Jacques 5:16 - Takarata pɛ Sɔ Mbombe Mbon

¹⁶ Mɛgi, ɛnɛ gbasi hio gdangamɔ pɛ ɛnɛ ha may, nɛ ɛnɛ agɔ Sɔ hazu may fin nde, ka wɛnɛ akpasisi ɛnɛ ha hio zɛlɛ pɛ ɛnɛ. Hazu, wi ka dung nzeng ha li Sɔ, gɔamɔ pɛa lɛmsiri mɔ nɛdɔka.

Jacques 5:16 ပူးပေါင်းရင်းမြစ်များ

Matthieu 21:22

Ka ɛnɛ gɔ Sɔ nɛ mɛkaramɔ, ɛnɛ bekpa mɔ fɛt ka ɛnɛ gɔ ha kɔ wa.»

Matthieu 3:6

Nɛ ka mbwa gbasa gdangamɔ pɛ mbwa, Jean gdumso mbwa ha li Jourdain.

Marc 1:5

Nɛ wi mɛ kandɔnu Judée nɛdɔka, nɛ mɔ gasa le Jérusalem fɛt guotɛ nɛ ha pɛa. Mbwa gbasa sɛmbɔ pɛ mbwa, nɛ Jean gdumso mbwa ha li Jourdain.

Dede Wen hazu Jésus-Christ ka Luc ngɛraka 9:6

Hio wan-nɛtom pena, mbwa nɛa gɔn hio le nɛnɛ. Ha bhandi fɛt mbwa bulo *Dede Wen nɛ mbwa kpasasa hio wan-zɛlɛ.

Jean 9:31

Ɔ hinɛ ɛnɛ, ɔ ingɔ nde, Sɔ ze gɔamɔ pɛ wan-de gdangamɔ na. Ma, a ze nɛ gɔamɔ pɛ wi ka ze nu wa, nɛ ka de mɔ ka sila wa ngoya.

Deamɔ 10:38

Ɛnɛ ingɔ wen tɛ Jésus, wi mɛ Nazaret, ka Sɔ weka nɛ donsa nɛ *Nzɔy-Sɔtɛ nɛ ziomɔ. Mɛgi, a yala ha bhandi fɛt, a dea dedemɔ nɛ kpasasa hio wi, ka dungɔ ha si *Satan, hazu Sɔ dungɔ hinɛ wɛnɛ.

Deamɔ 19:18

Hio dɔka wi ka mɛkara Jésus, tɛa tɛ gbasi tom nganga, ka mbwa ha dea, ha li hio wi fɛt.

Deamɔ 8:24

Simon kiforo wen ha mbwa: «Ɛnɛ gɔ Kongawan hazu mi nɛ tɛ ɛnɛ tuka nde, mɔ ka ɛnɛ tɔa, ahɔ ha tɛ mi ndang na.»

Rome 3:10

Yo gbesi tuka ɛ ngɛraka ha takarata pɛ Sɔ: «Ma *nzeng wi ndang ha li Sɔ bona, ndang bona.

Rome 5:19

Hio wi fɛt tɛ bo nê hio *wan-de gdangamɔ hazu ndanga wi ɛngɛ ka kafa nu Sɔ. Gbesi tuka ɛngi, hio dɔka wi tɛ bo nê *nzeng wi ha li Sɔ hazu ndanga wi ɛngɛ ka zea nu Sɔ.

Kolose 1:9

Yo nê ɛngi, angiri ha swe ka ɔ zea nɛ kasi tɛ ɛnɛ, ɔ bhɔna ka ha gɔa Sɔ hazu ɛnɛ ngimɔ fɛt. Ɔ ha gɔa wɛnɛ nde, Nzɔy-Sɔtɛ adonsi ɛnɛ nɛ ingɔmɔ nɛ mbaramɔ fɛt tuka nde, ɛnɛ aing mɔ ka Sɔ ngoya.

1 Tesalonike 5:17

Ɛnɛ abhɔn ha gɔa Sɔ kpoo.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

1 Tesalonike 5:25

Hio ya ɔ, ɛnɛ agɔ Sɔ hazu ɔ fin.

Hebro 11:4

Nɛ wal mɛkara Sɔ, Abel haa dede sadaka ha Sɔ ka pena pɛ Kain. Nɛ ha wen zu mɛkaramɔ pɛa, Sɔ zɔka wɛnɛ tuka *nzeng wi, nɛ a mɛkara sadaka pɛa. Ngase ka Abel fea, a bhɔna ka ha wolamɔ ha ɔ nɛ wal mɛkaramɔ pɛa.

Hebro 11:7

Nɛ wal mɛkara Sɔ, Noe zea nu Sɔ, ka gbaa tazu wa nɛ mbengli ka behɔ. Ngase ka wɛnɛ tɛ zɔk ka mbenglia na, a dea gasa kuga. Nɛ wɛnɛ hinɛ hio nam pɛa kpasa ang. Nɛ wal dea mɛgi, a gɔna kita ha zu hio wi mɔ nzan, nɛ a tɛ bo nzeng ha li Sɔ nɛ wal mɛkara wɛnɛ.

Hebro 12:13

Ɛnɛ ayolsi mbango ka ɛnɛ nɛ nɔ ang tuka nde, wi ka nanga wa sɛkara, alunsiri yo na, ma, a bekpasi.

Hebro 13:18

Ɛnɛ gɔ Sɔ hazu ɔ. Ɔ ingɔ nɛdedea nde, ingɔmɔ sila pɛ ɔ nɛ saa, hazu ɔ ngoya de dedemɔ ha zang mɔ fɛt.

1 Pierre 2:24

Ha getakate, Christ nɛ pɛa tɛ kuo *sɛmbɔ pɛ ɔ gde ha tɛ wa. A dea mɛgi tuka nde, ɔ adung tuka fiowi ka lɛm de gdangamɔ fin na, nɛ nde, ɔ adung tuka tunɔ wi ka de mɔ ka dung nzeng ha li Sɔ. Ɛnɛ kpasa nɛ wal dalɛ ndɔng ka wɛnɛ baa.

1 Jean 3:22

Ɔ ha kpaa mɔ fɛt ka ɔ gɔ ha kɔ wa, hazu ɔ ha pama hio *mbonga pɛa, nɛ ɔ ha dea mɔ ka ha totɛ ha wɛnɛ.