Jacques 3:1 - Takarata pɛ Sɔ Mbombe Mbon

¹ Hio ya mi, ka dɔka wi ha soko ɛnɛ aki wal mɛ dung wan-osimɔ ha wal mɔ Sɔ na. Hazu ɛnɛ ingɔ nde, Sɔ begɔn kita ha zu ɔ, hio wan-osimɔ, nɛngaya pen pɛ hio mbingwi.

Jacques 3:1 ပူးပေါင်းရင်းမြစ်များ

Matthieu 10:24

«*Wan-yambimɔ pen zu wan-osimɔ pɛa na. Nɛ wan-tom pen zu wan pɛa na.

Matthieu 23:13

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Hazu ɛnɛ gdɔka wal ka le ha *Kongakandɔ Ngɔn ha hio wi. Ɛnɛ nɛ pɛ ɛnɛ tɛ le haki na, nɛ ɛnɛ ha dola hio wi ka ngoy le haki. [

Matthieu 23:14

«Ngɔtɛ ha ɛnɛ, hio wan-osi mbonga nɛ hio Farizien, wan-dambari! Ɛnɛ yɔng likɔ pɛ hio nagula fɛt. Nɛ ɛnɛ gɔ Sɔ ndɛliɛɛ nɛ peali tuka nde, hio wi azɔk ɛnɛ tuka *nzeng wi. Hazu ɛngi, Sɔ begɔn kita ha zu ɛnɛ nɛngaya pen hio olo wi.]

Matthieu 9:11

Ka hio *Farizien zɔka mɛgi, mbwa ana hio wan-yambimɔ pɛa: «Wan-osimɔ pɛ ɛnɛ yɔng mɔ hinɛ hio wan-ndɛm mbɔli garama nɛ hio wan-de gdangamɔ hazu ge?»

Dede Wen hazu Jésus-Christ ka Luc ngɛraka 16:2

Mɛgi wan-kpamɔ saa wɛnɛ nɛ tɔa: ‹Mi zea nɛ ge hazu mɛ ge nde? Mɛ osi ha mi pata mɔ fɛt ka mɛ dea nɛ toy pɔm. Hazu mɛ lɛm dung wan-pam mɔ pɔm fin na.›

Dede Wen hazu Jésus-Christ ka Luc ngɛraka 6:37

«Ɛnɛ agɔn kita ha zu ma wi na, mɛgi Sɔ lɛm gɔn kita ha zu ɛnɛ na. Ɛnɛ agɔn kita ba ma wi na, mɛgi Sɔ lɛm gɔn kita ba ɛnɛ na. Ɛnɛ bisi *sɛmbɔ pɛ may, mɛgi Sɔ bebisi sɛmbɔ pɛ ɛnɛ.

Jean 3:10

Mɛgi Jésus ana wɛnɛ: «Mɛ ka dung nê gasa wan-osimɔ ha soko hio zuife mɛ ing goto mɔ ndɔng na?

Deamɔ 13:1

Ha soko *giliwi mɔ eglize ha Antioshe, hio *wan-tɔkuliwen nɛ hio wan-osimɔ ang. Ling mbwa nê: Barnabas, Siméon, Lusius, Manaen, nɛ Saul. Ɛ sa Siméon fin nde tu wi. Lusius nê wi mɛ Sirene. Nɛ Manaen kpɔatɛ gbesi hinɛ *kongapora Herode Antipas.

1 Korente 12:28

Mɛgi, ha soko hio giliwi mɔ eglize, Sɔ gdea hio wi pɛa nɛtɛ-nɛtɛ. Bosia nê hio *wan-nɛtom, zebwaa nê hio *wan-tɔkuliwen, zetara nê hio wan-osimɔ Sɔ. Hapata, a gdea hio wi ndɔng ka de nɛ *mɔkifi, hio wi ka kpaa ngatɛ mɛ karsi nɛ zɛlɛ, hio wi ka gbakiri nɛ hio mbinga, hio wi ka ngbɔsi hio oloa, nɛ hio wi ka wol mɔ nɛ hio nu pɛ Nzɔy-Sɔtɛ.

2 Korente 5:10

Hazu, lɛma nde, ɔ hinɛ ɛnɛ fɛt ahɔ ha li Christ tuka nde, wɛnɛ agɔn kita ha zu ɔ. A bekɛ ɔ ndang ndang fɛt lɛm nɛ dedemɔ mana nɛ gdangamɔ ka ɔ dea ha ngimɔ ka ɔ dungɔ nɛ tɛ ɛngɛ.

Efeze 4:11

Yo nê wɛnɛ ka ha tili ngatɛ nɛtɛ-nɛtɛ ha hio wi. A haa ha hio ma mɛ dung *wan-nɛtom, ha hio ma mbinga mɛ dung *wan-tɔkuliwen, ha hio ma fin mɛ dung wan-bul *Dede Wen, nɛ ha hio ma mbinga fin mɛ dung *pasteur mana mɛ dung wan-osimɔ.

1 Timothée 1:7

Mbwa nɛ hɛl mɛ dung *wan-osi mbonga pɛ Moïse, ma, mbwa nɛ tɛ mbwa tɛ ing ngase goto wolamɔ pɛ mbwa, ngase goto hio wen ka mbwa mɛkiri ha yo nɛ da, na.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

Jacques 1:16

Hio ya mi ka mi ngoya gdang, ka ɛnɛ aosili ɛnɛ nɛ tɛ ɛnɛ na.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.

Jacques 3:10

Lukosomɔ nɛ fomi ha gboa ha ndangtɛ nu wi. Hio ya mi, ka ɔ ade mɔ mɛgi ndang na.

1 Pierre 5:3

Ka ɛnɛ aba tɛ ɛnɛ tuka wan hazu giliwi ka Christ gdea ha kɔ ɛnɛ, na. Ma, ɛnɛ osi mɔ ha mbwa nɛ wal dede deamɔ pɛ ɛnɛ.