Filipe 2:29 - Takarata pɛ Sɔ Mbombe Mbon

²⁹ Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ nɛ totɛ fɛt, hazu wɛnɛ nê ya ɔ ha Kongawan. Hio tili wi tuka wɛnɛ, lɛma nde, ɛnɛ alukisi mbwa.

Filipe 2:29 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 9:5

Nɛ ka hio wi ha ma le ba ɛnɛ nɛ dede kɔ na, ɛnɛ pen ha le ɛngi. Nɛ ɛnɛ ngbɔ ngbabhuki nanga ɛnɛ, ka yo aosi ha mbwa gdanga deamɔ pɛ mbwa.»

Jean 13:20

Kpasawen mi tɔ ha ɛnɛ nde, wi ka ba wi ka mi tomsi nɛ dede kɔ, a baa mi kari. Nɛ wi ka ba mi nɛ dede kɔ, a baa wan-tomsi mi kari.»

Deamɔ 2:46

Swe fɛt mbwa wesara may ha zang *gasa twa Sɔ. Mbwa kapana mampa pɛ Christ ha soko may ha zang twa pɛ mbwa, nɛ mbwa yɔnga mɔ nɛ totɛ nɛ mɛndi.

Deamɔ 28:10

Hio wi mɛ kisi ɛngɛ lukoso ɔ nɛ wal nɛtɛ-nɛtɛ. Nɛ ka ɔ ha pena, mbwa haa ɔ hio mɔ fɛt ka kɔpa ɔ hazu yali.

Deamɔ 8:8

Mɛgi, hio wi mɛ gasa le ɛngi dungɔ nɛ gasa totɛ.

Rome 10:15

Nɛ ɛ bebul wena mɛng, ka ɛ tɛ tomsi wan-bul wena na? Yo gbesi tuka ɛ ngɛraka ha takarata pɛ Sɔ: «Yo nê gasa totɛ mɛ zɔk wi ndɔng ka ku dede kasi tɛnɛ.»

Rome 16:2

Ɛnɛ ba wɛnɛ nɛ dede kɔ nɛ ling *Kongawan gbesi tuka hio wi pɛ Sɔ lɛma mɛ de ha soko may. Nɛ ɛnɛ gbakiri wɛnɛ nɛ hio mɔ ka kɔpi wɛnɛ, hazu wɛnɛ nɛ pɛa tɛ gbakara hio wi nɛdɔka nɛ mi fin.

1 Korente 16:10

Ka Timothée hɔa ha pɛ ɛnɛ, ɛnɛ aba wɛnɛ nɛ dede kɔ tuka nde, wɛnɛ adung nɛ totɛ. Hazu wɛnɛ ha dea tom pɛ Kongawan gbesi tuka mi.

1 Korente 16:18

Mbwa gasasa sila mi gbesi tuka mbwa bagasisi sila ɛnɛ. Ɛnɛ aba hio wi tuka mbwa nɛ zioa.

2 Korente 10:18

Kpasa dede wan-tom, yo bo nê wi ɛngɛ ka tɔ dede lingtɛ wa nɛ pɛa tɛ na, ma, yo nê wi ɛngɛ ka Kongawan tɔ dede lingtɛ wa.

2 Korente 7:2

Ɛnɛ aha sila ɛnɛ ha ɔ. Ɔ tɛ de gdangamɔ sungiri nɛ ma wi ndang na, ɔ tɛ bhondisi ma wi na, nɛ ɔ tɛ yɔng ma wi nɛgbelea na.

Filipe 2:28

Hazu ɛngi, mi tomsi wɛnɛ nɛ ha pɛ ɛnɛ mbalang tuka nde, ɛnɛ ade totɛ, ka ɛnɛ bezɔk wɛnɛ nɛ mbinga. Mɛgi, ma nu ngɔtɛ pɔm bekari fin.

Kolose 4:10

Aristarke ka dung hinɛ mi hakɛ ha twa zɔbhɔ fana ɛnɛ. Marc, beyang mɛ Barnabas, fana ɛnɛ fin. Ka wɛnɛ hɔa ha pɛ ɛnɛ, ɛnɛ aba wɛnɛ nɛ dede kɔ, tuka mi tɔa wena ha ɛnɛ kari.

1 Tesalonike 5:12

Hio ya ɔ, ɔ ani ha ɛnɛ nde, ɛnɛ aba nɛ zioa hio wi ndɔng ka de ngatom ha soko ɛnɛ, ka *Kongawan gdea ha zu ɛnɛ, nɛ ka ha mbɔla ha ɛnɛ.

1 Timothée 5:17

Hio kotowi ka pam giliwi mɔ eglize nɛ wala, lɛma nɛ kɛamɔ tom pɛ mbwa zebwa. Pen fɛt, ɛ ndɔng ka gbɛngsi tɛ mbwa ha bulo wen pɛ Sɔ nɛ ha osamɔ Sɔ.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

3 Jean 1:10

Hazu ɛngi, ka mi behɔ ha pɛ mbwa, mi begba tazu hio wi nɛ hio gdanga deamɔ pɛa, nɛ hio gdanga wen dalo ka wɛnɛ tɔ sungiri nɛ ɔ. Wɛnɛ de sɔna nɛ ɛngi na, ma, a kafi fin ba nɛ dede kɔ hio ya ha Christ ha yali. Nɛ fin, a dolsi ɛ ndɔng ka ngoy ba hio ya ndɔng nɛ dede kɔ, nɛ a mul mbwa pi, gbo ha soko giliwi mɔ eglize.