Jacques 2:9 - Takarata pɛ Sɔ Mbombe Mbon

⁹ Ma, ka ɛnɛ bhɔn ka ha gbaa soko hio wi, ɛnɛ dea gdangamɔ, nɛ mbonga pɛ Sɔ befundi ɛnɛ hazu ɛnɛ tukolo yo.

Jacques 2:9 ပူးပေါင်းရင်းမြစ်များ

Jean 16:8

Nɛ ka wɛnɛ tɛa, a begbasi ha hio wi mɔ nzan tɛwen hazu dea gdangamɔ, hazu nzeng mɔ, nɛ hazu kita pɛ Sɔ.

Jean 8:46

Ha soko ɛnɛ, yo nê o ka lɛma osi ha mi gdangamɔ ka mi dea, o? Ndang bona. Nɛ ka mi tɔ tɛwen ha ɛnɛ, ɛnɛ mɛkiri na hazu ge?

Jean 8:9

Ka mbwa zea wen ɛngɛ, mbwa angara pena ndang ndang, hio koto wi pena nɛ bosia. Jésus bhɔna gbatɛ hinɛ bhoko ɛngɛ ka yola ha li wa.

Deamɔ 10:34

Pierre angara wolamɔ nɛ wɛnɛ tɔa: «Kpasawen, sising mi ingɔ nɛdedea nde, Sɔ gba soko wi na!

Rome 3:20

Nɛ wal dea mɔ lɛm nɛ wen mbonga, ma wi ndang lɛm dung nzeng ha li Sɔ na. Mbonga ha sɔna nɛ wal ha hio wi mɛ ing nde, mbwa fɛt ha dea gdangamɔ.

1 Korente 14:24

Ma, ka ɛnɛ fɛt tɔ kuliwen pɛ Sɔ, ɛngi nɛ dedea. Hazu, ma wi ka tɛ mɛkiri Christ na, mana ka ing goto wolamɔ nɛ hio nu pɛ Nzɔy-Sɔtɛ na, ka wɛnɛ le ha soko ɛnɛ, bo nê kuliwen ndɔng begbasi *sɛmbɔ pɛa ha wɛnɛ na nde? Bo nê mɔ fɛt ka wɛnɛ ha zea begɔn kita ha zu wa, na nde?

Galasi 2:19

Ey, ha li mbonga mi dung tuka fiowi, yo zɔk fin mi na. Mbonga nɛ pɛa tɛ dea mɛgi tuka nde, mi adung nɛ zutunɔ hazu Sɔ. Mi fea gbesi hinɛ Christ ha getakate.

1 Jean 3:4

Wi fɛt ka de gdangamɔ, kafi *mbonga pɛ Sɔ. Hazu dea gdangamɔ, yo nê kafa mbonga pɛ Sɔ.

Jude 1:15

hazu gɔn kita ha zu hio wi fɛt. Nɛ wɛnɛ bendulsi hio *wan-kafi Sɔ ndang ndang fɛt hazu mɔ, ka mbwa dea sungiri nɛ wɛnɛ. A bendulsi mbwa, hio *wan-de gdangamɔ ka kafi Sɔ, hazu hio gdanga wen fɛt ka mbwa tɔa sungiri nɛ wɛnɛ.