Jacques 2:19 - Takarata pɛ Sɔ Mbombe Mbon

¹⁹ Mɛ mɛkara nde, Sɔ nê ndang sɔna? Ey, mɛ dea nɛdedea. Hio gdanga sɔtɛ fin mɛkara mɛgi, nɛ sila mbwa gɔn nɛ ke.

Jacques 2:19 ပူးပေါင်းရင်းမြစ်များ

Matthieu 8:29

Mbwa gdɔra: «*Bewei pɛ Sɔ, mɛ ngoy mɛ de nɛ ge nɛ ɔ ge? Mɛ tɛa hazu yukiti ɔ sɔngsi swe kita pɛ Sɔ nde?»

Marc 1:24

«Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Marc 12:29

Nɛ Jésus kiforo wen ha wɛnɛ: «Gasa mbonga ka pena hio mbinga fɛt, yo nê ɛngɛ: ‹Ɛnɛ hio wi mɔ kandɔ *Israel, ɛnɛ ze, *Kongawan, Sɔ pɛ ɔ, nɛ Sɔ ndang sɔna.

Marc 5:7

Nɛ wɛnɛ gdɔra nɛ ngagɛl, a tɔa: «Jésus, *Bewei pɛ Sɔ ha kuso ngɔn, mɛ ngoy mɛ de nɛ ge nɛ mi ge? Mi baa nanga mɛ nɛ ling Sɔ nde, ka mɛ andulsi mi na.»

Marc 7:9

Ɛnɛ nɛ zɛng mɛ mul mbonga pɛ Sɔ pi bhɔn hazu ndari ndɔki deamɔ pɛ ɛnɛ.

Dede Wen hazu Jésus-Christ ka Luc ngɛraka 4:34

«Yiss, Jésus wi mɛ Nazaret, mɛ ngoy de nɛ ge nɛ ɔ, ge nde? Mɛ tɛa ha gdangsa ɔ? Mi ingɔ mɛ nɛdedea. Mɛ nê nzɔy wi, ka Sɔ tomsa.»

Jean 17:3

Nɛ tunɔ kpoo, yo nê ingɔ mɛ, ndanga kpasa Sɔ, nɛ ingɔ mi, Jésus-Christ ka mɛ tomsa.

Deamɔ 16:17

Wɛnɛ naka pata Paul nɛ ɔ fɛt, nɛ a gdɔra nɛ ngagɛl: «Hio wi ndɔng nê wan-tom pɛ Sɔ ha kuso ngɔn. Mbwa ha osa ha ɛnɛ wal *mɔkpasi.»

Deamɔ 19:15

Ma, gdanga sɔtɛ tɔa ha mbwa: «Mi ingɔ Jésus, nɛ mi ingɔ Paul. Ma, ɛnɛ nê o?»

Deamɔ 24:25

Ma, ka Paul ha tɔa wen dea mɔ nzeng, wen gana zu tili wɔ mɔ fɛt, nɛ wen kita pɛ Sɔ ka betɛ, ke baa Félix nɛ a tɔa: «Sising, mɛ kifiri si ha twa zɔbhɔ. Mi besa mɛ fin, ka mi kpa dede ngimɔ.»

Rome 3:30

Hazu, Sɔ ka nê ndang sɔna. Wi ka mɛkara Jésus, mana wia nê zuife, mana wia bo nê zuife na, Sɔ begde wɛnɛ nzeng ha li wa.

1 Korente 8:4

Mɛgi, sari ka hio wi ha nɛ sadaka ha gbele sɔ, ɔ lɛma mɛ yɔng nde? Ɔ ingɔ fɛt nde, hio gbele sɔ hakɛ ha nzan bo nɛ ngatɛ na. Sɔ ka nê ndang sɔna nzɛt.

1 Korente 8:6

Ma, ɔ hinɛ ɛnɛ, ɔ ingɔ pɛ ɔ nde, Sɔ nê ndang sɔna. Wɛnɛ nê Bafa ɔ, yo nê wɛnɛ ha de mɔ fɛt, nɛ ɔ dung nɛ zutunɔ hazu wa. Nɛ Kongawan fin ka nê ndang sɔna, Jésus-Christ. Sɔ dea mɔ fɛt nɛ wal wɛnɛ, nɛ yo fin nɛ wal wɛnɛ ka ɔ dung nɛ zutunɔ.

Galasi 3:20

Ma, ka bo nê pɛ Sɔ hinɛ Abraham, ma wi ndang tɛ dung ha soko mbwa na. Yo nê Sɔ gbatɛ ha gɔn nu ha Abraham.

1 Timothée 2:5

Kpasawen, Sɔ ka nê ndang sɔna. Nɛ wi ka dung ha soko hio wi hinɛ Sɔ, ka fin nê ndang sɔna. Wi ɛngɛ nê Jésus-Christ.

Jacques 2:8

Takarata pɛ Sɔ osi *mbonga pɛ Kongakandɔ pɛa nde, «Mɛ ngoy ma mɛ tuka tɛ mɛ.» Ey, ka ɛnɛ lɛmsiri mbonga ɛngɛ, yo nɛ dedea pentɛ.

Jude 1:4

Mi tɔ mɛgi hazu hio ma wi ka tɛ mɛkiri Sɔ na, lea ha soko ɛnɛ nɛ wuso. Mbwa ha kio wal mɛ tukili wen *dede sila ka Sɔ ha dea ha tɛ ɔ. Mbwa tɔ nde, ka ɔ de mɔ nɛ tum, yo de ma mɔ ndang na, hazu Sɔ ha dea dede sila ha tɛ ɔ swe fɛt. Nɛ wal deamɔ mɛgi, mbwa kafa Jésus-Christ ka dung nê ndanga wan-osimɔ nɛ ndanga *Kongawan pɛ ɔ. Sɔ weka wal ka wɛnɛ begɔn kita ba nɛ hio wi ndɔng sɔngsi bhee kari.

Jude 1:6

Tazu ɛnɛ agba fin nɛ hio *telenge ndɔng ka balak bhandi pɛ mbwa gde hazu mbwa ngoya ziomɔ pen ɛngɛ ka Sɔ haa ha mbwa. Sɔ basang mbwa nɛ zɔbhɔ kpoo, pi ha zang ngɛ-ngɛ-ngɛ tutum, keri nɛ gasa ngimɔ kita.

Gbasamɔ 20:10

Nɛ Satan ka baosili mbwa, ɛ pio wɛnɛ ha zang tɔ we ka ba we nɛ piti, ha ndangtɛ bhandi ka ngɔnzu hinɛ *wan-tɔkuliwen dalo dung ang. Haki mbwa bekpa yukotomɔ swe nɛ zɛ kpoo nɛ kpoo.