Filipe 3:13 - Takarata pɛ Sɔ Mbombe Mbon

¹³ Hio ya mi, mi tɛ takiri nde, mi lɛmsara yo kari, na. Ma, mɔ ka mi de, yo nê ɛngɛ: Mi takiri ha mɔ ha gdong mi fin na, nɛ mi ha gbɛngsa tɛ mi mɛ kpa mɔ ka dung ha li mi.

Filipe 3:13 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 10:42

Ma, ma mɔ ndang ang ka lɛma nde, mɛ agbɛngsi tɛ mɛ ha wena. Yo nê Marie ka weka dede mɔ ɛngɛ, nɛ ma wi lɛm zin yo ha kɔ wa na.»

Dede Wen hazu Jésus-Christ ka Luc ngɛraka 9:62

Jésus kiforo wen ha wɛnɛ: «Wi ka gɔm fɔ, nɛ ka zifili li zɔk mɔ ha gdong, a lɛm tɛ wi mɔ Kongakandɔ pɛ Sɔ na.»

2 Korente 5:16

Hazu ɛngi, ɔ lɛm ing fin wi nɛ wal ndɔkitɛ mɔ nzan na. Sɔngsi, ɔ ingɔ Christ mɛgi, ma, sising, ɔ ing wɛnɛ mɛgi fin na.

Filipe 2:12

Hio ndɔngsila mi, ha ngimɔ ka mi dungɔ ha soko ɛnɛ haki, ɛnɛ dungɔ ha zea nu mi swe fɛt. Nɛ sising ka mi tɛ bo nɛ yɛa nɛ ɛnɛ, lɛma fin pentɛ pet nde, ɛnɛ aze nu mi. Ɛnɛ de mɔ fɛt ka lɛma nde, Sɔ abhɔn ha kpasasa ɛnɛ. Ɛnɛ de yo nɛ yuo ke wa nɛ tututu sila.

Filipe 3:12

Mi tɛ lɛmsiri ka mɔ ndɔng soya na, nɛ mi tɛ lɛm ka wɛɛ na. Ma, mi bhɔna ha gbɛngsa tɛ mi mɛ lɛmsiri mɔ ndɔng, hazu Jésus-Christ lɛmsara mɔ fɛt nde, mi atɛ wi pɛa.

Filipe 3:8

Kpasa kpaamɔ pɔm, yo nde, mi ingɔ Jésus-Christ, Kongawan pɔm. Ha li kpaamɔ ɛngɛ, hio olo mɔ fɛt tɛ bo nê gbelemɔ. Mi zɔka hio mɔ pɔm fɛt tuka ngbundu mɔ, nɛ mi laka yo gde tuka nde, mi ade sɔy hinɛ Christ,

Hebro 6:1

Mɛgi, lɛma nde, ɔ ayambi hio osamɔ hazu Christ pen mɔ bosia, ɔ ayambi hio osamɔ ka lɛma nɛ zɔma wi. Bosi osamɔ hazu Christ dung tuka nanga mɛkaramɔ, nɛ ɔ ngoy fin bhɔn ka ha bɛa nanga ɛngɛ na. Hio zuwen mɔ bosi osamɔ ɛngɛ tɔ nde, lɛma nde, ɔ alak dea tum mɔ gde, nɛ ɔ amɛkiri Sɔ.

2 Pierre 3:8

Ma, hio ndɔngsila mi, lɛm nde, tazu ɛnɛ abisi nɛ mɔ mɛgɛ na: Ha li Kongawan, yala ndang dung tuka bɛlɛ tomay ndang, nɛ bɛlɛ tomay ndang dung fin tuka yala ndang.