Jacques 4:8 - Takarata pɛ Sɔ Mbombe Mbon

⁸ Ɛnɛ tiki tɛ ha pɛ Sɔ, nɛ Sɔ fin betɛ sanga nɛ ɛnɛ. Ɛnɛ hio *wan-de gdangamɔ, ɛnɛ tay kɔ ɛnɛ! Nɛ ɛnɛ hio wan-sila bwa, ɛnɛ sasisi sila ɛnɛ!

Jacques 4:8 ပူးပေါင်းရင်းမြစ်များ

Matthieu 12:33

«Ka te nɛ dedea, wayaa bedung nɛ dedea. Nɛ ka te nɛ gdangaa, wayaa bedung fin nɛ gdangaa. Hazu ɛ ing te nɛ wal wayaa.

Matthieu 15:2

«Hio *wan-yambimɔ pɛ mɛ tukili osamɔ pɛ hio ngbabafa ɔ, hazu ge? Hazu sɔngsi yɔngamɔ, mbwa tay kɔ lɛm nɛ ndɔki deamɔ pɛ ɔ na.»

Matthieu 27:24

Ka Pilate zɔka nde, a lɛm gan zu giliwi na, nɛ ka woto-wotomɔ penatɛ, wɛnɛ ana li, a taya kɔ wa ha li hio wi fɛt nɛ tɔa: «Fio pɛ wi ɛngɛ zɔk mi na! Yo nê wen pɛ ɛnɛ!»

Deamɔ 15:9

Sɔ tɛ gba soko ɔ hinɛ mbwa na. A sasasa sila mbwa hazu mbwa mɛkara Jésus.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

1 Timothée 2:8

Mɛgi, mi ngoya nde, hio wei agɔ Sɔ ha bhandi fɛt nɛ yafafa kɔ ha ngɔn nɛ saa sila, bo nɛ ngambi mana siokafɛ ha sila mbwa na.

Hebro 10:22

Wɛnɛ sasasa sila ɔ kari, ingɔmɔ sila pɛ ɔ bo fin nɛ nzing na, nɛ a zosa tɛ ɔ nɛ ngɛnza li. Hazu ɛngi, ɔ tiki nɛ hapɛtɛ Sɔ nɛ kpasa sila, ka dona don nɛ mɛkaramɔ.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.

Jacques 1:8

Hazu wɛnɛ nɛ sila bwa, nɛ a nɛ nɔ zelem-zelem ha wal pɛa fɛt.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Pierre 3:21

Mbeng li ɛngɛ dung tuka li ka ɛ gdumso ɛnɛ ang nɛ ling Jésus-Christ. Ɛ tɛ gdumsi ɛnɛ ha li hazu kusi nzing ha tɛ ɛnɛ yunɛ na, ma, ɛ dea yo hazu ani Sɔ mɛ sasisi ingɔmɔ sila pɛ ɛnɛ. Ɛnɛ kpasa sising nɛ wal gdumso ɛnɛ ha li hazu Jésus-Christ guotɛ ha soko hio fiowi.

1 Jean 3:3

Mɛgi, wi fɛt ka gde tazu ha tɛ Christ nde, mɔ behɔ mɛgi, lɛma nde, mbwa ade tɛ mbwa nɛ nzɔya tuka Christ nɛ nzɔya.