Filipe 2:9 - Takarata pɛ Sɔ Mbombe Mbon

⁹ Yo nê ɛngi, ka Sɔ guo wɛnɛ gde ha kuso ngɔn. A gbala wɛnɛ nɛ ma ling ka pena ziomɔ pɛ hio mbing ling fɛt mburr.

Filipe 2:9 ပူးပေါင်းရင်းမြစ်များ

Matthieu 11:27

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi ha mbwa, mbwa being Bafa mi.

Matthieu 28:18

Nɛ Jésus tiko tɛ hapɛtɛ mbwa nɛ tɔa: «Sɔ gdea ziomɔ fɛt ha zang ngɔn nɛ ha zu nu ha kɔ mi.

Dede Wen hazu Jésus-Christ ka Luc ngɛraka 10:22

«Bafa mi gdea mɔ fɛt ha kɔ mi. Yo nê Bafa mi sɔna ka ing mi, Bewei pɛa. Nɛ yo nê mi, Bewei pɛa sɔna ka ing Bafa mi. Nɛ wi ndang ndang, ka mi ngoy gbasi Bafa mi, wɛnɛ being Bafa mi.»

Jean 13:3

Jésus ingɔ nde, Sɔ gdea mɔ fɛt ha kɔ wa. A ingɔ fin nde, a bagutɛ ha pɛ Sɔ tɛnɛ, nɛ nde, a bekifiri si ha pɛ Sɔ.

Jean 17:11

Sising, mi lɛm dung fin hakɛ ha nzan na. Mi ha kiforoa si ha pɛ mɛ. Ma, mbwa bebhɔn pɛ mbwa ha nzan. Nzɔy Bafa mi, mɛ haa ziomɔ pɛ ling mɛ ha mi. Mɛgi, mɛ pam hio wi pɔm nɛ wal ziomɔ ɛngɛ tuka nde, mbwa adung tɛ ndang gbesi tuka ka ɔ hinɛ mɛ, ɔ dung tɛ ndang.

Jean 17:12

Ha ngimɔ ka mi dungɔ hakɛ ha nzan, mi pama mbwa nɛ wal ziomɔ pɛ ling mɛ ka mɛ haa ha mi. Mi pama mbwa, nɛ ma ndang tɛ yɔ mɔ na, kanɛ wi kɛ ka ɛ bangɛriki se wen pɛa ha zang takarata pɛ mɛ nde, a beyɔmɔ. Mɛgi, wen ɛngi lɛmsara tɛ.

Jean 17:5

Nɛ sising, Bafa mi, mɛ gu mi gde hapɛtɛ mɛ ha zang lɛkɛ-lɛkɛmɔ, ka mi badung nɛ yo hapɛtɛ mɛ sɔngsi, ha ngimɔ ka mɛ tɛ de ka nzan na.

Deamɔ 5:31

A guo wɛnɛ ha wekɔ wa nɛ gdea wɛnɛ tuka *kongapora nɛ *wan-kpasisi wi. Sɔ dea mɛgi hazu ha wal ha hio wi mɔ Israel mɛ kifiri sila mbwa tuka nde, wɛnɛ abisi *sɛmbɔ pɛ mbwa.

Efeze 1:10

Mɔ ɛngɛ ka Sɔ belɛmsiri ha dede ngimɔ, yo nde, a bewesiri hio mɔ ha zang ngɔn nɛ zu nu fɛt gde ha kɔ Christ nde, wɛnɛ adung wan hazua.

Kolose 1:18

*Giliwi mɔ eglize nê kilitɛ Christ, nɛ wɛnɛ nê wan hazu mbwa. Mɔ fɛt angara nɛ wal wɛnɛ, wɛnɛ nê bosi wi ka guotɛ ha soko hio fiowi tuka nde, wɛnɛ adung ha bosi bhandi ha mɔ fɛt.

2 Tesalonike 1:12

Mɛgi ling Kongawan pɛ ɔ Jésus bekpa lukosomɔ ha wen zu ɛnɛ, nɛ ɛnɛ bekpa fin lukosomɔ ha wen zu wa. Yo nê Sɔ pɛ ɔ hinɛ Kongawan Jésus-Christ ka bede mɔ mɛgi nɛ wal *dede sila pɛ mbwa.

