Kolose 1:21 - Takarata pɛ Sɔ Mbombe Mbon

²¹ Sɔngsi, ɛnɛ badung nɛ yɛa nɛ Sɔ, ɛnɛ badung nê hio ngana pɛa hazu hio takaramɔ pɛ ɛnɛ nɛ hio deamɔ pɛ ɛnɛ dungɔ nɛ gdangaa.

Kolose 1:21 ပူးပေါင်းရင်းမြစ်များ

Rome 1:30

Mbwa ha fɛngsa ling wi, ha sɛna Sɔ, nɛ ha yaa wi. Mbwa ha suotɛ, ha lukoso tɛ, nɛ ha kio wal mɛ de hio mbombe tili gdangamɔ. Nɛ mbwa ha dea kpandele sungiri nɛ gdibafa nɛ gdinana.

Efeze 2:12

Ha ngimɔ ɛngi, ɛnɛ tɛ ing ka Christ na. Ɛnɛ dungɔ tuka hio gɔn-gɛnɛ wi, ɛnɛ bo nê hio wi mɛ kandɔ *Israel, kandɔ pɛ Sɔ na. Hio mɔ ka Sɔ gɔna nua ha mbwa nɛ wal nɔa *mbon hinɛ mbwa, mɔ ndɔng tɛ dung hazu ɛnɛ na. Ɛnɛ tɛ dung nɛ ma mɔ hazu gde tazu ɛnɛ ang na. Ɛnɛ dungɔ ha zang nzan, nɛ ɛnɛ tɛ ing Sɔ na.

Efeze 2:15

A tukolo hio haanu nɛ hio mbɔla pɛ *mbonga pɛ hio zuife yunɛ. A dea mɛgi hazu wesiri hio zuife nɛ ɛ ndɔng ka bo nê zuife na, gde tuka mbombe wi ndang, ka de sɔy hinɛ wɛnɛ. Nɛ wal dea mɛgi a gdea gaamɔ ha soko mbwa.

Efeze 2:19

Hazu ɛngi, ɛnɛ bo fin nê tombɔ mana gɔn-gɛnɛ wi na. Ɛnɛ tɛ bo nê hio bele mɔ nzɔy kandɔ pɛ Sɔ. Nɛ ɛnɛ tɛ bo nê hio wi mɛ zang twa pɛ Sɔ.

Efeze 4:18

Zang takaramɔ pɛ mbwa dung tuka tutum. Mbwa dung nɛ yɛa ha mbombe tunɔ ka Sɔ ha ha hio wi, hazu mbwa gdɔka sila mbwa. Mɛgi, mbwa ing hio mɔ pɛ Sɔ na.

Jacques 4:4

Ɛnɛ, hio wan-yambala zu ha li Sɔ, ɛnɛ ing nde, dea gdidan hinɛ nzan, yo nê sungoro Sɔ. Mɛgi, wi fɛt, ka ngoy dea gdidan hinɛ nzan, a tɛ bo nê ngana pɛ Sɔ.