Jacques 2:14 - Takarata pɛ Sɔ Mbombe Mbon

¹⁴ Hio ya mi, ka ma wi tɔ nde, wɛnɛ mɛkara Sɔ, nɛ deamɔ lɛm nɛ yo bona, ɛngi bede nɛ ge? Mɛkara Sɔ tuka ɛngi bekpasisi wɛnɛ mɛng?

Jacques 2:14 ပူးပေါင်းရင်းမြစ်များ

Matthieu 5:20

Mi tɔ ha ɛnɛ nde, ɛnɛ lɛm le ha Kongakandɔ Ngɔn sɔna, ka ɛnɛ de mɔ ka dung nzeng ha li Sɔ pen hio *wan-osi mbonga nɛ hio *Farizien.»

Dede Wen hazu Jésus-Christ ka Luc ngɛraka 3:11

A kiforo wen ha mbwa: «Ka ma wi nɛ latɛ bwa, wɛnɛ aha ma ha wi kɛ ka bo nɛ yo na. Nɛ ka ma wi nɛ yɔngamɔ, wɛnɛ akapini ma ha wi kɛ ka bo nɛ yo na.»

Dede Wen hazu Jésus-Christ ka Luc ngɛraka 6:49

Ma, wi ka ze wen pɔm nɛ zala sɔna, nɛ ka de mɔ ka mi osi na, wɛnɛ ba may nɛ ma wi ka bɛa twa pɛa ha gele nu, nangaa bona. Ka gbongbong kolo ilo twaa, yo tukolo nɛhasa mburr.»

Deamɔ 15:9

Sɔ tɛ gba soko ɔ hinɛ mbwa na. A sasasa sila mbwa hazu mbwa mɛkara Jésus.

Deamɔ 8:13

Simon nɛ tɛ wa mɛkara fin, nɛ Philippe gdumso wɛnɛ ha li. A dungɔ swe fɛt hapɛtɛ Philippe. Ka wɛnɛ zɔka hio gasa mɔweka nɛ *mɔkifi ka Philippe ha dea, a yaksa pentɛ.

Deamɔ 8:21

Tom pɛ ɔ zɔk mɛ ndang na, yo bo nê pɛ mɛ na, hazu sila mɛ bo nɛ nzeng ha li Sɔ na.

Rome 2:25

Mɛ ka dung nê zuife, mɛ gɔna sɔru mɛ hazu osi nde, mɛ nê wi pɛ Sɔ. Ma, dea mɛgi begbakiri mɛ sɔna, ka mɛ pam wen mbonga nɛdedea. Ma, ka mɛ pam yo na, mɛ dung tuka wan-sɔru.

1 Korente 15:2

Nɛ wal Dede Wen ɛngɛ Sɔ kpasisi ɛnɛ, ka ɛnɛ pam yo tuka ka mi batɔ nɛ yo ha ɛnɛ. Ka bo mɛgi na, ki ɛnɛ mɛkara nɛgbelea.

1 Korente 16:22

Ka ma wi ngoy Kongawan na, fomi pɛ Sɔ aba wɛnɛ. Maranata! Kongawan pɛ ɔ, mɛ tɛ!

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

1 Tesalonike 1:3

Ha li Sɔ, Bafa ɔ, tazu ɔ ha gbaa nɛ tom ka ɛnɛ de nɛ wal mɛkara Christ. Nɛ tazu ɔ ha gbaa nde, ɛnɛ ha gbɛngsa tɛ hazu ngoy may, nɛ nde, ɛnɛ ha gdea tazu ɛnɛ nɛ yikosila ha tɛ *Kongawan pɛ ɔ, Jésus-Christ.

1 Timothée 1:5

Goto mɔ ka mi haa nu ha mɛ mɛgi, yo nde, hio wi pɛ Christ angoy hio ma mbwa nɛ ngoy ka tɛ nɛ wal saa sila, nɛ wal dede ingɔmɔ sila, nɛ wal mɛkaramɔ ka bo nɛ dambari na.

1 Timothée 4:8

Dea ngatom hazu ngasisi tɛ mɛ begbakiri mɛ tikiring. Ma, dungɔa nɛ mboazu ha wal mɔ Sɔ begbakiri mɛ ha mɔ fɛt, hazu Sɔ gɔna nu nde, wi ka de mɛgi, bedung nɛ zutunɔ ha ngimɔ ɛngɛ sising nɛ ha ngimɔ ka betɛ bin.

Tite 1:16

Mbwa ha tɔa nde, mbwa ingɔ Sɔ. Ma, deamɔ pɛ mbwa osi nde, mbwa kafa Sɔ kari. Mbwa dung tuka mɔ nyɛl, mbwa nê wan-nga zala, nɛ mbwa lɛm de ma dedemɔ ndang na.

Tite 3:8

Wen ndɔng ka mi tɔa, yo nê tɛwen. Mi ngoya nde, mɛ aputiri yo swe fɛt ha wi ndɔng ka mɛkara Sɔ, tuka nde, mbwa agbɛngsi tɛ nɛkpasa ha dea dedemɔ. Ɛngi nɛ dedea, nɛ yo ha gbakara hio wi.

Hebro 11:17

Nɛ wal mɛkara Sɔ, Abraham bhɔngara mɔ fɛt hazu ha Isaac nɛ sadaka, ha ngimɔ ka Sɔ wea sila wa. Abraham, mɛkara mɛ ha ndanga bewei pɛa nɛ sadaka ha Sɔ, ngase ka Sɔ gɔna nu

Hebro 13:9

Hio ma wi tɛ bo ha osa hio gɔn-gɛnɛ osamɔ nɛtɛ-nɛtɛ. Ka mbwa ayɔsisi ɛnɛ na. Nɛ dedea nde, sila ɛnɛ akpa ngatɛ nɛ wal *dede sila pɛ Sɔ, bo nɛ wal hio haanu hazu yɔngamɔ na. Hio wi ka de mɔ lɛm nɛ hio haanu ndɔng, tɛ kpa ma dedemɔ ndang ang na.

Jacques 1:16

Hio ya mi ka mi ngoya gdang, ka ɛnɛ aosili ɛnɛ nɛ tɛ ɛnɛ na.

Jacques 2:16

Ka ma wi ha soko ɛnɛ tɔ ha mbwa: «Ɛnɛ si nɛdedea, ɛnɛ ayol latɛ gangmɔ, nɛ ɛnɛ ayɔngmɔ zang ɛnɛ adon!» Ma, ɛnɛ tɛ ha yɔngamɔ nɛ latɛ ha mbwa na, ɛngi bede nɛ ge?

Jacques 2:18

Ka ma wi tɔ: «Hio ma wi mɛkara Sɔ, nɛ hio ma de pɛ mbwa nɛ dedemɔ.» Mɛgi, mi bekifiri wen: «Ka mɛ de dedemɔ na, mɛ beosi ha mi nde, mɛ mɛkara Sɔ, mɛng? Mi beosi ha mɛ nde, mi mɛkara Sɔ, nɛ wal dede deamɔ pɔm.»

Jacques 2:26

Kpasawen, ka ɔmi bo fin na, wi fea kari. Gbesi tuka ɛngi, ka deamɔ bona, mɛkaramɔ fea kari.

2 Pierre 1:5

Hazu ɛngi, ɛnɛ, ka mɛkara Jésus-Christ kari, ɛnɛ agbɛngsi tɛ ɛnɛ nɛkpasa hazu de mɔ nɛdedea. Dede deamɔ bede nde, ɛnɛ adung nɛ mbaramɔ.