Hebro 1:4

Bewei pɛ Sɔ tɛ bo nɛ zioa pen hio telenge, hazu Sɔ haa wɛnɛ ma zio ling pen pɛ hio telenge.

Hebro 1:9

Mɛ ngoy nɛ nzengmɔ, nɛ mɛ sɛn kpandele. Yo nê hazu ɛngi ka Sɔ, Sɔ pɛ mɛ, hɔnga mɛ nɛ nɔ yenga ha soko hio sɔy pɛ mɛ.»

Hebro 12:2

Ɔ azɔk kanɛ Jésus, wɛnɛ ka dung nê nanga mɛkaramɔ pɛ ɔ, nɛ fin wi ka lɛmsiri yo wɛɛ. A baa sila wa nɛ kɔ ha zang fio ha getakate. A zɔka foy mɔ fio ɛngɛ tuka gbelemɔ, hazu a gdea li wa ha totɛ ka wɛnɛ bekpa nɛ pata. Nɛ sising, wɛnɛ ha dungɔnu ha wekɔ Sɔ, hapɛtɛ solowan pɛ Sɔ.

Hebro 2:9

Ma, mɔ ka ɔ zɔka, yo nê ɛngɛ: Sɔ bagde Jésus ha si hio telenge ma bengimɔ, nɛ a haa wɛnɛ lɛkɛ-lɛkɛmɔ nɛ lukosomɔ, hazu wɛnɛ kpaa yimtɛ fio. Ey, Sɔ ngoya nɛ wal *dede sila pɛa nde, wɛnɛ afe gɔn nɛ zu hio wi fɛt.

1 Pierre 3:22

Wɛnɛ kiforo si ha ngɔn mɛ dung ha wekɔ Sɔ. Hio *telenge, hio sɔtɛ gan zu mɔ nɛ hio nga sɔtɛ fɛt dung ha si wa.

2 Pierre 1:17

Sɔ, Bafa wa, ka dung nɛ konga lɛkɛ-lɛkɛmɔ, lukoso wɛnɛ nɛ haa wɛnɛ lɛkɛ-lɛkɛmɔ ha ngimɔ ka ɔ zea gɛl Sɔ ha tɔa: «Wi kɛ nê Bewei pɔm ka mi ngoya gdang. Mi gdea sila mi ha tɛ wa.»

3 Jean 1:7

Hazu, mbwa ha yala mɛ de tom nɛ ling Christ, nɛ mbwa ha kafa kuo mɔ ha kɔ hio *bhilo.

Gbasamɔ 1:5

Jésus-Christ nê mboazu wan-kɛwen, bosi wi ka guotɛ ha soko hio fiowi, nɛ gasa wan hazu hio *kongapora mɔ nu ɛngɛ fɛt. A ngoya ɔ, nɛ a yanga ɔ ha si *sɛmbɔ pɛ ɔ nɛ wal tɔktɛ wa.

Gbasamɔ 11:15

Hapata ɛngi, zemɔrkɔ zanga bwa *telenge dɔma mbia. Hio ma gasa gɛl gboa ha ngɔn nɛ tɔa: «Nzan ɛngɛ tɛ bo ha si ziomɔ pɛ *Kongawan pɛ ɔ hinɛ *Mesi pɛa. A bedung *kongapora ha zua kpoo nɛ kpoo.»

Gbasamɔ 19:16

Ha tɛ gbambusa pɛa nɛ ha ku wa, ɛ ngɛraka ling mɛgɛ: «*Kongapora ha zu hio kongapora fɛt, *Kongawan ha zu hio kongawan fɛt.»

Gbasamɔ 3:21

«Wi fɛt ka began zu mɔ, mi beha mbwa wal nde, mbwa atɛ tɛ dungnu hinɛ mi ha solowan pɔm. Tuka mi fin, mi gana zu mɔ, nɛ mi ha dungɔnu hinɛ Bafa mi ha solowan pɛa.

Gbasamɔ 5:12

Mbwa dungɔ ha bea gima nɛ ngagɛl nde: «Besami ka ɛ bagbɛ, nɛ kongaa mɛ kpa ziomɔ, kpaamɔ, mbaramɔ, ngatɛ, wolsamɔ, *lɛkɛ-lɛkɛmɔ, nɛ lukosomɔ.»