Jacques 4:11 - Takarata pɛ Sɔ Mbombe Mbon

¹¹ Hio ya mi, ka ɛnɛ atɔ gdanga lingtɛ may na. Wi ka tɔ gdanga lingtɛ ya wa, nɛ ka gɔn kita ha zu wa, a tɔa gdanga lingtɛ *mbonga pɛ Sɔ, nɛ a gɔna kita ha zua. Ka mɛ gɔna kita ha zu mbonga ɛngɛ, yo tɔ nde, mɛ pam mbonga fin na, ma, mɛ tɛ bo nê wan-gɔn kita.

Jacques 4:11 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 6:37

«Ɛnɛ agɔn kita ha zu ma wi na, mɛgi Sɔ lɛm gɔn kita ha zu ɛnɛ na. Ɛnɛ agɔn kita ba ma wi na, mɛgi Sɔ lɛm gɔn kita ba ɛnɛ na. Ɛnɛ bisi *sɛmbɔ pɛ may, mɛgi Sɔ bebisi sɛmbɔ pɛ ɛnɛ.

Rome 2:1

Mɛ ka gɔn kita ha zu hio ma mɛ, ngase mɛ dung mɛng, mɛ bo nɛ ma wen hazu ngangi nɛ tɛ mɛ na. Hazu mɛ fɛt, mɛ ha dea ndangtɛ gdangamɔ tuka mbwa. Mɛgi, ka mɛ gɔn kita ha zu mbwa, mɛ gɔn nɛ kita ha zu mɛ nɛ pɛ mɛ tɛ.

Rome 2:13

Wi ka ze mbonga nɛ zala sɔna, Sɔ lɛm gde wia nzeng ha li wa na. Ma, yo nê wi ndɔng ka de mɔ lɛm nɛ wen mbonga, ka Sɔ begde mbwa nzeng ha li wa.

Rome 7:7

Ɔ betɔ nde ge? Ɔ betɔ nde, mbonga nê gdangamɔ nde? Way! Yo bo nê gdangamɔ na. Ma, yo nê mbonga ka osi ha mi mɔ ka dung nê gdangamɔ. Mbonga tɔa nde: «Ka mɛ agol mɔ pɛ ma mɛ na.» Ka bo se nde, mbonga atɔ mɛgi na, ki mi tɛ ing nde, golamɔ nê gdangamɔ, na.

1 Korente 4:5

Hazu ɛngi, ka ɛnɛ agɔn kita ha zu wi na. Ɛnɛ keri kanɛ ngimɔ ka Kongawan behɔ. Hazu ka wɛnɛ hɔa, hio mɔ ka wusi tɛ ha tutum sising, a begbosisi yo ha saamɔ. A begbasi fin long hio mɔ ka hio wi takiri ha zang sila mbwa. Mɛgi, Sɔ belukisi wi ndang ndang fɛt lɛm nɛ tom ka mbwa dea.

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

Efeze 4:31

Mɛgi, ka gdanga sila, yimsila nɛ ngambi adung ha soko ɛnɛ na. Ka ɛnɛ atubhi da ha soko may mana ya may fin na. Nɛ ɛnɛ alak hio tili gdangamɔ nɛtɛ-nɛtɛ fɛt gde.

1 Timothée 3:11

Hio ko pɛ hio diakre fin, lɛma nde, mbwa adung nê hio zio wi, ka ba lingtɛ hio wi na. Mbwa agan zu tɛ mbwa, nɛ mbwa adung nɛ mboazu ha mɔ fɛt.

2 Timothée 3:3

wan-nga sila, wan-tukili mɔ, wan-tɔ lingtɛ, wan-de ngamɔ, wan-nyalɔ, wan-sungiri dedemɔ,

Tite 2:3

Gbesi tuka ɛngi, mɛ tɔ ha hio koto bhoko nde, mbwa ade mɔ tuka nzɔy wi ha li Sɔ. Ka mbwa atɔ gdanga lingtɛ dan mbwa na. Ka mbwa adung bala ha si dɔkɔ na. Ma, mbwa adung hio wan-osi dede deamɔ.

Jacques 1:16

Hio ya mi ka mi ngoya gdang, ka ɛnɛ aosili ɛnɛ nɛ tɛ ɛnɛ na.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.

Jacques 1:25

Ma, totɛ ha wi ka gɛri *mbonga pɛ Sɔ gdoo, nɛ ka de tom lɛm nɛ yo. Wɛnɛ tɛ ze yo sɔna nɛ zala na, nɛ tazu wa tɛ bisi nɛ yo na. Ma, wɛnɛ ha pama mbonga pɛ Sɔ, ka lɛma wɛɛ, nɛ ka gde ɔ sɛɛ. Mɛgi wɛnɛ bedung nɛ totɛ ha deamɔ pɛa.

Jacques 2:8

Takarata pɛ Sɔ osi *mbonga pɛ Kongakandɔ pɛa nde, «Mɛ ngoy ma mɛ tuka tɛ mɛ.» Ey, ka ɛnɛ lɛmsiri mbonga ɛngɛ, yo nɛ dedea pentɛ.

Jacques 5:10

Hio ya mi, tazu ɛnɛ agba nɛ hio *wan-tɔkuliwen ka bawolmɔ nɛ ling Kongawan. Mbwa baa sila mbwa nɛ kɔ ha zang yeksamɔ. Mɛgi, ɛnɛ de fin gbesi.

Jacques 5:7

Hazu ɛngi, hio ya mi, ɛnɛ adung nɛ yikosila kanɛ Kongawan hɔa. Ɛnɛ zɔk hio wan-gɔm fɔ, mbwa keri nɛ yikosila nde, nu aha hongbongbo kpalmɔ. Mbwa ha kera nɛ yikosila angiri ha bosi kolo gbo ha kpogio kolo.

Jacques 5:9

Hio ya mi, ka ɛnɛ andi may na, yu nde, Sɔ betɛ gɔn kita ha zu ɛnɛ. Zɔk, wan-gɔn kita tɛ bo sanga ha nutwa.

1 Pierre 2:1

Hazu ɛngi, ɛnɛ akafi tili gdangamɔ fɛt: Ka ɛnɛ atɔ dalo na, ka ɛnɛ ade gdanga dambari na, ka ɛnɛ ade silamɔ na, nɛ ka ɛnɛ atɔ gdanga lingtɛ na.