Filipe 2:22 - Takarata pɛ Sɔ Mbombe Mbon

²² Ɛnɛ ingɔ nɛdedea nde, Timothée ha dea mɔ nɛ mboazu. A gbakara mi ha tom yɛbhasa *Dede Wen gbesi tuka ka bem gbakiri nɛ bafa wa.

Filipe 2:22 ပူးပေါင်းရင်းမြစ်များ

Deamɔ 16:2

Hio wi pɛ Christ ha Listre nɛ ha Ikoniom, tɔa dede lingtɛ Timothée.

Rome 5:4

Dungɔa nɛ yikosila bede nde, ɔ azati ha wal mɔ Sɔ. Zata ha wal mɔ Sɔ, yo bede nde, ɔ agde tazu ɔ ha tɛ Sɔ.

1 Korente 16:10

Ka Timothée hɔa ha pɛ ɛnɛ, ɛnɛ aba wɛnɛ nɛ dede kɔ tuka nde, wɛnɛ adung nɛ totɛ. Hazu wɛnɛ ha dea tom pɛ Kongawan gbesi tuka mi.

1 Korente 4:17

Yo nê ɛngi ka mi tomsa Timothée ha pɛ ɛnɛ. Wɛnɛ nê bem pɔm ha wal mɔ Christ. Mi ngoya wɛnɛ pentɛ, nɛ wɛnɛ nɛ mboazu fɛt. A begba tazu ɛnɛ nɛ wal ka mi ndari nɛ Jésus-Christ. Yo nê ndangtɛ wal ka mi osi ha hio wi mɔ hio eglize ha bhandi fɛt.

2 Korente 2:9

Mi ngɛraka takarata ɛngi ha ɛnɛ hazu ing, mana ɛnɛ nɛ mboazu mɛ ze nu mi ha mɔ fɛt.

2 Korente 8:22

Ɔ tomsa fin ma ya ɔ ndang hinɛ hio wi ndɔng bwa. Ɔ wea sila wa ngimɔ nɛdɔka, nɛ ɔ kpaa nde, wɛnɛ nɛ hɛl dea tom pɛ Sɔ swe fɛt. Sising wɛnɛ nɛ hɛla pen mɔ sɔngsi, hazu a gdea tazu wa fɛt ha tɛ ɛnɛ.

2 Korente 8:24

Ɛnɛ aosi ha hio ya ndɔng nde, ɛnɛ ngoya mbwa nɛkpasa. Mɛgi, giliwi mɔ hio eglize being nde, ɔ lukisi tɛ hazu ɛnɛ ha li mbwa nɛ wala.

2 Korente 8:8

Mi tɛ ha nu ha ɛnɛ mɛ de mɛgi na. Ma, mi osi ha ɛnɛ hɛl ka hio mbinga de nɛ tom, hazu zɔk nde, mana ɛnɛ ngoya hio ya ɛnɛ nɛkpasa.

Filipe 1:12

Hio ya mi, mi ngoya ɛnɛ aing nde, ngase hio yeksamɔ ka kpaa mi hakɛ, yo dea nde, Dede Wen ayɛbhi.

Filipe 1:16

Wi ndɔng de mɛgi hazu mbwa ngoya mi. Mbwa ingɔ nde, Sɔ gdea mi hakɛ hazu nde, mi ale gdong Dede Wen.

Filipe 1:5

hazu ɛnɛ nê hio sɔy-tom pɔm ha yɛbhasa *Dede Wen angiri ha yala ka ɛnɛ mɛkara yo, kanɛ sising.

Filipe 1:7

Yo nê dedea nde, mi atakiri mɔ hazu ɛnɛ mɛgi, hazu ɛnɛ dung ha zang sila mi. Sising mi dung ha twa zɔbhɔ, sɔngsi mi lea gdong Dede Wen nɛ bulo yo nde, hio wi amɛkiri yo nɛkpasa. Ɛnɛ bhɔna ka ha dea sɔy hinɛ mi ha zang *dede sila, ka Sɔ de ha tɛ mi ha zang mɔ ndɔng fɛt.

Filipe 2:20

Yo nê Timothée ndang sɔna, ka takiri mɔ hazu ɛnɛ nɛkpasa. Mi bo nɛ mbing wi tuka wɛnɛ na.

1 Timothée 1:18

Timothée, bem pɔm, mi gde osamɔ ɛngɛ ha kɔ mɛ lɛm nɛ hio kuliwen ka ɛ batɔ sɔngsi hazu mɛ. Tazu mɛ agba nɛ wen ndɔng tuka nde, mɛ aku yo bi nɛ dede bulo.

1 Timothée 1:2

Mi ngɛriki yo ha mɛ, Timothée, ka dung kpasa bem pɔm nɛ wal mɛkara Christ. Sɔ, Bafa ɔ, hinɛ Jésus-Christ, *Kongawan pɛ ɔ, mbwa ade *dede sila ha tɛ mɛ, mbwa ade kobhe tɛ mɛ, nɛ mbwa aha mɛ gaamɔ.

1 Timothée 4:6

Ka mɛ osi mɔ ndɔng ki ha hio ya ha Jésus-Christ, mɛ bedung nê dede wan-tom pɛa. Deamɔ mɛgi beosi nde, mɛ ha daya tɛ mɛ nɛ wen mɛkaramɔ, nɛ fin nɛ dede osamɔ ka mɛ ndari.

2 Timothée 1:2

Mi tomsi takarata ɛngɛ ha mɛ, Timothée, bem pɔm ka mi ngoya pentɛ. Sɔ, Bafa ɔ, hinɛ Jésus-Christ, *Kongawan pɛ ɔ, ade *dede sila ha tɛ mɛ, mbwa ade kobhe tɛ mɛ, nɛ mbwa aha mɛ gaamɔ.

2 Timothée 3:10

Ma, pɛ mɛ, mɛ naka pata osamɔ pɔm, deamɔ pɔm, bhekamɔ pɔm, mɛkaramɔ pɔm, baa sila pɔm, ngoy pɔm, nɛ yikosila pɔm.

Tite 1:4

Mi ngɛriki takarata ɛngɛ ha mɛ Tite, ka tɛa ngbak bem pɔm nɛ wal Jésus-Christ ka ɔ hinɛ mɛ mɛkara gbesi. Sɔ, Bafa ɔ, nɛ Jésus-Christ, Wan-kpasisi ɔ, mbwa ade *dede sila ha tɛ mɛ, nɛ mbwa aha gaamɔ ha mɛ.