Jean 4:34 - Takarata pɛ Sɔ Mbombe Mbon

³⁴ Jésus tɔa ha mbwa: «Ka mi de mɔ ka wan-tomsi mi ngoya, nɛ ka mi lɛmsiri tom pɛa, ɛngɛ nê yɔngamɔ pɔm.

Jean 4:34 ပူးပေါင်းရင်းမြစ်များ

Matthieu 26:39

Nɛ wɛnɛ tiko nɛ ha sɔngsi tikiring. Haki a teka gok li wa ha nu, nɛ a gɔa Sɔ: «Bafa mi, ka lɛma, mɛ yɛsisi kɔpɔ ngamɔ ɛngɛ nɛ mi. Ma, bo tuka mi ngoya na, ma, tuka mɛ ngoya.»

Matthieu 3:15

Ma, Jésus kiforo wen ha wɛnɛ: «Ka mɛ atakiri tɛ sising na! Hazu dea nde, ɔ ade mɛgi mɛ lɛmsiri mɔ fɛt ka Sɔ ngoya.» Mɛgi Jean mɛkara wen pɛa,

Matthieu 9:19

Nɛ Jésus nɛ hio *wan-yambimɔ pɛa guotɛ nɛ ndara wɛnɛ.

Dede Wen hazu Jésus-Christ ka Luc ngɛraka 15:10

Mi tɔ ha ɛnɛ nde, gbesi tuka ɛngi, hio *telenge pɛ Sɔ de totɛ hazu ma *wan-de gdangamɔ ndang ka kiforo sila wa.»

Dede Wen hazu Jésus-Christ ka Luc ngɛraka 19:10

Kpasawen, mi *Bewei pɛ Wi, tɛa hazu ki nɛ kpasisi ɛ ndɔng ka yɔa.»

Dede Wen hazu Jésus-Christ ka Luc ngɛraka 2:49

A kiforo wen ha mbwa: «Ɛnɛ ki mi hazu ge? Dea nde, mi adung ha zang twa pɛ Bafa mi, ɛnɛ tɛ ing yo na?»

Jean 17:4

Ha ngimɔ ka mi dungɔ ha nzan, mi osa lɛkɛ-lɛkɛmɔ pɛ mɛ ha hio wi nɛ wal dea tom ka mɛ haa mi mɛ de.

Jean 19:28

Hapata, Jésus ingɔ nde, a karsa tom pɛa ha nzan kari. Ma, hazu lɛmsiri nɛ wen fɛt ha zang takarata pɛ Sɔ, a tɔa: «Wɔ li ha dea mi.»

Jean 19:30

Nɛ ka Jésus zɔbha yo kari, a tɔa: «Mɔ fɛt lɛma!» Hapata, a gɛsa zu wa, nɛ a fea.

Jean 4:32

Ma, a tɔa ha mbwa: «Mi nɛ ma yɔngamɔ ang mɛ yɔng ka ɛnɛ ing na.»

Jean 5:30

«Mi lɛm de mɔ ndang nɛ zu mi na. Mi gɔn kita ha zu wi lɛm nɛ mɔ ka Sɔ osa ha mi. Mɛgi, kita ka mi gɔn nɛ nzeng, hazu mi de nɛ mɔ ka sila mi ngoya na. Ma, mi de nɛ mɔ ka sila Sɔ, wan-tomsi mi, ngoya.

Jean 5:36

Ma, pɔm, mi nɛ ma kɛa wen ka pena pɛ Jean. Yo nê hio tom pɔm, ka Bafa mi haa ha mi. Nɛ hio mɔ ndɔng ka mi de, kɛ wen hazu mi nde, yo nê Bafa mi ka tomsa mi.

Jean 6:33

Hazu, kpasa yɔngamɔ ka Sɔ ha, yo nê ɛngɛ ka zil nɛ ngɔn tɛnɛ. Yɔngamɔ ɛngɛ ha tunɔ kpoo ha hio wi mɔ nzan.»

Jean 6:38

Hazu mi zilo ha ngɔn tɛ, bo hazu de mɔ ka sila mi ngoya na, ma, hazu de mɔ ka sila wan-tomsi mi ngoya.

Jean 8:29

Wi kɛ ka tomsa mi tɛnɛ, wɛnɛ hinɛ mi swe fɛt. Wɛnɛ gde mi gbatɛ ma swe ndang na, hazu mi de kanɛ mɔ ka ha totɛ ha wɛnɛ.»

Deamɔ 20:35

Nɛ wal mɔ ndɔng fɛt, mi osa ha ɛnɛ nde, ɔ ade tom mɛgi hazu gbakiri hio wan-kɔsa. Tazu ɔ agba nɛ wen ɛngɛ ka Kongawan Jésus batɔ: ‹Haa mɔ ha ma wi nɛ dedea pen kpaa mɔ ha kɔ ma wi.›»

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.