Filipe 3:12 - Takarata pɛ Sɔ Mbombe Mbon

¹² Mi tɛ lɛmsiri ka mɔ ndɔng soya na, nɛ mi tɛ lɛm ka wɛɛ na. Ma, mi bhɔna ha gbɛngsa tɛ mi mɛ lɛmsiri mɔ ndɔng, hazu Jésus-Christ lɛmsara mɔ fɛt nde, mi atɛ wi pɛa.

Filipe 3:12 ပူးပေါင်းရင်းမြစ်များ

Matthieu 5:48

Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Rome 8:39

ngase hio mɔ ha kuso ngɔn, ngase hio mɔ ha si nu fɛt lɛm kɛtini soko ɔ hinɛ ngoy pɛ Sɔ na. A gbasa ngoy ɛngɛ nɛ wal *Kongawan pɛ ɔ, Jésus-Christ.

1 Korente 13:10

Ma, ha ngimɔ ka mɔ ka dam wɛɛ behɔ, mɔ ka tɛ dam na, beyɛmili.

1 Korente 13:12

Sising, ɔ zɔk mɔ tuka ha li faya-fuyɛ mɔ-zɔk li. Ma, ha ngimɔ bin, ɔ bezɔk mɔ fɛt ngɛlɛ-ngɛlɛ. Sising, mi ing mɔ dam na. Ma, ha ngimɔ bin, mi being mɔ dam wɛɛ gbesi tuka ka Sɔ ingɔ nɛ mi fɛt.

1 Korente 9:24

Ɛnɛ ingɔ nde, yo nê dɔka wi ha sɔwi ha kpakpay. Ma, wan-gan kpakpay ka kpa kɛamɔ, wɛnɛ nê ndang sɔna. Mɛgi, ɛnɛ ngasisi tɛ ɛnɛ tuka nde, ɛnɛ akpa kɛamɔ.

2 Korente 13:9

Ɔ nɛ totɛ ka ɔ dung nɛ mɔkaa, nɛ ka ɛnɛ dung nɛ ngaya. Mɛgi, ɔ gɔ Sɔ tuka nde, ɛnɛ alɛm fin wɛɛ nɛ mbinga.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 5:17

Hazu hɛl ndɔkitɛ ɔ sungiri nɛ mɔ ka Nzɔy-Sɔtɛ ngoya. Nɛ mɔ ka Nzɔy-Sɔtɛ ngoya, yo sungiri nɛ hɛl ndɔkitɛ ɔ. Hio mɔ ndɔng bwa ha bio bulo sungiri nɛ may. Hazu ɛngi, dedemɔ ka ɛnɛ bheki mɛ de, ɛnɛ lɛm de yo na.

Efeze 1:4

Sɔngsi bhee gde ka Sɔ tɛ de ka nzan na, a weka ɔ nɛ wal ngoy pɛa tuka nde, ɔ adung nê hio wi pɛa nɛ wal dea sɔy hinɛ Christ, nɛ fin nde, ɔ adung nɛ nzɔya nɛ ma wen bo ha zu ɔ ha li wa na.

Efeze 4:12

Yo nê tom pɛ hio wi ndɔng mɛ gbakiri hio wi pɛ Sɔ nde, ka mbwa ade tom pɛ Sɔ, nɛ ka *giliwi mɔ eglize ka dung nê kilitɛ Christ angay pen mɔ sɔngsi.

Filipe 1:1

Yo nê ɔ, Paul nɛ Timothée, hio wan-tom pɛ Jésus-Christ, ka ngɛriki takarata ɛngɛ tomsi ha ɛnɛ, hio wi ndɔng mɔ le Filipe ka de sɔy hinɛ Jésus-Christ. Ɔ tomsi yo fin ha hio wi mɔ zu ɛnɛ nɛ ha hio *diakre.

Filipe 3:16

Ngase mɔ fɛt, ɔ bhɔn ha dede liwal ka ɔ ndara gbo sising.

