Jean 14:3 - Takarata pɛ Sɔ Mbombe Mbon

³ Nɛ ka mi nɛa nɛ bhɔngiri bhandi kari, ki mi bekifiri tɛ kay ɛnɛ sinɛ, tuka nde, ɛnɛ adung fin ha bhandi ka mi bedung ang.

Jean 14:3 ပူးပေါင်းရင်းမြစ်များ

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Jean 14:28

Ɛnɛ zea wen ka mi tɔa ha ɛnɛ nde, mi ha pena nɛ mi bepe bin ha pɛ ɛnɛ. Ka bo se nde, ɛnɛ ngoya mi, ki ɛnɛ dea totɛ hazu mi ha nɛa ha pɛ Bafa mi, hazu wɛnɛ nɛ gasaa pen mi.

Jean 14:4

Ɛnɛ ingɔ bhandi ka mi nɛ ang, nɛ ɛnɛ ingɔ liwala.»

Jean 17:24

«Bafa mi, mɛ gdea wi ndɔng ha kɔ mi. Nɛ mi ngoya nde, mbwa adung hinɛ mi ha bhandi ka mi bedung ang, tuka nde, mbwa azɔk lɛkɛ-lɛkɛmɔ pɔm ka mɛ haa ha mi. Mɛ haa yo ha mi, hazu mɛ bangoy mi gde mɛ tɛ de ka nzan na.

Deamɔ 1:11

Nɛ mbwa tɔa: «Ɛnɛ, wi mɛ Galile, ɛnɛ yol hakɛ ha gɛramɔ ha ngɔn hazu ge? Jésus ɛngɛ ka Sɔ guo wɛnɛ si nɛ ha ngɔn, a bekifiri bin gbesi tuka ka ɛnɛ zɔka wɛnɛ ha danga.»

Rome 8:17

Tuka ɔ tɛ bo nê hio bem pɛ Sɔ, ɔ tɛ bo fin nê hio wan-ba likɔ pɛa. A beha ɔ likɔ ɛngɛ hinɛ Christ gbesi, hazu ɔ ha kpaa yeksamɔ gbesi tuka wɛnɛ. Mɛgi, ɔ bedung fin hinɛ wɛnɛ ha lɛkɛ-lɛkɛ bhandi pɛa.

Filipe 1:23

Hazu, mi ha soko mɔ bwa: Mi nɛ hɛl mɛ fe nde, mi adung hinɛ Christ, ɛngi nɛ dedea pentɛ pet.

2 Tesalonike 1:12

Mɛgi ling Kongawan pɛ ɔ Jésus bekpa lukosomɔ ha wen zu ɛnɛ, nɛ ɛnɛ bekpa fin lukosomɔ ha wen zu wa. Yo nê Sɔ pɛ ɔ hinɛ Kongawan Jésus-Christ ka bede mɔ mɛgi nɛ wal *dede sila pɛ mbwa.

2 Timothée 2:12

Ka ɔ ba sila ɔ ha zang yeksamɔ, ɔ bedung nê kongapora hinɛ wɛnɛ fin. Ka ɔ kafa wɛnɛ, a bekafi ɔ fin.

Hebro 9:28

Yo fin gbesi nɛ Christ. A fea ze ndang hireng tuka sadaka, hazu bisi nɛ sɛmbɔ pɛ hio dɔka wi. Ha zebwa tɛa pɛa, a begbasi tɛ bo hazu bisi sɛmbɔ pɛ wi na, ma, hazu kpasisi nɛ wi ndɔng ka keri wɛnɛ.

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.