Filipe 3:9 - Takarata pɛ Sɔ Mbombe Mbon

⁹ nɛ dung tɛ ndang hinɛ wɛnɛ. Mi bo nzeng ha li Sɔ hazu mi ha pama mbonga na, ma, mi tɛ bo nzeng hazu mi mɛkara Christ. Yo nɛ wal mɛkara Christ, ka Sɔ gde wi nzeng ha li wa.

Filipe 3:9 ပူးပေါင်းရင်းမြစ်များ

Matthieu 9:13

Ɛnɛ nɛ, nɛ ki goto wen ka Sɔ tɔa ha takarata pɛa nde, ‹Mi ngoya nde, ɛnɛ ade kobhe tɛ wi, bo nê sadaka na.› Mi tɛa ha nzan ɛngɛ, bo hazu sa hio *nzeng wi na, ma, hazu sa hio wan-de gdangamɔ.»

Rome 1:17

Kpasawen, Dede Wen gbasi wal ka Sɔ gde wi nzeng ha li wa. Hazu kpa wal ɛngɛ, lɛma ka lɛm sɔna nde, wia amɛkiri Jésus-Christ, nɛ mɛkaramɔ ɛngɛ belɛm nɛkpasa. Yo gbesi tuka ɛ ngɛraka ha takarata pɛ Sɔ nde, «Wi ka dung nzeng ha li Sɔ nɛ wal mɛkaramɔ, wia bedung nɛ tunɔ.»

Rome 10:10

Kpasawen, wi ka mɛkiri Sɔ nɛ sila wa fɛt, Sɔ begde wɛnɛ nzeng ha li wa. Nɛ wi ka gbasi mɛkaramɔ pɛa nɛ nu wa long, Sɔ bekpasisi wɛnɛ.

Rome 16:7

Ɛnɛ fan hio nam pɔm, Andronikus hinɛ Yunias, ka badung hinɛ mi ha zang twa zɔbhɔ. Mbwa bwa fɛt nê hio *wan-nɛtom ka hio wi tɔ dede lingtɛ mbwa pentɛ. Nɛ mbwa mɛkara Christ sɔngsi nɛ mi.

Rome 5:21

Sɔngsi, gdangamɔ dungɔ nɛ ngatɛ mɛ gde hio wi ha fio. Sising, dede sila pɛ Sɔ nɛ ngatɛ mɛ gde hio wi nzeng ha li wa. Sɔ ha dea dede sila ha tɛ ɔ mɛgi nde, ɔ akpa *tunɔ kpoo nɛ wal *Kongawan pɛ ɔ, Jésus-Christ.

Rome 8:1

Sising, Sɔ lɛm gɔn kita ba nɛ wi ndɔng ka de sɔy hinɛ Jésus-Christ, fin na.

Rome 8:3

Mbonga pɛ Moïse tɛ dung nɛ ngatɛ mɛ kpasisi ɔ na, hazu nɛ tɛ ɔ, ɔ lɛm mɛ pam yo na. Ma, mɔ ka mbonga lɛm mɛ de na, Sɔ dea yo nɛ wal Bewei pɛa ka wɛnɛ tomsa tɛ hakɛ ha nu. Bewei pɛa yola ngbak tɛ wi, ka dungɔ tuka pɛ ɔ, hio *wan-de gdangamɔ. Sɔ gdea wɛnɛ ha fio gɔn nɛ zu gdangamɔ pɛ ɔ. Nɛ wal dea mɛgi, Sɔ gɔna kita ha zu gdangamɔ, ka de tom ha tɛ ɔ.

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

2 Korente 5:21

Christ tɛ de ma gdangamɔ ndang na. Ma, ngase ɛngi, Sɔ kuo gdangamɔ pɛ ɔ gde ha zu Christ tuka nde, ɔ adung nzeng ha li wa nɛ wal wɛnɛ.

Galasi 2:16

Tangere ɔ ingɔ nde, yo sɔna nɛ wal mɛkara Jésus-Christ ka Sɔ gde wi nzeng ha li wa, yo bo nɛ wal dea mɔ lɛm nɛ *mbonga pɛ Moïse na. Mɛgi, ɔ fin, ɔ mɛkara Jésus-Christ tuka nde, Sɔ agde ɔ nzeng ha li wa bo hazu ɔ dea mɔ lɛm nɛ mbonga na, ma, hazu ɔ mɛkara Christ. Kpasawen, ma wi ndang lɛm dung nzeng ha li Sɔ nɛ wal dea mɔ lɛm nɛ mbonga na.

Filipe 3:6

Mi namala *giliwi mɔ eglize nɛ lululu sila. Deamɔ pɔm fɛt dungɔ nzeng ha li mbonga, nɛ ma wen bo ha zu mi na.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.

Tite 3:5

Sɔ kpasasa ɔ bo hazu ɔ dea mɔ nzeng na, ma, a kpasasa ɔ hazu a dea kobhe tɛ ɔ. A bhɛa ɔ nɛ mbinga nɛ wal li ka ɛ gdumso ɔ ang, nɛ a haa ɔ mbombe tunɔ nɛ wal *Nzɔy-Sɔtɛ.

Hebro 6:18

Hio mɔ ndɔng bwa, gɔnanu nɛ kanamɔ pɛ Sɔ, lɛm mɛ kpali na, hazu Sɔ lɛm tɔ dalo na. Mɛgi, ɔ ka nɛa ha si goka kɔ pɛ Sɔ, ɔ baa da pentɛ mɛ bhɔn nɛ nɔa ha *mɔgdetazu pɛ ɔ nde, Sɔ belɛmsiri gɔnanu pɛa.

Jacques 3:2

Ɔ hinɛ ɛnɛ fɛt ha yɔa mɔ nɛdɔka. Ka ma wi yɔ mɔ nɛ wal wen nu wa na, wɛnɛ lɛma wɛɛ, nɛ a ingɔ gana zu tɛ wa fɛt.

2 Pierre 1:1

Yo nê mi, Simon-Pierre, ha ngɛriki takarata ɛngɛ ha ɛnɛ. Mi nê wan-tom pɛ Jésus-Christ, nɛ fin *wan-nɛtom pɛa. Sɔ pɛ ɔ, nɛ *Wan-kpasisi ɔ, Jésus-Christ nɛ nzeng. Yo nê hazu ɛngi, ka ɔ hinɛ ɛnɛ fɛt gbesi, kpaa dede wal mɛ mɛkiri wɛnɛ.

1 Jean 3:4

Wi fɛt ka de gdangamɔ, kafi *mbonga pɛ Sɔ. Hazu dea gdangamɔ, yo nê kafa mbonga pɛ Sɔ.