Filipe 3:18 - Takarata pɛ Sɔ Mbombe Mbon

¹⁸ Mɔ ka mi bagba tazu ɛnɛ ze nɛdɔka kari, mi putiri fin yo sising nɛ milikwa ha li mi nde, hio dɔka wi ang, ka deamɔ pɛ mbwa osi nde, mbwa nê hio ngana pɛ getakate pɛ Christ.

Filipe 3:18 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 19:41

Jésus hɔa sanga nɛ gasa le Jérusalem, nɛ ka wɛnɛ zɔka yo, a hea kwa hazua.

Deamɔ 20:19

Mi dea tom pɛ *Kongawan nɛ mɛndi fɛt, nɛ milikwa ha li mi. Mi kpaa yeksamɔ nɛdɔka ha kɔ hio *zuife, ka aa gdungi tɛ mi.

Rome 9:2

Mi nɛ ngɔtɛ gdang, nɛ sila mi nɛ kɔsa ka lɛm mɛ kari na.

1 Korente 1:18

Wen fio pɛ Christ ha getakate, yo dung tuka wen bili ha li wi ka yɔ mɔ. Ma, pɛ ɔ ka Sɔ kpasisi, yo nê ngatɛ pɛ Sɔ.

1 Korente 6:9

Ɛnɛ ingɔ nɛdedea nde, hio *wan-de gdangamɔ lɛm mɛ kpa bhandi ha *Kongakandɔ pɛ Sɔ na. Ka ɛnɛ aosili tɛ ɛnɛ na. Hio wi ka de mɔ nyɛl, ka de tom gbele sɔ, ka de wanza, ka ɔnu nɛ bhobem mana nɛ ma mbwa wei,

2 Korente 11:13

Kpal hio wi ndɔng nê hio gdanga wan-nɛtom. Mbwa nê hio yambalazu wan-tom, ka osili wi nde, mbwa nê hio wan-nɛtom pɛ Christ.

2 Korente 11:29

Ka ma wi nɛ mɔkaa, mi fin dung tuka mɔka wi. Ka ma wi dak ma wa pi ha dea gdangamɔ, sila mi ha yimɔa pentɛ.

2 Korente 2:4

Kpasawen, mi ngɛraka takarata ɛngi nɛ gasa ngɔtɛ nɛ ke ha sila mi, nɛ li mi dona nɛ milikwa. Mi ngɛraka yo bo hazu ha ngɔtɛ ha ɛnɛ na, ma, hazu osi ha ɛnɛ nde, mi ngoya ɛnɛ gdang.

Galasi 1:7

Yo nê tɛwen nde, ma mbing Dede Wen ndang bona. Mi tɔ mɛgi hazu mi zɔka nde, hio ma wi ha bhunzoko sila ɛnɛ, nɛ mbwa ngoy mɛ bhabhi Dede Wen ka tɔ wen tɛ Christ.

Galasi 2:14

Mɛgi, ka mi zɔka nde, mbwa bo ha dea mɔ nzeng lɛm nɛ tɛwen pɛ *Dede Wen na, mi tɔa ha Pierre ha li wi fɛt long: «Mɛ ka dung nê zuife, mɛ tɛ de mɔ hakɛ tuka wi mɔ kandɔ zuife na, ma, mɛ dea mɔ tuka wi mɔ olo kandɔ. Ɛ dea mɛng, ka mɛ tɛ bo ha nɔsasa wi mɔ olo kandɔ nde, mbwa ade mɔ gbesi tuka hio zuife, ge nde?»

Galasi 2:21

Mi lɛm kifiri *dede sila pɛ Sɔ ha gbelemɔ na. Hazu, ka wi dung nzeng ha li Sɔ nɛ wal pama mbonga, ki Christ fea nɛgbelea.

Galasi 5:21

golamɔ, nɔa dɔkɔ nɛ ngurua, yɔngamɔ nɛ kang, nɛ fin hio ma tili mɔ mɛgi. Mi gbaa tazu ɛnɛ sɔngsi kari, nɛ mi putiri yo fin nde, hio wi ndɔng ka de hio tili mɔ mɛgi, mbwa lɛm kpa bhandi ha *Kongakandɔ pɛ Sɔ na.

Galasi 6:12

Hio wi ndɔng fɛt ka nɔsisi ɛnɛ mɛ gɔn sɔru ɛnɛ, mbwa ngoya sɔna nde, hio wi alukisi nɛ mbwa. Mbwa de tuka ɛngi yu sɔna nde, hio wi betɛ namili mbwa hazu wen fio pɛ Christ ha getakate.

Galasi 6:14

Ma, pɔm, mi sutɛ sɔna hazu wen fio ka *Kongawan pɛ ɔ, Jésus-Christ, fea nɛ ha getakate. Hazu, nɛ wal fio pɛa, hio mɔ nzan fɛt tɛ bo nê fea mɔ ha li mi. Nɛ mi fin, mi tɛ bo nê fiowi ha li nzan.

Efeze 4:17

Ɛnɛ ze, nɛ ling *Kongawan mi tɔ ha ɛnɛ nɛkpasa nde, ɛnɛ akarsi mɛ de mɔ tuka wi ndɔng ka ing Sɔ na. Hazu deamɔ pɛ mbwa tɛ nɛ wal tum takaramɔ.

Filipe 1:4

Nɛ swe fɛt ka mi gɔ Sɔ hazu ɛnɛ, mi de yo nɛ totɛ,

1 Tesalonike 4:6

Ka ma ya ha Christ ade gdangamɔ ha tɛ ya wa na, nɛ ka wɛnɛ aosili wɛnɛ na. Kpasawen, ɔ tɔa ha ɛnɛ, nɛ ɔ gbaa tazu ɛnɛ kari nde, Kongawan bekundiki deamɔ ndɔng fɛt.

2 Tesalonike 3:11

Ɔ tɔa wen mɛgi, hazu ɔ zea nde, hio pɔsa wi ang ha soko ɛnɛ ka de tom ndang na, nɛ ka pi nu ha wen pɛ hio wi nɛnɛ.

2 Pierre 2:10

Hio wi ka Sɔ bendulsi mbwa pen mbinga fɛt, yo nê ɛ ndɔng, ka gde tɛ mbwa ha gdanga hɛl deamɔ tum, nɛ ka bhɛsiri ziomɔ pɛ Sɔ. Hio wan-osimɔ dalo ndɔng ka mi tɔa wen pɛ mbwa ha ɛnɛ, mbwa nê wan-sutɛ nɛ wan-ngazu. Mbwa yu ke fɛngsa hio lɛkɛ-lɛkɛ zio sɔtɛ ngɔn na.

Jude 1:13

Mbwa dung tuka tongbasali ha li nana-litɔng. Gdangamɔ pɛ mbwa gboa tuka puru ka yal ha zu li li. Nɛ mbwa dung gbesi tuka hio sɔla ka sɔwi nɛtum nɛtum. Sɔ bhɔngara bhandi ngɛ-ngɛ-ngɛ tutum gde keri nɛ mbwa kari, nɛ mbwa bedung haki kpoo nɛ kpoo.