Jacques 5:7 - Takarata pɛ Sɔ Mbombe Mbon

⁷ Hazu ɛngi, hio ya mi, ɛnɛ adung nɛ yikosila kanɛ Kongawan hɔa. Ɛnɛ zɔk hio wan-gɔm fɔ, mbwa keri nɛ yikosila nde, nu aha hongbongbo kpalmɔ. Mbwa ha kera nɛ yikosila angiri ha bosi kolo gbo ha kpogio kolo.

Jacques 5:7 ပူးပေါင်းရင်းမြစ်များ

Matthieu 16:27

Hazu mi, *Bewei pɛ Wi, betɛ hinɛ hio *telenge pɔm ha zang *lɛkɛ-lɛkɛmɔ pɛ Bafa mi. Nɛ mi bekɛ wi ndang ndang fɛt lɛm nɛ deamɔ pɛ mbwa.

Matthieu 16:28

Kpasawen, mi tɔ ha ɛnɛ, hio ma ha soko ɛnɛ ka dung hakɛ sising lɛm fe na, kanɛ mbwa bezɔk mi, Bewei pɛ Wi ha tɛa tuka *kongapora ha zu Kongakandɔ pɔm.»

Matthieu 24:27

Hazu mi, *Bewei pɛ Wi, betɛ gbesi tuka piolikolo ka baa ha liswe zikiri hɛrr.

Matthieu 24:44

Hazu ɛngi, ɛnɛ fin, ɛnɛ dung gdungɛ-gdungɛ hazu mi, Bewei pɛ Wi, behɔ ha ngimɔ ka ɛnɛ takiri ang na.»

Dede Wen hazu Jésus-Christ ka Luc ngɛraka 18:8

Ey, mi tɔ ha ɛnɛ nde, a bede nzengmɔ ha tɛ mbwa nɛhasa. «Ma, ka mi, *Bewei pɛ Wi bekifiri, mi bekpa fin hio wi ka mɛkara Sɔ, nde?»

Dede Wen hazu Jésus-Christ ka Luc ngɛraka 21:27

Hapata, hio wi bezɔk mi, Bewei pɛ Wi, ha tɛa ha zu buswe. Mi betɛ ha zang ziomɔ nɛ ha zang gasa *lɛkɛ-lɛkɛmɔ.

Dede Wen hazu Jésus-Christ ka Luc ngɛraka 8:15

Nɛ pɛ hio ma fin, yo gbesi dede nu. Sila mbwa nê nzeng nɛ dedea. Mbwa ze wen pɛ Sɔ, nɛ pam yo nɛ mboazu, nɛ mbwa way dede waya.»

Jean 21:22

Jésus tɔa ha Pierre: «Ka mi ngoy nde, wɛnɛ abhɔn nɛ zutunɔ tee kanɛ mi pea, wen pɛ mɛ ang nê ge? Pɛ mɛ, mɛ ndari nɛ mi!»

Jean 21:23

Mɛgi, wen ɛngɛ yambala dam nu hio wi pɛ Christ fɛt nde, wan-yambimɔ ɛngɛ lɛm mɛ fe na. Ma, Jésus tɛ tɔ ha Pierre mɛgi ndang na. A tɔa pɛa tɔ nde, ka ɛ ngoy nde, wɛnɛ abhɔn nɛ zutunɔ tee kanɛ ɛ pea, wen pɛ Pierre ang nê ge nde?

Rome 15:4

Hio wen mɔ fɛt ka ɛ bangɛriki ha takarata pɛ Sɔ, ɛ ngɛraka yo hazu osi mɔ ha ɔ. Mɛgi hio wen ndɔng de nde, ɔ akpa yikosila nɛ yɔkalamɔ mɛ gde tazu ɔ ha hio gɔnanu pɛ Sɔ.

Rome 2:7

Hio wi ndɔng ka de dedemɔ nɛ yikosila tuka nde, mbwa akpa ha kɔ Sɔ lukosomɔ, *lɛkɛ-lɛkɛmɔ, nɛ tunɔ ka bebhɔn, Sɔ beha mbwa *tunɔ kpoo.

