Jean 16:2 - Takarata pɛ Sɔ Mbombe Mbon

² Hio wi bemul bin ɛnɛ pi gbo ha soko giliwi mɔ *twa gɔ Sɔ. Nɛ ma ngimɔ behɔ ka hio wan-gbɛ ɛnɛ fɛt betakiri nde, mbwa de tom Sɔ nɛ wal gbɛa ɛnɛ.

Jean 16:2 ပူးပေါင်းရင်းမြစ်များ

Jean 9:22

Mbwa kiforo wen mɛgi, hazu mbwa ha yuo ke hio wan-le zuife. Hazu sɔngsi hio wan-le zuife kpoa zuwen nde, wi ndɔng ka mɛkiri Jésus tuka *Mesi, lɛm dung ha soko giliwi mɔ *twa gɔ Sɔ fin na, ɛ bemul mbwa pi.

Matthieu 10:28

Nɛ ka ɛnɛ ayu ke hio wi ka lɛm gbɛ multɛ pɛ ɛnɛ na, hazu mbwa lɛm gbɛ sɔtɛ pɛ ɛnɛ na. Ma, ɛnɛ yu nɛ ke Sɔ, hazu a lɛma bhondisi multɛ nɛ sɔtɛ ha bhandi we ka bisi na.

Gbasamɔ 6:9

Ka Besami kuso zemɔrkɔ gdangi, mi zɔka mɔ ha si bhandi ha sadaka ha Sɔ. Haki, mi zɔka hio sɔtɛ wi ndɔng ka ɛ bagbɛ mbwa hazu mbwa pama Wen pɛ Sɔ, nɛ hazu mbwa kɛa wena nɛ mboazu.

Jean 12:42

Ma, ngase ɛngi, hio dɔka wi ha soko hio wan-le zuife mɛkara Jésus. Ma, mbwa lɛm gbasi yo na, yu nde hio *Farizien betɛ mul mbwa pi, gbo ha soko giliwi mɔ *twa gɔ Sɔ.

Dede Wen hazu Jésus-Christ ka Luc ngɛraka 6:22

Totɛ ha ɛnɛ ka hio wi besɛn ɛnɛ, nɛ ka mbwa bemul ɛnɛ pi, nɛ ka mbwa beya ɛnɛ nɛ fɛngsi ling ɛnɛ, hazu mi, *Bewei pɛ Wi.

1 Korente 4:13

Ka hio wi ha tɔa gdanga lingtɛ ɔ, ɔ kifiri pɛ ɔ nɛ dede wen. Hɔ ha ngimɔ sising, mbwa ha zɔka ɔ tuka sara mɔ, nɛ tuka gdɔl pɛ wi mɔ nzan fɛt.

Deamɔ 7:56

A tɔa: «Ɛnɛ ze, mi zɔka ngɔn gboa long, nɛ *Bewei pɛ Wi, ha yola ha wekɔ Sɔ.»

Matthieu 24:9

«Ha ngimɔ ɛngi, ɛ beba ɛnɛ mɛ yukiti nɛ mɛ gbɛ ɛnɛ. Hio kandɔ fɛt besɛn ɛnɛ hazu ɛnɛ mɛkara mi.

Jean 9:34

Nɛ mbwa tɔa ha wɛnɛ: «Mɛ ka mɛ nê wan-de gdangamɔ angiri ha bhɛ pɛ mɛ, mɛ ngoya osi mɔ ha ɔ, nde?» Mɛgi, mbwa yinɔ wɛnɛ gbo ha twa gɔ Sɔ.

Deamɔ 5:33

Ka hio wan-kpo zuwen zea wen ndɔng, sila mbwa gdɔya nɛ ngambi. Mbwa ngoya mɛ gbɛ hio wan-nɛtom ndɔng.

Jean 4:21

Jésus tɔa ha wɛnɛ: «Bhoko, mɛ ze wen pɔm. Ma ngimɔ behɔ ka hio wi lɛm lukisi fin Sɔ ha zu ngari ɛngɛ na, ngase ha Jérusalem na.

Filipe 3:6

Mi namala *giliwi mɔ eglize nɛ lululu sila. Deamɔ pɔm fɛt dungɔ nzeng ha li mbonga, nɛ ma wen bo ha zu mi na.

Jean 4:23

Ma, ngimɔ ha tɛa, yo hɔa sising, ka hio kpasa wan-lukisi Bafa belukisi wɛnɛ nɛ sila ka dona nɛ *Nzɔy-Sɔtɛ nɛ tɛwen. Hazu Bafa ngoy nɛ wan-lukisi wɛnɛ tuka ɛngi.

Jean 16:25

«Mi tɔa wen mɔ ndɔng ha ɛnɛ nɛ wal towen. Ma, ma ngimɔ behɔ ka mi lɛm mɛ tɔ wen ha ɛnɛ nɛ wal towen fin na, nɛ mi betɔ wen tɛ Bafa mi ha ɛnɛ long.

Jean 16:32

Ma, ma ngimɔ ha tɛa nɛ yo hɔa kari, ka ɛnɛ ndang ndang fɛt bepanziki si ha le pɛ ɛnɛ lak mi gde. Ma, mi lɛm dung gbatɛ na, hazu Bafa mi dung hinɛ mi.