Kolose 2:11 - Takarata pɛ Sɔ Mbombe Mbon

¹¹ Nɛ wal dea sɔy hinɛ Christ, Sɔ gɔna sɔru ɛnɛ kari. Gɔna sɔru ɛngɛ tɛ nɛ wal wi na, ma, yo tɛ nɛ wal Christ, nɛ yo guo gdanga ndɔkitɛ ɛnɛ yunɛ.

Kolose 2:11 ပူးပေါင်းရင်းမြစ်များ

Marc 14:58

«Ɔ zea wɛnɛ ha tɔa: ‹Mi begbin *gasa twa Sɔ ɛngɛ ka hio wi dea yunɛ. Nɛ ha zang yala tar, mi bebɛ ma mbinga ka kɔ hio wi de yo na.›»

Dede Wen hazu Jésus-Christ ka Luc ngɛraka 2:21

Hapata yala mɔrkɔ zanga bwa, swe gɔn sɔru bem lɛma. Nɛ ɛ gbala ling wa nde, Jésus. Ɛngɛ nê ling ka *telenge baosi sɔngsi, ha ngimɔ ka Marie tɛ ba ka zang na.

Deamɔ 17:24

Sɔ ɛngɛ, ka dea nzan nɛ mɔ fɛt, ka dung ang, wɛnɛ nê wan ngɔn nɛ nu. Wɛnɛ de le ha zang twa, ka kɔ wi dea, na.

Deamɔ 7:48

«Ngase ɛngi, Sɔ, ka dung ha kuso ngɔn, de le ha twa ka wi bɛa na. Gbesi tuka ka wan-tɔkuliwen batɔ nɛ:

Rome 2:29

Ma, kpasa zuife, yo nê wɛnɛ ka gɔn sɔru ha zang sila wa. Yo nê *Nzɔy-Sɔtɛ pɛ Sɔ ka gɔn sɔru ha zang sila wi, yo bo nɛ wal takarata mbonga na. Kpal zuife mɛgi, yo nê Sɔ ka lukisi wɛnɛ, bo nê hio wi na.

Rome 6:6

Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.

Rome 7:24

Oee, mi nê kpasa wan-ngɔtɛ! Tɛ mi ha kuo mi nɛnɛ ha fio! Nge wi ha bekpasisi mi ang, o nde?

2 Korente 5:1

Hakɛ ha zu nu tɛ ɔ dung tuka gbamsa ka beyangili. Kpasawen, ɔ ingɔ nde, ha ngɔn Sɔ beha ɔ ma mbing twa ka tɛ nɛ wal wi na, ma, ka bebhɔn kpoo nɛ kpoo.

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

Galasi 2:20

Sising, mi bo fin nɛ zutunɔ na, ma, yo tɛ bo nê Christ ka dung nɛ zutunɔ ha tɛ mi. Ngimɔ fɛt ka mi bhɔn nɛ zutunɔ ha nzan ɛngɛ, mi ha mɛkara *Bewei pɛ Sɔ, ka ngoya mi nɛ ka fea gɔn zu mi.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

Hebro 9:11

Sising Christ hɔa kari. Wɛnɛ nê gasa wan-hasadaka ka kuo hio dedemɔ tɛnɛ ha ɔ. Nzɔy bhandi fɛt ɛngɛ ka wɛnɛ lea ang, yo nɛ gasaa pen fɛt, nɛ yo lɛma wɛɛ fɛt. Yo bo nê hio wi ha de bhandi ɛngɛ na, hazu bhandi ɛngɛ bo nê pɛ nzan ɛngɛ na.

Hebro 9:24

Christ tɛ le ha nzɔy bhandi ɛngɛ ka hio wi dea na, hazu nzɔy bhandi ɛngɛ sɔna nê zizi kpasa nzɔy bhandi ha ngɔn. Ma, a lea ha ngɔn, haki wɛnɛ dung ha li Sɔ ha lea gdong ɔ.