:14

Tuka mɔ dung mɛgi, bo nê tɔktɛ Christ nɛ ngaya pen tɔk sari na nde? Nɛ wal Nzɔy-Sɔtɛ ka dung kpoo, Christ kuo tɛ wa ha ha Sɔ tuka sadaka ka lɛma wɛɛ. Tɔktɛ wa besasisi ingɔmɔ sila pɛ ɔ tuka nde, ɔ ade hio tum mɔ fin na, ma, ɔ ade tom ha tunɔ Sɔ.

Jacques 2:17

Yo gbesi nɛ mɛkara Sɔ. Ka deamɔ lɛm nɛ yo bona, mɛkaramɔ tɛ bo nê fio mɔ.

Jacques 2:20

Mɛ nê tum wi! Tazu mɛ agba nde, ka mɛ mɛkara Sɔ nɛ deamɔ lɛm nɛ yo bona, ɛngɛ nɛ gbelea.

Jacques 2:26

Kpasawen, ka ɔmi bo fin na, wi fea kari. Gbesi tuka ɛngi, ka deamɔ bona, mɛkaramɔ fea kari.

1 Jean 2:12

Hio bem pɔm, mi ngɛriki ha ɛnɛ hazu Sɔ biso *sɛmbɔ pɛ ɛnɛ nɛ wal ling Jésus-Christ kari.