Jacques 3:13 - Takarata pɛ Sɔ Mbombe Mbon

¹³ Ka ma wi ha soko ɛnɛ zɔk tɛ wa tuka wi ka dung nɛ mbaramɔ nɛ ingɔmɔ, lɛma nde, wɛnɛ agbasi yo nɛ wal dede mɔ, ka wɛnɛ de nɛ mɛndi nɛ mbaramɔ.

Jacques 3:13 ပူးပေါင်းရင်းမြစ်များ

Matthieu 11:29

Ɛnɛ aba toy pɔm gde ha zu ɛnɛ, nɛ ɛnɛ yambi mɔ ha kɔ mi, hazu mi nɛ gaa nɛ mɛndi. Mɛgi ɛnɛ being mɔ ka ha gaamɔ ha tunɔ pɛ ɛnɛ.

Matthieu 21:5

«Ɛnɛ tɔ ha gasa le Jérusalem: *Kongapora pɛ mɛ ha tɛa ha pɛ mɛ nɛ gaa sila, wɛnɛ ha dungɔa ha zu ma toyfok. Nɛ wɛnɛ ha dungɔa ha zu betoyfok, bem pɛ nana toyfok.»

Matthieu 5:5

Totɛ ha hio mɛndi wi, hazu Sɔ beha mbwa nu nɛ likɔ!

Matthieu 7:24

«Mɛgi, wi ndang ndang fɛt ka ze wen pɔm ndɔng, nɛ ka de mɔ lɛm nɛ yo, mbwa gbesi tuka zɔma wi ka bɛa twa pɛa ha zu gogo.

1 Korente 6:5

Mi ha tɔa wen mɛgi hazu pi nɛ foy ha li ɛnɛ. Ma wan-mbarimɔ bo ha soko ɛnɛ ka lɛma gba soko wen ha soko hio gdiya ha Christ, na nde?

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

2 Korente 8:24

Ɛnɛ aosi ha hio ya ndɔng nde, ɛnɛ ngoya mbwa nɛkpasa. Mɛgi, giliwi mɔ hio eglize being nde, ɔ lukisi tɛ hazu ɛnɛ ha li mbwa nɛ wala.

Galasi 5:23

dungɔa nɛ mɛndi, nɛ gana zu tɛ. Mbonga bo ha sungoro hio tili deamɔ mɛgi na.

Galasi 6:1

Hio ya mi, *Nzɔy-Sɔtɛ ang ha tɛ ɛnɛ. Mɛgi, ka ɛnɛ kpa ma wi ha dea gdangamɔ, ɛnɛ yolsi wɛnɛ nɛ gaa sila. Nɛ ɛnɛ pangay nɛ tɛ ɛnɛ fin yu nde, ɛnɛ betɛ tek ha zang gdangamɔ tuka wɛnɛ.

Galasi 6:4

Dea nde, wi ndang ndang azɔk deamɔ pɛa nɛ pɛa tɛ. Ka wɛnɛ aweki deamɔ pɛa nɛ pɛ ma wi na. Mɛgi, ka wɛnɛ kpaa nɛ tɛ wa nde, deamɔ pɛa nɛ dedea, wɛnɛ lɛma lukisi tɛ hazua.

Efeze 4:2

Ɛnɛ dung ka swe fɛt nɛ mɛndi, nɛ gaa, nɛ yikosila ha soko may. Ɛnɛ aba sila nɛ may nɛ ngoy.

Filipe 1:27

Pen fɛt, ɛnɛ ade mɔ lɛm nɛ Dede Wen pɛ Christ, mana mi benɛ ha zɔka ɛnɛ, mana mi bhɔna nɛ yɛa. Lɛma nde, mi aze nde, ɛnɛ ha dea tom nɛ kɔ may nɛ ndangtɛ takaramɔ, nɛ nde, ɛnɛ ha bio bulo nɛ sila ndang tuka nde, mɛkaramɔ nɛ Dede Wen ayɛbhi.

Kolose 3:12

Sɔ ngoya ɛnɛ nɛ wɛnɛ weka ɛnɛ tuka nzɔy kandɔ pɛa. Mɛgi, dea nde, ɛnɛ ayol mbombe tɛ wi, ka de kobhe tɛ wi, ka de dedemɔ, ka hil nɛ mɛndi, ka dung nɛ gaa sila nɛ yikosila.

