Jean 10:4 - Takarata pɛ Sɔ Mbombe Mbon

⁴ Ka wɛnɛ kaya hio sami gbo nɛ kari, a nɛ nɔ ha li mbwa, nɛ mbwa ndari wɛnɛ hazu mbwa ingɔ gɛl wa.

Jean 10:4 ပူးပေါင်းရင်းမြစ်များ

Matthieu 16:24

Nɛ Jésus tɔa ha hio *wan-yambimɔ pɛa: «Ka ma wi ngoy mɛ ndari mi, lɛma nde, wɛnɛ akafi wɔ mɔ nzan fɛt, wɛnɛ agu getakate pɛa gde ha zu bhaka wa, nɛ wɛnɛ andari mi.

Jean 10:16

Mi kpaa fin hio ma mbing sami ka bo ha zang ngalɔ ɛngɛ na. Lɛma nde, mi angbɔsi mbwa fin tɛnɛ. Mbwa belɛngi zala ha gɛl mi. Mɛgi, zugili sami bedung kanɛ ndang sɔna, nɛ zaoro pɛ mbwa fin ndang sɔna.

Jean 10:27

Hio wi pɔm ha zea gɛl mi gbesi tuka ka hio sami ze nɛ gɛl zaoro mbwa. Mi ingɔ mbwa nɛ mbwa ha ndara mi.

Jean 10:3

Wan-pam nu ngalɔ gbosisi ha wɛnɛ, nɛ hio sami ze nu wa. A sa hio sami ndang ndang fɛt nɛ ling mbwa, nɛ ngbɔsi mbwa ha dɛl.

Jean 10:5

Hio sami lɛm nɛ ha gdong gbele wi na. Ma, mbwa beyu wɛnɛ hazu mbwa ing gɛl wa na.»

Jean 10:8

Hio wi ndɔng fɛt ka hɔa sɔngsi nɛ mi, mbwa dungɔ nê hio wanzu nɛ wan-ba mɔ nɛ nyalɔ. Mɛgi, hio sami tɛ ze gɛl mbwa na.

Jean 12:26

Ka ma wi ngoy mɛ de tom ha kɔ mi, lɛma nde, wɛnɛ andari mi. Nɛ wan-tom pɔm bedung ha bhandi ka mi dung ang. Bafa mi belukisi wi ka de tom ha kɔ mi.»

Jean 13:15

Mi dea ɛngɛ ha li ɛnɛ tuka wekamɔ nde, ɛnɛ ade fin gbesi tuka mi dea.

Jean 18:37

Nɛ Pilate ana wɛnɛ fin: «Ka bo mɛgi, ki mɛ nê kongapora wa?» Jésus kɔa: «Ey! Mɛ tɔa yo, mi nê kongapora. Goto mɔ ka ɛ bhɛa nɛ mi, nɛ ka mi tɛa nɛ ha nzan, yo nde, ka mi agbasi tɛwen ha hio wi. Mɛgi, wi ka ngoy mɛ ing tɛwen, wɛnɛ bemɛkiri hio wen pɔm.»

Jean 3:29

Yo nê wan-sibhoko ka besi ko pɛa. Ma, dan mɛ wan-sibhoko nɛ totɛ ka wɛnɛ ze gɛl wa. Mɛgi, mi dung tuka dan mɛ wan-sibhoko, nɛ totɛ pɔm lɛma wɛɛ kari.

1 Korente 11:1

Ɛnɛ zɔk deamɔ pɔm de nɛ pɛ ɛnɛ, tuka mi ha zɔka deamɔ pɛ Christ de nɛ pɔm.

Efeze 5:1

Sising ɛnɛ tɛ bo nê hio bem pɛ Sɔ ka wɛnɛ ngoya pentɛ. Mɛgi, ɛnɛ zɔk pata deamɔ pɛa de nɛ pɛ ɛnɛ.

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 6:20

Jésus lea haki sɔngsi nɛ ɔ hazu gbosisi wal ha ɔ. Mɛgi, a tɛ bo nê gasa wan-hasadaka kpoo nɛ kpoo tuka ka Melkisedeke badung nê.

1 Pierre 2:21

Sɔ saa ɛnɛ mɛ de mɛgi hazu Christ nɛ pɛa tɛ kpaa yeksamɔ hazu ɛnɛ fin. A osa wal ha ɛnɛ nde, ka ɛnɛ ade mɔ tuka ka wɛnɛ dea.

1 Pierre 4:1

Gbesi tuka Christ kpaa yeksamɔ ha tɛ wa, lɛma nde, ɛnɛ fin aba ndangtɛ takaramɔ tuka wɛnɛ. Ɛngɛ beha ɛnɛ da mɛ dung nɛ yikosila ha zang yeksamɔ. Hazu, ka ɛnɛ kpa yeksamɔ ha tɛ ɛnɛ hazu ɛnɛ nê wi pɛ Christ, ɛnɛ laka dea gdangamɔ gde kari.

1 Pierre 5:3

Ka ɛnɛ aba tɛ ɛnɛ tuka wan hazu giliwi ka Christ gdea ha kɔ ɛnɛ, na. Ma, ɛnɛ osi mɔ ha mbwa nɛ wal dede deamɔ pɛ ɛnɛ.