Jacques 1:26 - Takarata pɛ Sɔ Mbombe Mbon

²⁶ Wi ka ba nu wa na, ma, ka takiri nde, tom Sɔ pɛa nɛdedea, wɛnɛ osala tɛ wa, nɛ tom Sɔ pɛa nɛgbelea.

Jacques 1:26 ပူးပေါင်းရင်းမြစ်များ

Matthieu 15:9

Mbwa lukisi mi nɛgbelea, hazu mbwa osi tuka mbonga sɔna nɛ mɔ, ka tɛ nɛ wal takaramɔ pɛ wi.›»

Marc 7:7

Mbwa lukisi mi nɛgbelea, hazu mbwa osi sɔna mbonga, ka tɛ nɛ wal takaramɔ pɛ wi.›»

Dede Wen hazu Jésus-Christ ka Luc ngɛraka 8:18

«Mɛgi, pangay nɛ wal ka ɛnɛ ha zea nɛ mɔ! Hazu wi ka dung nɛ mɔ, ɛ begde ma ha zua. Ma, wi ka bo nɛ mɔ na, ɛ beku ngase bebe mɔ ka wɛnɛ takiri nde yo ha kɔ wa, yunɛ.»

1 Korente 15:15

Ka hio fiowi lɛm gutɛ na, ki Sɔ tɛ gu Christ ha soko hio fiowi na. Ka bo mɛgi, ki ɔ nê hio wan-tɔ dalo hazu Sɔ, hazu ɔ tɔa nde, Sɔ guo Christ ha soko hio fiowi.

1 Korente 15:2

Nɛ wal Dede Wen ɛngɛ Sɔ kpasisi ɛnɛ, ka ɛnɛ pam yo tuka ka mi batɔ nɛ yo ha ɛnɛ. Ka bo mɛgi na, ki ɛnɛ mɛkara nɛgbelea.

1 Korente 3:18

Ka ma wi ndang aosili tɛ wa nɛ pɛa tɛ na. Wi ka zɔk tɛ wa tuka wan-mbarimɔ ha wal mɔ nzan ɛngɛ, lɛma nde, wɛnɛ atɛ wan-bili tuka nde, Sɔ aha wɛnɛ kpasa mbaramɔ.

Galasi 2:6

Hio wi mɔ zu eglize, mbwa tɛ ha nu ha mi nde, mi akpalsi deamɔ pɔm, na. Ka bo nê pɛ hio wi mɔ zu eglize, ɔ ingɔ nde, Sɔ gba soko hio wi na. Mɛgi, ngase mbwa badung mɛng, yo dung tuka gbelemɔ ha li mi.

Galasi 2:9

Jacques, Pierre nɛ Jean, ka hio wi pɛ Christ mɛkara tuka hio wi mɔ zu eglize, mbwa zɔka nde, Sɔ haa tom ɛngɛ ha mi. Yo nê ɛngi, ka mbwa fana mi hinɛ Barnabas nɛ kɔ hazu osi nde, ɔ hinɛ mbwa, ɔ tɛ bo nê sɔy-tom ha bulo Dede Wen. Mbwa bebhɔn ha dea tom ha soko kandɔ zuife, nɛ ɔ benɛ nɛ de tom ha soko hio olo kandɔ.

Galasi 3:4

Mana gasa mɔ ndɔng hɔa ha tɛ ɛnɛ nɛgbelea nde? Way! Yo bo nɛgbelea na.

Galasi 6:3

Ka ma wi zɔk tɛ wa tuka zio wi, ma, wɛnɛ nê gele wi sɔna, a osala tɛ wa nɛ pɛa tɛ.

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

Efeze 5:4

Ka ɛnɛ atɔ wen nɛ tum, mana wen foy, mana wen gɔnali na. Mɔ ndɔng lɛm fin nɛ ɛnɛ na. Ma, dea nde, wen nu ɛnɛ adak wi mɛ tɔ oeba ha Sɔ.

Kolose 4:6

Dea nde, wen nu ɛnɛ adung swe fɛt nɛ yefaa, nɛ fin nɛ baa tuka tɔng. Ɛnɛ aing wal mɛ kifiri wen nɛ wala ha wi ndang ndang fɛt.

Jacques 1:19

Hio ya mi ka mi ngoya gdang, tazu ɛnɛ agba nde, lɛma nde, ɛnɛ adung gdungɛ-gdungɛ mɛ lɛngi zala. Ka ɛnɛ awolmɔ nɛhasa na, nɛ ka ɛnɛ ade yimsila mbalang na.

Jacques 1:22

Ɛnɛ de mɔ lɛm nɛ wen pɛ Sɔ, ka ɛnɛ aze yo sɔna nɛ zala na! Ka ɛnɛ ze ze sɔna, ki ɛnɛ osala tɛ ɛnɛ nɛ pɛ ɛnɛ tɛ.

Jacques 2:20

Mɛ nê tum wi! Tazu mɛ agba nde, ka mɛ mɛkara Sɔ nɛ deamɔ lɛm nɛ yo bona, ɛngɛ nɛ gbelea.

1 Pierre 3:10

Ɛ ngɛraka ha zang takarata pɛ Sɔ: «Ka ma wi ngoya kpa kpasa tunɔ, nɛ ka wɛnɛ ngoya zɔk hio dede yala nɛ totɛ, lɛma nde, wɛnɛ alak tɔa gdanga wen nɛ tɔa dalo gde.