Filipe 3:3

Ma, yo nê ɔ ka dung hio kpasa wan-gɔn sɔru, hazu ɔ ha dea tom Sɔ nɛ wal ngatɛ pɛ *Nzɔy-Sɔtɛ. Ɔ takiri nde, deamɔ pɛ ɔ lɛm gde ɔ nzeng ha li Sɔ na, ma, ɔ sutɛ hazu mɔ ka Jésus-Christ dea ha tɛ ɔ.

Filipe 3:8

Kpasa kpaamɔ pɔm, yo nde, mi ingɔ Jésus-Christ, Kongawan pɔm. Ha li kpaamɔ ɛngɛ, hio olo mɔ fɛt tɛ bo nê gbelemɔ. Mi zɔka hio mɔ pɔm fɛt tuka ngbundu mɔ, nɛ mi laka yo gde tuka nde, mi ade sɔy hinɛ Christ,

1 Tesalonike 5:15

Ɛnɛ pangay nde, ka ɛnɛ akifiri gdangamɔ ha wi ka dea gdangamɔ ha tɛ ɛnɛ, na. Ma, swe fɛt, ɛnɛ aki wal mɛ de dedemɔ ha soko may nɛ ha tɛ wi fɛt.

2 Tesalonike 2:13

Pɛ ɔ, lɛma nde, ɔ aha oeba ha Sɔ swe fɛt hazu ɛnɛ, hio ya ɔ, ka *Kongawan ngoya pentɛ. Hazu, sɔngsi bhee gde ka Sɔ tɛ de ka nzan na, a weka ɛnɛ hazu kpasisi ɛnɛ. A kpasasa ɛnɛ nɛ wal *Nzɔy-Sɔtɛ ka gde ɛnɛ nɛ nzɔya ha li wa, nɛ fin nɛ wal mɛkaramɔ ka ɛnɛ mɛkiri nɛ tɛwen.

1 Timothée 5:10

Nɛ lɛma fin nde, hio wi akɛ wen dede tom pɛa mɛgɛ: A dungɔ ha pama hio bem pɛa nɛdedea, ha baa hio gɛnɛ nɛ dede kɔ, ha fala nanga hio wi pɛ Sɔ, ha gbakara hio wan-ngɔtɛ, nɛ ha gdea tɛ wa fɛt ha dea dedemɔ.

1 Timothée 6:19

Ka mbwa de mɛgi, mbwa bewesiri dede kpaamɔ hazu ngimɔ ka betɛ bin, tuka nde, mbwa akpa kpasa tunɔ tuka kɛamɔ.

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

Hebro 12:23

Ɛnɛ tiko nɛ hapɛtɛ wesara may yenga pɛ hio kay bem pɛ Sɔ, ka ling mbwa ha zang takarata ha ngɔn. Ɛnɛ tiko nɛ hapɛtɛ Sɔ ka gɔn kita ha zu hio wi fɛt, nɛ fin hapɛtɛ sɔtɛ hio *nzeng wi ka Sɔ lɛmsara mbwa wɛɛ kari.

Hebro 13:21

Sɔ alɛmsiri ɛnɛ mɛ de hio dedemɔ fɛt, ka sila wa ngoya nde, ɛnɛ ade. Nɛ wal Jésus-Christ, wɛnɛ aha ɛnɛ ngatɛ mɛ de mɔ ka ha totɛ ha wɛnɛ. *Lɛkɛ-lɛkɛmɔ ha kɔ Jésus-Christ kpoo nɛ kpoo. Amen.

Jacques 3:2

Ɔ hinɛ ɛnɛ fɛt ha yɔa mɔ nɛdɔka. Ka ma wi yɔ mɔ nɛ wal wen nu wa na, wɛnɛ lɛma wɛɛ, nɛ a ingɔ gana zu tɛ wa fɛt.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.

2 Pierre 3:18

Ma, ɛnɛ bhɔn ha kpɔatɛ ha zang *dede sila pɛ Jésus-Christ, Kongawan pɛ ɔ nɛ Wan-kpasisi ɔ. Nɛ ɛnɛ bhɔn fin ha ingɔ wɛnɛ pen mɔ sɔngsi. *Lɛkɛ-lɛkɛmɔ ha kɔ wa sising, kpoo nɛ kpoo! Amen.