1 Timothée 4:12

Ka ma wi abhɛsiri mɛ hazu mɛ bhɔna ka nê pɔlɔmbɔ wi na. Ma, dea nde, wolamɔ pɛ mɛ, deamɔ pɛ mɛ, ngoy pɛ mɛ, mɛkaramɔ pɛ mɛ, nɛ saa sila pɛ mɛ, adung nê wekamɔ hazu hio wi fɛt ka mɛkiri Christ.

1 Timothée 6:11

Ma, mɛ ka dung nê wi pɛ Sɔ, mɛ sɔsi mɔ ndɔng ki fɛt. Mɛ ki wal mɛ dung nzeng nɛ mboazu ha li Sɔ. Mɛ bhɔn ka ha mɛkara Christ, mɛ ngoy ma mɛ, mɛ dung nɛ yikosila, nɛ fin nɛ gaa sila.

2 Timothée 2:25

Lɛma nde, wɛnɛ aosimɔ nɛ gaa sila ha hio wan-lunsiri wen ha nu wa. Mana Sɔ beha mbwa wal mɛ kifiri sila hazu ing nɛ tɛwen.

Tite 3:2

Ka mbwa afɛngsi wi na. Ka mbwa amɔy hinɛ wi na. Ma, mbwa adung nɛ gaa, nɛ mbwa ade mɔka sila ha tɛ wi fɛt.

Hebro 13:5

Ka wɔ mbɔli agan zu deamɔ pɛ ɛnɛ na, ma, ɛnɛ ade totɛ hazu mɔ ka dung ha kɔ ɛnɛ. Hazu Sɔ tɔa: «Mi lɛm mɛ ndekiri mɛ ndang na. Nɛ mi lɛm lak mɛ gde ndang na.»

Jacques 1:21

Mɛgi, ɛnɛ lak mɔ nzing nɛ gdangamɔ fɛt gde. Ɛnɛ ze nɛ mɛndi wen ka Sɔ lesisi ha zang sila ɛnɛ. Hazu wen ɛngɛ lɛma kpasisi tunɔ pɛ ɛnɛ.

Jacques 2:18

Ka ma wi tɔ: «Hio ma wi mɛkara Sɔ, nɛ hio ma de pɛ mbwa nɛ dedemɔ.» Mɛgi, mi bekifiri wen: «Ka mɛ de dedemɔ na, mɛ beosi ha mi nde, mɛ mɛkara Sɔ, mɛng? Mi beosi ha mɛ nde, mi mɛkara Sɔ, nɛ wal dede deamɔ pɔm.»

Jacques 3:1

Hio ya mi, ka dɔka wi ha soko ɛnɛ aki wal mɛ dung wan-osimɔ ha wal mɔ Sɔ na. Hazu ɛnɛ ingɔ nde, Sɔ begɔn kita ha zu ɔ, hio wan-osimɔ, nɛngaya pen pɛ hio mbingwi.

Jacques 3:17

Ma, wi ka dung nɛ mbaramɔ ka gutɛ ha pɛ Sɔ tɛnɛ, wia dung pɛa nɛ saa nɛ gaa, wɛnɛ de ngay, wɛnɛ nɛ mɛndi, wɛnɛ de kobhe tɛ wi, nɛ wɛnɛ de dedemɔ swe fɛt. A gba soko wi na, nɛ a bo nɛ gdanga dambari na.

1 Pierre 1:15

Ma, lɛma nde, ɛnɛ adung nɛ nzɔya ha deamɔ pɛ ɛnɛ fɛt, hazu Sɔ ka saa ɛnɛ, wɛnɛ nɛ nzɔya.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

1 Pierre 3:4

ma, ɛnɛ adung nɛ lɔkaa nɛ wal mɔ ka de le ha sila ɛnɛ. Dea nde, ɛnɛ adung nɛ mɔka sila nɛ gaa. Hazu ɛngi nê lɔkatɛ, ka lɛm gdang na, nɛ ka dung nɛ zioa ha li Sɔ.