Filipe 4:6 - Takarata pɛ Sɔ Mbombe Mbon

⁶ Ka ɛnɛ adung nɛ nɔzang hazu ma mɔ na. Ma, ha zang mɔ fɛt, ɛnɛ gɔ Sɔ, nɛ ɛnɛ ani mɔ ka kɔpi ɛnɛ ha kɔ wa. Ɛnɛ tɔ oeba ha wɛnɛ hazu mɔ fɛt ka wɛnɛ de.

Filipe 4:6 ပူးပေါင်းရင်းမြစ်များ

Matthieu 10:19

Ma, ka mbwa begde ɛnɛ ha li kita, ka sila ɛnɛ abhunziki nɛ wal mana wen ka ɛnɛ betɔ na. Hazu ɛnɛ bekpa wen ka ɛnɛ betɔ ha ndangtɛ ngimɔ ɛngɛ.

Matthieu 13:22

Pɛ hio ma wi, yo gbesi tuka kpalmɔ ka teka ha soko yak ngombia. Mbwa zea wen pɛ Sɔ, ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa. Mɛgi yo luo wen pɛ Sɔ ka lɛm way fin na.

Matthieu 6:34

Ka ɛnɛ adung nɛ nɔzang hazu swe bhisiri na, hazu bhisiri nɛ tɛ wa bedung nɛ nɔzang hazu mɔ pɛa. Swe ndang ndang fɛt lɛma nɛ yeksamɔ pɛ mbwa.»

Matthieu 6:8

Ka ɛnɛ adung tuka mbwa na, hazu Bafa ɛnɛ ingɔ mɔ fɛt ka kɔpi ɛnɛ sɔngsi ing, ɛnɛ tɛ gɔ wɛnɛ.

Dede Wen hazu Jésus-Christ ka Luc ngɛraka 10:41

Nɛ Kongawan kiforo wen ha wɛnɛ: «Marthe, Marthe, mɛ dung nɛ nɔzang nɛ mɛ yeksi tɛ mɛ hazu dɔka mɔ.

Dede Wen hazu Jésus-Christ ka Luc ngɛraka 12:22

Jésus tɔa ha hio *wan-yambimɔ pɛa: «Hazu ɛngi, mi gba tazu ɛnɛ nde, ka ɛnɛ adung nɛ nɔzang hazu mɔ ka ɛnɛ beyɔng nɛ la ka ɛnɛ beyol na.

Dede Wen hazu Jésus-Christ ka Luc ngɛraka 12:29

Ka ɛnɛ adung nɛ nɔzang ha kio mɔ yɔng nɛ mɔ nɔ na.

Dede Wen hazu Jésus-Christ ka Luc ngɛraka 18:1

Jésus tɔa ma towen ha hio *wan-yambimɔ pɛa hazu mbo nɛ mbwa nde, mbwa agɔ Sɔ kpoo nɛ tɛ mbwa akati ha dea yo na.

Dede Wen hazu Jésus-Christ ka Luc ngɛraka 18:7

Mɛgi, bo nê Sɔ bede nzengmɔ ha tɛ hio wi ka wɛnɛ weka, nɛ ka lokitɛ ha wɛnɛ swe nɛ zɛ, na nde? A bede yo nɛhasa, na nde?

1 Korente 7:21

Ka mɛ nê bala ha ngimɔ ka Sɔ saa nɛ mɛ, ka mɛ atakiri mɔ na. Ma, ka mɛ bekpa wal mɛ gbo ha tom bala, ka mɛ andekiri fin na.

1 Korente 7:32

Mi ngoy nde, ɛnɛ adung nɛ nɔzang hazu mɔ nzan na. Wei ka tɛ si bhoko na, mɔ ka hɛl sila wa, yo sɔna nê tom ka wɛnɛ de ha Kongawan. A ki nɛ wal mɛ ha totɛ ha Kongawan.

2 Korente 1:11

Sɔ bede mɛgi hazu ɛnɛ ha gbakara ɔ ha gɔa wɛnɛ hazu ɔ. A beze hio dɔka wi ka gɔ wɛnɛ hazu ɔ, nɛ a bede *dede sila ha tɛ ɔ. Mɛgi hio wi nɛdɔka beha oeba ha wɛnɛ hazu ɔ.

Efeze 5:20

Ɛnɛ tɔ oeba ha Sɔ, Bafa ɔ, hazu mɔ fɛt ha ngimɔ fɛt nɛ ling Kongawan pɛ ɔ, Jésus-Christ.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Kolose 3:15

Dea nde, gaamɔ pɛ Christ angbɔsi sila ɛnɛ. Hazu Sɔ saa ɛnɛ ha gaamɔ ɛngɛ tuka nde, ɛnɛ adung tɛ ndang. Ɛnɛ aha oeba ha Sɔ ha wena.

Kolose 3:17

Nɛ mɔ fɛt ka ɛnɛ de, nɛ ka ɛnɛ wol, ɛnɛ ade yo nɛ ling Kongawan Jésus, nɛ ɛnɛ aha oeba ha Sɔ, Bafa, nɛ wal wɛnɛ.

Kolose 4:2

Ɛnɛ agɔ Sɔ nɛting. Ɛnɛ ayang la ha yo, nɛ ɛnɛ aha oeba ha Sɔ.

1 Timothée 2:1

Sɔngsi mɔ fɛt, mi ha mbɔla nde, ɔ a-ani mɔ ha kɔ Sɔ, ɔ agɔ wɛnɛ, ɔ agɔ fin wɛnɛ hazu hio wi fɛt, nɛ ɔ aha oeba ha wɛnɛ hazu mbwa.

1 Timothée 5:5

Kpasa nagula ka bo nɛ wi mɛ gbakiri wɛnɛ na, gdea tazu wa fɛt ha tɛ Sɔ kari. Nɛ wɛnɛ bhɔna ka ha ana mɔ ha kɔ Sɔ nɛ ha gɔa wɛnɛ swe nɛ zɛ.

1 Pierre 4:7

Sising, ngbɔla kanɛ bengimɔ tikiring nde, ka mɔ nzan fɛt akari. Hazu ɛngi, lɛma nde, ɛnɛ agan zu tɛ ɛnɛ, nɛ ɛnɛ adung ngɛlɛlɛ ha gɔa Sɔ.

1 Pierre 5:7

Ɛnɛ gde nɔzang pɛ ɛnɛ fɛt ha kɔ Sɔ, hazu wɛnɛ ha pama ɛnɛ.