Jacques 1:18 - Takarata pɛ Sɔ Mbombe Mbon

¹⁸ Yo nê wɛnɛ nɛ tɛ wa ha ngoy mɛ ha ɔ tunɔ kpoo. A haa yo ha ɔ nɛ wal wen pɛa ka dung nê tɛwen, tuka nde, ɔ adung hio bosi wi ha soko mɔ fɛt ka wɛnɛ dea.

Jacques 1:18 ပူးပေါင်းရင်းမြစ်များ

Jean 1:13

Wi ndɔng tɛ dung bem pɛ Sɔ nɛ wal ndɔki bhɛ na. Ma, yo nê Sɔ ka haa mbwa mbombe tunɔ.

Rome 4:17

Yo gbesi tuka ɛ ngɛraka ha takarata pɛ Sɔ: «Mi gdea mɛ gdibafa hazu hio dɔka kandɔ.» Mɔ hɔa mɛgi hazu Abraham mɛkara Sɔ, Sɔ ka ha tunɔ ha hio fiowi fin nɛ mbinga, nɛ ka de tuka nde, hio mɔ ka tɛ dung ang sɔngsi na, yo adung ang sising.

1 Korente 4:15

Hazu, ngase ka hio dɔka wi hebhe ha daya ɛnɛ ha wal mɔ Christ, bafa ɛnɛ ka nê ndang sɔna. Yo nê mi ka bhɛa ɛnɛ ha wal mɔ Jésus-Christ nɛ wal bulo *Dede Wen ha ɛnɛ.

2 Korente 6:7

nɛ ɔ ha bulo tɛwen nɛ wal ngatɛ pɛ Sɔ. Dea mɔ nzeng dung tuka mɔ-bibulo ha kɔ ɔ hazu sungiri nɛ hio kɔmbɛ, nɛ hazu pam nɛ tɛ ɔ fin.

Efeze 1:12

Ɔ ka dung nê hio bosi wi mɛ gde tazu ɔ ha tɛ Christ, lɛma nde, ɔ alukisi *lɛkɛ-lɛkɛmɔ pɛ Sɔ!

Efeze 1:13

Sising, ɛnɛ fin zea tɛwen. Yo nde, ɛnɛ zea *Dede Wen ka tɔ nde, Sɔ ngoy kpasisi ɛnɛ. Nɛ ɛnɛ mɛkara Christ. Yo nê ɛngi ka Sɔ gɔna dafu ha tɛ ɛnɛ kari. Ɛngi osi nde, ɛnɛ tɛ bo nê hio wi pɛa. Dafu ɛngɛ nê Nzɔy-Sɔtɛ ka Sɔ bagɔn nua mɛ ha ha ɔ.

2 Timothée 2:15

Mɛ gbɛngsi tɛ mɛ nde, Sɔ aba mɛ nɛ zioa tuka wan-tom ka bo nɛ foy tom pɛa na, nɛ ka bul tɛwen nzeng.

Hebro 12:23

Ɛnɛ tiko nɛ hapɛtɛ wesara may yenga pɛ hio kay bem pɛ Sɔ, ka ling mbwa ha zang takarata ha ngɔn. Ɛnɛ tiko nɛ hapɛtɛ Sɔ ka gɔn kita ha zu hio wi fɛt, nɛ fin hapɛtɛ sɔtɛ hio *nzeng wi ka Sɔ lɛmsara mbwa wɛɛ kari.

Jacques 1:15

Hapata gdanga golamɔ beba zang, nɛ yo bebhɛ *sɛmbɔ. Nɛ ka sɛmbɔ kpɔatɛ kari, yo bebhɛ fio.

Jacques 1:21

Mɛgi, ɛnɛ lak mɔ nzing nɛ gdangamɔ fɛt gde. Ɛnɛ ze nɛ mɛndi wen ka Sɔ lesisi ha zang sila ɛnɛ. Hazu wen ɛngɛ lɛma kpasisi tunɔ pɛ ɛnɛ.

Jacques 3:14

Ma, ka ɛnɛ de nga sila nɛ ɛnɛ ha kio wen sungiri nɛ may, ka ɛnɛ asutɛ na. Ɛngi tɛ bo nê kiforo tɛwen ha dalo.

1 Pierre 1:23

Sɔ bhɛa ɛnɛ nɛ mbombea. A tɛ de yo nɛ wal wi ka befe na, ma, a dea yo nɛ wal wen pɛa ka ha tunɔ ha hio wi, nɛ ka bebhɔn kpoo.

1 Pierre 1:3

Ɔ alukisi Sɔ, Bafa mɛ *Kongawan pɛ ɔ, Jésus-Christ! A bhɛa ɔ nɛ mbombea nɛ wal kpasa *dede sila pɛa. A guo Jésus-Christ ha soko hio fiowi. Mɛgi, ɔ gde tazu ɔ nde, ɔ betun fin hinɛ wɛnɛ.

1 Jean 3:9

Wi ka dung nê bem pɛ Sɔ, de gdangamɔ na, hazu Sɔ bhɛa wɛnɛ nɛ mbinga. Nɛ a lɛm de gdangamɔ fin na, hazu Sɔ tɛ bo nê Bafa wa.

Gbasamɔ 14:4

Hio wi ndɔng tɛ gdangsi tɛ mbwa nɛ bhoko na, mbwa pama tɛ mbwa nɛ saa. Mbwa ha ndara Besami ha bhandi fɛt ka wɛnɛ yal ang. Sɔ yanga mbwa ha soko hio wi tuka hio bosi waya hazu dung nê pɛa nɛ pɛ Besami.