1 Korente 1:7

Mɛgi, ma dedemɔ pɛ Sɔ kɔpi ɛnɛ ndang na, ɛnɛ ka keri ngimɔ ka *Kongawan pɛ ɔ, Jésus-Christ, begbasi tɛ wa.

Galasi 5:5

Pɛ ɔ, ɔ gde tazu ɔ nɛ wal *Nzɔy-Sɔtɛ ha tɛ Sɔ nde, wɛnɛ begde ɔ nzeng ha li wa hazu ɔ mɛkara Christ. Nɛ ɔ ha kera mɔ ɛngɛ nɛ sila ɔ fɛt.

Galasi 6:9

Hazu ɛngi, ɔ azati ha dea dedemɔ kpoo nɛ kpoo. Hazu, ka tɛ ɔ kati na, ɔ bebhi bin wayaa ha dede ngimɔ.

Kolose 1:11

Sɔ beha ɛnɛ ngatɛ pentɛ nɛ wal lɛkɛ-lɛkɛ ziomɔ pɛa tuka nde, ɛnɛ ayɔng yini nɛ yikosila ha zang mɔ fɛt.

1 Tesalonike 1:3

Ha li Sɔ, Bafa ɔ, tazu ɔ ha gbaa nɛ tom ka ɛnɛ de nɛ wal mɛkara Christ. Nɛ tazu ɔ ha gbaa nde, ɛnɛ ha gbɛngsa tɛ hazu ngoy may, nɛ nde, ɛnɛ ha gdea tazu ɛnɛ nɛ yikosila ha tɛ *Kongawan pɛ ɔ, Jésus-Christ.

1 Tesalonike 2:19

Kpasawen, yo nê hazu ɛnɛ fin ka ɔ gde tazu ɔ ha tɛ Sɔ, nɛ ka ɔ de totɛ, nɛ ka *Kongawan pɛ ɔ, Jésus, beha ɔ lɛkɛ-lɛkɛ kɛamɔ ha ngimɔ ka wɛnɛ bepe nɛ.

1 Tesalonike 3:13

Wɛnɛ aha ngatɛ ha sila ɛnɛ. Nɛ ha ngimɔ ka Kongawan pɛ ɔ, Jésus, bepe nɛ hinɛ hio nzɔy wi pɛa fɛt, wɛnɛ agde ɛnɛ nɛ nzɔya ha li Sɔ, Bafa ɔ, bo nɛ wen ha zu ɛnɛ na.

Hebro 6:15

Abraham kera mɔ nɛ yikosila, nɛ a kpaa hio mɔ ka Sɔ bagɔn nua ha wɛnɛ.

Jacques 4:11

Hio ya mi, ka ɛnɛ atɔ gdanga lingtɛ may na. Wi ka tɔ gdanga lingtɛ ya wa, nɛ ka gɔn kita ha zu wa, a tɔa gdanga lingtɛ *mbonga pɛ Sɔ, nɛ a gɔna kita ha zua. Ka mɛ gɔna kita ha zu mbonga ɛngɛ, yo tɔ nde, mɛ pam mbonga fin na, ma, mɛ tɛ bo nê wan-gɔn kita.

Jacques 5:10

Hio ya mi, tazu ɛnɛ agba nɛ hio *wan-tɔkuliwen ka bawolmɔ nɛ ling Kongawan. Mbwa baa sila mbwa nɛ kɔ ha zang yeksamɔ. Mɛgi, ɛnɛ de fin gbesi.

Jacques 5:3

Ngongele ha yɔnga mbɔli pɛ ɛnɛ. Ngongele ɛngɛ befundi ɛnɛ, nɛ yo bebesisi multɛ ɛnɛ tuka we. Ngase ka yo tɛ bo nê kpogio ngimɔ, ɛnɛ bhɔna ka ha wesara kpaamɔ pɛ ɛnɛ gde nɛtɛ.

2 Pierre 3:4

nɛ mbwa beani ɛnɛ: «Jésus-Christ ka gɔna nu ha ɛnɛ nde, a bepe kɛ, a hɔa kari nde? Hio bafa ɔ fea kari, nɛ hio mɔ fɛt bhɔna ka ha zu nu gbesi tuka ka Sɔ bade nɛ.»