Filipe 2:16 - Takarata pɛ Sɔ Mbombe Mbon

¹⁶ Nɛ ɛnɛ abul wen ka ha tunɔ ha mbwa. Ka ɛnɛ de mɛgi, mi besutɛ bin hazu ɛnɛ, ha swe ka Jésus-Christ bepe. Yo beosi nde, ngatom ka mi gbɛngsa tɛ ha dea, yo tɛ gɔy nɛ gbelea na.

Filipe 2:16 ပူးပေါင်းရင်းမြစ်များ

Matthieu 10:27

Mɔ ka mi tɔ ha ɛnɛ ha zang tutum, ɛnɛ atɔ yo nɛ nga swe. Nɛ mɔ ka ɛnɛ ze nɛ yimɔlɔa, ɛnɛ ahe mbelaa.

Dede Wen hazu Jésus-Christ ka Luc ngɛraka 12:8

«Mi tɔ ha ɛnɛ, ka ma wi gbasa ha li hio wi fɛt long nde, wɛnɛ nê wi pɔm, mi, *Bewei pɛ Wi, begbasi fin ha li hio *telenge pɛ Sɔ nde, wɛnɛ nê wi pɔm.

Jean 6:63

Yo nê *Nzɔy-Sɔtɛ ka ha tunɔ ha hio wi. Wi lɛm de ma mɔ nɛ pɛa tɛ na. Hio wen ndɔng ka mi tɔa ha ɛnɛ don nɛ Nzɔy-Sɔtɛ ka ha tunɔ ha hio wi.

Jean 6:68

Nɛ Simon Pierre kiforo wen ha wɛnɛ: «*Kongawan, ɔ betɛ lak mɛ gde, tɛ nɛ ha pɛ o? Yo nê wen pɛ mɛ, ka dung nê wen ka ha tunɔ kpoo.

Deamɔ 13:26

«Hio ya mi, bezang pɛ Abraham, nɛ hio wi fɛt ka lukisi Sɔ. Ɛnɛ ze, Sɔ tomsa kasara ɛngɛ hazu kpasisi ɔ fɛt.

1 Korente 1:8

Nɛ yo ka fin nê wɛnɛ ka beha ɛnɛ ngatɛ mɛ zati ngi-ngi-ngi hɔ ha kpogio. Mɛgi, ha ngimɔ ka Kongawan pɛ ɔ, Jésus-Christ bekifiri, ma wen lɛm dung ha zu ɛnɛ na.

1 Korente 9:26

Yo nê ɛngi ka mi sɔ pɔm wi nɛtum na. Mi dung fin tuka wan-sɔm wi ka kɔpi na.

2 Korente 1:14

Sising, ɛnɛ tɛ ze ka yo fɛt nɛdedea na. Ma, ha ngimɔ ka *Kongawan Jésus bekifiri nɛ, ɛnɛ belukisi fin tɛ hazu ɔ, gbesi tuka ɔ ha lukoso tɛ hazu ɛnɛ.

Galasi 2:2

Mi nɛa haki hazu Sɔ gbasa ha mi nde, mi anɛ. Haki, ɔ wesara may gbatɛ hinɛ hio wi mɔ zu eglize. Mi osa ha mbwa goto *Dede Wen ka mi bul ha hio kandɔ ndɔng ka bo nê *zuife na. Mi dea mɛgi hazu mi tɛ ngoy nde, tom ka mi dea sɔngsi, nɛ ka mi boka ha dea, yo apen nɛgbelea na.

Galasi 4:11

Mɛgi mi nɛ nɔzang hazu ɛnɛ yu nde, mana tom ka mi dea ha soko ɛnɛ betɛ dung tuka gbelemɔ.

Filipe 1:10

Hazu mi ngoy nde, ɛnɛ aing mɔ ndɔng, ka dung nɛdedea nɛkpasa, tuka nde, ɛnɛ adung nɛ saa, gdangamɔ bona, kanɛ swe ka Jésus-Christ bepe nɛ.

Filipe 1:6

Mi ingɔ nɛdedea fɛt nde, Sɔ ka angara dea dede tom ha tɛ ɛnɛ, a bhɔna ka ha dea yo nɛnɛ, kanɛ a lɛmsara yo ha swe ka Jésus-Christ bepe nɛ.

1 Tesalonike 2:19

Kpasawen, yo nê hazu ɛnɛ fin ka ɔ gde tazu ɔ ha tɛ Sɔ, nɛ ka ɔ de totɛ, nɛ ka *Kongawan pɛ ɔ, Jésus, beha ɔ lɛkɛ-lɛkɛ kɛamɔ ha ngimɔ ka wɛnɛ bepe nɛ.

1 Tesalonike 3:5

Yo nê hazu ɛngi, ka mi ba sila mi fin na, nɛ mi tomsa Timothée nɛ ha pɛ ɛnɛ mɛ ing nde, mana ɛnɛ bhɔna ka ha mɛkara Christ. Mi dungɔ nɛ nɔzang nde, mana Satan osala ɛnɛ kari, nɛ tom pɛ ɔ ha soko ɛnɛ gɔya nɛgbelea.

Hebro 4:12

Kpasawen, wen pɛ Sɔ nɛ tunɔa, nɛ yo nɛ ngatɛ mɛ de tom pɛa. Yo nɛ sɔa pen gbapa ka ɛ bɛnga nua bwa bwa fɛt. Ka yo toka ma wi, yo begɔn soko tunɔ pɛ wia nɛ sɔtɛ wa, yo begɔn soko dokaratɛ wa nɛ mbɔ zang gbalatɛ wa, nɛ yo begɔn kita hazu takaramɔ nɛ hɛl mɔ sila wia.

1 Pierre 1:23

Sɔ bhɛa ɛnɛ nɛ mbombea. A tɛ de yo nɛ wal wi ka befe na, ma, a dea yo nɛ wal wen pɛa ka ha tunɔ ha hio wi, nɛ ka bebhɔn kpoo.

1 Jean 1:1

Ɔ ngɛriki takarata ɛngɛ ha ɛnɛ hazu wi ɛngɛ ka ɛ sa nde, Wen ka ha tunɔ. Wɛnɛ ang nisi ha ngimɔ ka Sɔ dea nzan. Ɔ zea wen nu wa nɛ zala ɔ. Ɔ zɔka wɛnɛ nɛ li ɔ. Ɔ mbara wɛnɛ. Nɛ ɔ ndɔa tɛ wa nɛ kɔ ɔ.

Gbasamɔ 22:17

*Nzɔy-Sɔtɛ hinɛ Bhoko-si wei ha tɔa: «Mɛ tɛ!» Nɛ wi ka ze yo, atɔ fin: «Mɛ tɛ!» Wi fɛt ka dung nɛ wɔ li, nɛ ka dung nɛ hɛl mɛ nɔ li ka ha tunɔ, mbwa atɛ tɛ kpa yo nɛ gbelea.