Kolose 1:24 - Takarata pɛ Sɔ Mbombe Mbon

²⁴ Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

Kolose 1:24 ပူးပေါင်းရင်းမြစ်များ

Marc 10:39

Nɛ mbwa kiforo wen: «Ɔ lɛma de yo.» Nɛ Jésus tɔa fin: «Kpasawen ɛnɛ benɔ kɔpɔ yimtɛ ka mi benɔ. Nɛ ɛnɛ bekpa fin yimtɛ ka ɛ begdumsi mi ha zanga.

Deamɔ 5:41

Hio wan-nɛtom pena ha li hio wan-kpo zuwen nɛ totɛ gdang hazu Sɔ zɔka mbwa tuka wi ka dung nɛ zioa mɛ kpa yeksamɔ hazu ling Jésus.

Rome 5:3

Yo bo sɔna nê ɛngi na. Ma, ɔ ha dea totɛ fin hazu yeksamɔ ka kpa may hinɛ ɔ. Hazu ɔ ingɔ nde, yeksamɔ bede nde, ɔ adung nɛ yikosila.

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

1 Korente 12:27

Kpasawen, ɛnɛ fɛt, ɛnɛ nê kilitɛ Christ, nɛ ɛnɛ ndang ndang fɛt nê hio gbakɔtɛ wa.

2 Korente 12:15

Pɔm, mi nɛ totɛ mɛ gdangsi hio mɔ pɔm fɛt hazu ɛnɛ, ngase tɛ mi. Mi ngoya ɛnɛ pentɛ. Hazu ge ɛnɛ ngoy mi tikiring sɔna, ge nde?

2 Korente 6:10

Hio wi ha haa ngɔtɛ ha ɔ, ma, ɔ ha dea totɛ swe fɛt. Ɔ dung tuka fabha wi, ma, ɔ ha yɛbhasa kpaamɔ pɛ hio dɔka wi. Ɔ dung tuka wi ka bo nɛ mɔ na, ma, ɔ kpaa mɔ fɛt kari.

2 Korente 7:4

Mi gdea tazu mi fɛt ha tɛ ɛnɛ, nɛ mi ha lukoso tɛ hazu ɛnɛ. Ha zang yeksamɔ fɛt ka kpa ɔ, sila mi nɛ gaa, nɛ sila mi dona nɛ totɛ hɛrr.

Efeze 1:23

Giliwi mɔ eglize nê kilitɛ Christ. Wɛnɛ ang nɛ tɛ wa ha soko mbwa, wɛnɛ ka ang ha zang mɔ fɛt ha bhandi fɛt.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Efeze 3:13

Mɛgi mi mbo ɛnɛ nde, ngase ka mi ha kpaa yeksamɔ hazu ɛnɛ, ka ɛnɛ adung nɛ ngɔtɛ na. Hazu yeksamɔ ɛngɛ kpaa may hinɛ mi nde, ɛnɛ akpa lɛkɛ-lɛkɛ dedemɔ ha kɔ Sɔ.

Filipe 3:10

Mɔ ka mi ngoy pentɛ, yo nde, mi aing Christ, nɛ nde, ngatɛ ka guo wɛnɛ ha soko hio fiowi ade tom ha tɛ mi fin. Yo tɔ nde, mi ngoy kpa ndangtɛ yimtɛ, ka wɛnɛ kpaa, nɛ fe tuka wɛnɛ fea.

Kolose 1:18

*Giliwi mɔ eglize nê kilitɛ Christ, nɛ wɛnɛ nê wan hazu mbwa. Mɔ fɛt angara nɛ wal wɛnɛ, wɛnɛ nê bosi wi ka guotɛ ha soko hio fiowi tuka nde, wɛnɛ adung ha bosi bhandi ha mɔ fɛt.

2 Timothée 1:8

Mɛgi, ka mɛ ade foy hazu kɛ wen pɛ *Kongawan pɛ ɔ na. Nɛ fin, ka mɛ ade foy hazu mi na, mi ka dung nê wan-zɔbhɔ hazu wen pɛa. Ma, nɛ ngatɛ pɛ Sɔ, mɛ ayɔng yini hinɛ mi ha zang yeksamɔ ka kpa ɔ hazu *Dede Wen.

Jacques 1:2

Hio ya mi, ka tili yeksamɔ nɛtɛ-nɛtɛ ha wea sila ɛnɛ, ɛnɛ azɔk yo tuka gasa totɛ.