Jacques 1:21 - Takarata pɛ Sɔ Mbombe Mbon

²¹ Mɛgi, ɛnɛ lak mɔ nzing nɛ gdangamɔ fɛt gde. Ɛnɛ ze nɛ mɛndi wen ka Sɔ lesisi ha zang sila ɛnɛ. Hazu wen ɛngɛ lɛma kpasisi tunɔ pɛ ɛnɛ.

Jacques 1:21 ပူးပေါင်းရင်းမြစ်များ

Matthieu 5:5

Totɛ ha hio mɛndi wi, hazu Sɔ beha mbwa nu nɛ likɔ!

Jean 6:63

Yo nê *Nzɔy-Sɔtɛ ka ha tunɔ ha hio wi. Wi lɛm de ma mɔ nɛ pɛa tɛ na. Hio wen ndɔng ka mi tɔa ha ɛnɛ don nɛ Nzɔy-Sɔtɛ ka ha tunɔ ha hio wi.

Jean 6:68

Nɛ Simon Pierre kiforo wen ha wɛnɛ: «*Kongawan, ɔ betɛ lak mɛ gde, tɛ nɛ ha pɛ o? Yo nê wen pɛ mɛ, ka dung nê wen ka ha tunɔ kpoo.

Deamɔ 10:33

«Mɛgi, mi tomsa hio wi nɛhasa hazu nɛ, nɛ sa mɛ. Mɛ dea nɛdedea hazu mɛ tɛa. Sising, ɔ fɛt dung hakɛ ha li Sɔ hazu ze hio wen fɛt, ka Kongawan gdea ha nu mɛ.»

Deamɔ 13:26

«Hio ya mi, bezang pɛ Abraham, nɛ hio wi fɛt ka lukisi Sɔ. Ɛnɛ ze, Sɔ tomsa kasara ɛngɛ hazu kpasisi ɔ fɛt.

Rome 1:16

Mi bo nɛ foy mɛ bul Dede Wen na. Hazu Dede Wen ɛngɛ nê ngatɛ pɛ Sɔ, ka wɛnɛ kpasisi nɛ hio wi ndɔng ka mɛkiri Jésus-Christ. Yo hazu kpasisi hio *zuife sɔngsi, nɛ fin, hazu kpasisi hio wi mɔ hio olo kandɔ.

Rome 11:17

Kandɔ *Israel, hio zuife, dung tuka dede te olive ka ɛ gunɔ ha zang fɔ, nɛ ka ɛ gɔna hio ma gbakɔa yunɛ. Nɛ mɛ, ka bo nê zuife na, mɛ dung tuka ma gbakɔte ka dung ha zang bɛlɛ, nɛ ka ɛ gɔna ndari ha li bhandi dede gbakɔte ɛngɛ. Mɛgi, mɛ tɛ bo ha kpaa ndangtɛ li te ka gutɛ ha gunte ɛngɛ.

Rome 6:17

Sɔngsi, ɛnɛ badung nê hio bala ha si gdangamɔ. Ma, sising, ɔ tɔ oeba ha Sɔ hazu ɛnɛ tɛ bo ha pama nɛ sila ɛnɛ fɛt mbombe osamɔ, ka Sɔ osa ha ɛnɛ.

1 Korente 15:2

Nɛ wal Dede Wen ɛngɛ Sɔ kpasisi ɛnɛ, ka ɛnɛ pam yo tuka ka mi batɔ nɛ yo ha ɛnɛ. Ka bo mɛgi na, ki ɛnɛ mɛkara nɛgbelea.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Efeze 1:13

Sising, ɛnɛ fin zea tɛwen. Yo nde, ɛnɛ zea *Dede Wen ka tɔ nde, Sɔ ngoy kpasisi ɛnɛ. Nɛ ɛnɛ mɛkara Christ. Yo nê ɛngi ka Sɔ gɔna dafu ha tɛ ɛnɛ kari. Ɛngi osi nde, ɛnɛ tɛ bo nê hio wi pɛa. Dafu ɛngɛ nê Nzɔy-Sɔtɛ ka Sɔ bagɔn nua mɛ ha ha ɔ.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Efeze 4:25

Hazu ɛngi, ɛnɛ lak tɔa dalo gde. Ɛnɛ tɔ tɛwen ha may hazu ɔ fɛt nê hio gbakɔtɛ mɔ kilitɛ ndang.

