Jean 2:2 - Takarata pɛ Sɔ Mbombe Mbon

² Nɛ ɛ saa Jésus hinɛ hio *wan-yambimɔ pɛa fin nde, mbwa anɛ ha yenga.

Jean 2:2 ပူးပေါင်းရင်းမြစ်များ

Matthieu 12:19

Wɛnɛ lɛm gdɔri nɛ mɔy hinɛ hio wi na. Nɛ a lɛm tɔ wen nɛ ngagɛl ha zang dɛl na.

Matthieu 25:40

Nɛ mi betɔ ha mbwa: ‹Kpasawen, mi tɔ ha ɛnɛ nde, mɔ fɛt ka ɛnɛ dea ha tɛ ma ndang ha soko hio bebe ya mi ndɔng, ɛnɛ dea yo ha tɛ mi.›

Matthieu 25:45

Mɛgi, mi, Kongawan, bekifiri wen ha mbwa: ‹Kpasawen mi tɔ ha ɛnɛ nde, mɔ fɛt ka ɛnɛ tɛ de ha tɛ ma wi ndang ha soko hio bebe ya mi ndɔng na, ɛnɛ tɛ de yo fin ha tɛ mi na.›

Jean 2:12

Hapata ɛngi, Jésus nɛa ha le Kapernaum, wɛnɛ hinɛ nana wa, hio ya wa, nɛ hio wan-yambimɔ pɛa. Ma, mbwa tɛ bhɔn haki yala nɛdɔka na.

Jean 2:17

Tazu hio *wan-yambimɔ gbaa nɛ wen ha zang takarata pɛ Sɔ nde: Dea gula twa pɛ mɛ begbɛ mi bin.

Jean 2:22

Tazu hio wan-yambimɔ pɛa gbaa nɛ wen ɛngi sɔna ha ngimɔ ka Jésus guotɛ ha soko hio fiowi. Mɛgi, mbwa mɛkara hio wen pɛ takarata pɛ Sɔ fɛt, nɛ hio wen ka Jésus batɔ se.

Jean 2:3

Nɛ ka hio wi nɔa li vigne tee karsi, nana mɛ Jésus tɔa ha wɛnɛ: «Mbwa bo fin nɛ li vigne na.»

Jean 3:22

Hapata, Jésus hinɛ hio *wan-yambimɔ pɛa nɛa ha kandɔnu Judée. Mbwa dungɔ haki ma ngimɔ ha gdumso hio wi ha li.

Jean 4:2

(Yo bo nê Jésus nɛ tɛ wa ka gdumso wi na, ma, yo nê hio wan-yambimɔ pɛa.)

Jean 4:33

Hio wan-yambimɔ ana may: «Ma wi kuo nɛ ma yɔngamɔ tɛnɛ ha wɛnɛ nde?»

Jean 4:8

Wɛnɛ dungɔ gbatɛ hazu hio wan-yambimɔ pɛa nɛa ha le mɛ hɛ yɔngamɔ.

Jean 6:12

Nɛ ka zang mbwa fɛt dona kari, Jésus haa nu ha hio wan-yambimɔ pɛa: «Ɛnɛ kay hio olo titi yɔngamɔ ndɔng, wen ma betɛ yɔmɔ.»

Jean 6:16

Ka mbolo dea, hio *wan-yambimɔ pɛ Jésus nɛa ha nukolo tɔ.

Jean 6:60

Hio *wan-yambimɔ nɛdɔka ka zea wen ndɔng, tɔa: «Wen ndɔng ngaya pɛ mbwa pentɛ, o ka bemɛkiri yo, o?»

Jean 6:66

Hapata ɛngi, hio dɔka wan-yambimɔ pɛa daka tɛ, nɛ mbwa ngoy ndara wɛnɛ fin na.

Jean 6:67

Mɛgi, Jésus ana hio wan-yambimɔ pɛa bhukɔ gbala bwa: «Ma, pɛ ɛnɛ, ɛnɛ ngoya si fin nde?»

Jean 6:70

Jésus kiforo wen ha mbwa: «Bo nê mi ha weki ɛnɛ ndɔng bhukɔ gbala bwa na nde? Ma, ngase ɛngi ma ndang ha soko ɛnɛ nê ngana pɛ Sɔ.»

Jean 6:71

Jésus tɔa wen ɛngɛ hazu Judas bewei pɛ Simon Iskariote. Ngase ka Judas nê ma wan-yambimɔ ha soko ɛ ndɔng bhukɔ gbala bwa, yo nê wɛnɛ ka beha kasatɛ Jésus.

Jean 6:8

Hapata, ma wan-yambimɔ pɛa, André ya mɛ Simon Pierre, tɔa ha Jésus:

Jean 7:3

Mɛgi hio ya mɛ Jésus tɔa ha wɛnɛ: «Mɛ gutɛ hakɛ pen si ha kandɔnu Judée nde, hio *wan-yambimɔ haki azɔk fin mɔ ndɔng ka mɛ ha dea.

Deamɔ 11:26

Ka wɛnɛ kpaa Saul kari, a kuo wɛnɛ tɛnɛ ha Antioshe fin. Nɛ mbwa dea kili bɛlɛ ndang ha soko giliwi mɔ eglize haki. Mbwa osamɔ hazu Jésus ha hio dɔka wi. Yo nê ha Antioshe ka ɛ angara saa hio *wan-yambimɔ pɛ Jésus nɛ bosia nde, wi pɛ Christ.

Deamɔ 11:29

Mɛgi hio wan-yambimɔ kpoa zuwen nde, mbwa ndang ndang fɛt betomsi mɔ, ka lɛm nɛ mɔ ha kɔ mbwa, ha hio wi pɛ Christ ha kandɔnu Judée.

1 Korente 10:31

Mɛgi, ka ɛnɛ yɔng ma mɔ, mana ɛnɛ nɔ ma mɔ, mana ɛnɛ de ma mɔ, lɛma nde, deamɔ pɛ ɛnɛ fɛt alukisi Sɔ.

1 Korente 7:39

Lɛma nde, bhoko abhɔn hinɛ wei pɛa ha ngimɔ tunɔ pɛ wei fɛt. Ka wei fea kari, ko pɛa lɛma mɛ si ma mbing wei tuka sila wa ngoya. Lɛma sɔna nde, wei ɛngɛ adung nê pɛ Christ.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.

Hebro 13:4

Ɛnɛ aba wen sio may nɛ zioa. Ngase wei, ngase ko pɛa ade wanza na. Hazu Sɔ begɔn kita ba nɛ wi ndɔng ka de mɔ nɛtum-nɛtum, nɛ ka de wanza.

Gbasamɔ 3:20

Ɛnɛ zɔk, mi ha yola ha nutwa nɛ mi ha kɔna. Wi fɛt ka beze gɛl mi, nɛ ka begbosisi nutwa ha mi, mi bele ha pɛ mbwa, nɛ ɔ beyɔng tɛ mɔ hinɛ may.