Filipe 3:5 - Takarata pɛ Sɔ Mbombe Mbon

⁵ Hazu, ɛ gɔna sɔru mi dimasi ndang hapata bhɛ pɔm. Mi nê wi mɔ kandɔ *Israel, wi mɔ nugala pɛ Benjamin. Mi nê tɛ kpasa *zuife, hio ngbabafa mi fɛt nê zuife. Mi dungɔ ha soko zugili *Farizien, zugili ndɔng ka pam *mbonga pɛ hio zuife nɛngaya pen hio olo wi fɛt.

Filipe 3:5 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 1:59

Yala mɔrkɔ zanga bwa hapata bhɛ pɛ Jean, mbwa kuo wɛnɛ tɛnɛ hazu gɔn sɔru wa. Mbwa ngoya gbal ling wa nɛ ling bafa wa, Zakari.

Dede Wen hazu Jésus-Christ ka Luc ngɛraka 2:21

Hapata yala mɔrkɔ zanga bwa, swe gɔn sɔru bem lɛma. Nɛ ɛ gbala ling wa nde, Jésus. Ɛngɛ nê ling ka *telenge baosi sɔngsi, ha ngimɔ ka Marie tɛ ba ka zang na.

Dede Wen hazu Jésus-Christ ka Luc ngɛraka 5:38

Ma, dea nde, ɛ a-a mbombe dɔkɔ ha zang mbombe lɔngɔ.

Deamɔ 22:3

«Mi nê zuife, ɛ bhɛa mi ha gasa le Tarse ha kandɔnu Silisi. Ma, mi kpɔatɛ hakɛ ha Jérusalem. Wan-osimɔ pɔm nê Gamaliel, ka osa ha mi *mbonga pɛ hio ngbabafa ɔ nɛdedea nzeng. Mi dungɔ nɛ lululu sila hazu Sɔ gbesi tuka ɛnɛ fɛt swe mɛsɛ.

Deamɔ 23:6

Paul ingɔ nde, hio ma wan-kpo zuwen nê zugili *Sadusien, nɛ hio ma nê zugili *Farizien. Mɛgi, a gdɔra ha mbwa nɛ ngagɛl: «Hio ya mi, mi nê tɛ Farizien, bezang pɛ hio Farizien. Ɛ gdea mi hakɛ ha li kita hazu mi mɛkara nde, hio fiowi begutɛ.»

Deamɔ 6:1

Ha ngimɔ ɛngi, dɔka hio *wan-yambimɔ ha yɛbha nɛnɛ. Ɛ ndɔng ka tɔ nu greke angara yimɔlɔmɔ sungiri nɛ ɛ ndɔng ka tɔ nu *hebro, hazu swe fɛt ha ngimɔ kapana yɔngamɔ, hio nagula pɛ mbwa kpa yo nɛdedea na.

Rome 11:1

Mɛgi, mi ani mɔ nde, Sɔ mulo nɛ kandɔ pɛa pi nde? Way! A tɛ de mɛgi na. Hazu mi fin, mi nê kandɔ *Israel, bezang pɛ Abraham. Ɛ bhɛa mi ha nugala pɛ Benjamin.

2 Korente 11:22

Mbwa nê kandɔ *Hebro nde? Mi fin fɛt. Mbwa nê bem pɛ *Israel nde? Mi fin fɛt. Mbwa nê bezang pɛ Abraham nde? Mi fin fɛt.