Efeze 5:4

Ka ɛnɛ atɔ wen nɛ tum, mana wen foy, mana wen gɔnali na. Mɔ ndɔng lɛm fin nɛ ɛnɛ na. Ma, dea nde, wen nu ɛnɛ adak wi mɛ tɔ oeba ha Sɔ.

1 Tesalonike 1:5

Hazu ɔ tɛ bul *Dede Wen ha ɛnɛ sɔna nɛ nu na, ma, ɔ bulo yo nɛ ngatɛ nɛ wal *Nzɔy-Sɔtɛ. Ɔ ingɔ nɛkpasa nde, Dede Wen ka ɔ bul, yo nê tɛwen. Ey, ɛnɛ ingɔ nde, mɔ fɛt ka ɔ dea ha soko ɛnɛ, ɔ dea yo hazu gbakiri ɛnɛ.

1 Tesalonike 2:13

Ɔ bhɔna ha tɔa oeba ha Sɔ kpoo, hazu ha ngimɔ ka ɛnɛ zea wen ka ɔ bulo, ɛnɛ baa yo bo tuka wen pɛ wi na, ma, tuka wen pɛ Sɔ. Ey, wen ka ɔ bul, yo nê tɛwen. Nɛ wen pɛ Sɔ ha dea tom ha sila ɛnɛ, hio wan-mɛkiri Christ.

Tite 2:11

Ey, Sɔ gbasa long nde, wɛnɛ de *dede sila ha tɛ hio wi hazu wɛnɛ ngoy kpasisi mbwa fɛt.

Hebro 12:1

Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.

Hebro 2:3

Mɛgi, ka ɔ bhɛsiri gasa mɔkpasi ka Sɔ ngoy kpasisi nɛ ɔ, ɔ bekpɔy ha ndulsomɔ mɛng? Yo nê *Kongawan nɛ pɛa tɛ ka angara bulo wen mɔkpasi ɛngɛ, nɛ hio wi ndɔng ka zea wena, mbwa tɔa ha ɔ nde, yo nê tɛwen.

Hebro 4:2

Hazu ɔ zea *Dede Wen gbesi tuka hio ngbabafa ɔ baze. Ma, ngase mbwa zea wen ɛngi, yo tɛ gbakiri mbwa na, hazu mbwa zea ze sɔna, mbwa tɛ mɛkiri yo na.

Jacques 4:8

Ɛnɛ tiki tɛ ha pɛ Sɔ, nɛ Sɔ fin betɛ sanga nɛ ɛnɛ. Ɛnɛ hio *wan-de gdangamɔ, ɛnɛ tay kɔ ɛnɛ! Nɛ ɛnɛ hio wan-sila bwa, ɛnɛ sasisi sila ɛnɛ!

Jacques 5:20

ɛnɛ aing nde, wɛnɛ ka kiforo wi ka yɔamɔ, kpasasa tunɔ pɛ *wan-de gdangamɔ ɛngɛ ha fio. Nɛ hazu deamɔ mɛgi, Sɔ bebisi hio *sɛmbɔ nɛdɔka.

1 Pierre 1:22

Ɛnɛ sasasa tɛ ɛnɛ kari, hazu ɛnɛ ha dea mɔ lɛm nɛ tɛwen pɛ Sɔ. Tuka ɛngi, ɛnɛ ngoya hio ya ha Christ nɛkpasa. Ey, ɛnɛ angoy may nɛ sila ndang.

1 Pierre 1:9

hazu Sɔ bekpasisi tunɔ pɛ ɛnɛ. Ɛngɛ nê goto mɔ ka ɛnɛ mɛkara nɛ Sɔ.

1 Pierre 2:1

Hazu ɛngi, ɛnɛ akafi tili gdangamɔ fɛt: Ka ɛnɛ atɔ dalo na, ka ɛnɛ ade gdanga dambari na, ka ɛnɛ ade silamɔ na, nɛ ka ɛnɛ atɔ gdanga lingtɛ na.

1 Pierre 2:11

Hio ndɔngsila mi, ɛnɛ ha nzan tuka hio gɔn-gɛnɛ wi. Mɛgi mi mbo ɛnɛ nde, ka ɛnɛ ade fin hɛl mɔ multɛ na, hazu yo ha bio bulo sungiri nɛ sɔtɛ ɛnɛ.