Filipe 2:15 - Takarata pɛ Sɔ Mbombe Mbon

¹⁵ tuka nde, ɛnɛ adung nê hio bem pɛ Sɔ ka bo nɛ ma wen hazu mbwa na. Lɛma nde, ɛnɛ adung nɛ saa, nɛ nzeng ha soko hio wi mɔ nzan ka de kalbho-kalbho mɔ nɛ mɔ tum. Ɛnɛ aba ha soko mbwa tuka hio sɔla ha ngɔn.

Filipe 2:15 ပူးပေါင်းရင်းမြစ်များ

Matthieu 10:16

«Ɛnɛ ze! Mi tomsi ɛnɛ tuka hio sami ha soko hio ngɔnzu. Mɛgi, ɛnɛ dung nɛ zɔma tuka hio gɔk, nɛ ɛnɛ dung tuka hio gbakuli, ka bo nɛ likisi na.

Matthieu 17:17

Jésus kiforo wen: «Ɛnɛ, hio gdanga wan-sikafɛ nɛ Sɔ! Mi beba sila mi mɛ dung hinɛ ɛnɛ kanɛ nge ngimɔ ge? Ɛnɛ ku wɛnɛ tɛnɛ ha mi.»

Matthieu 5:45

Ka ɛnɛ de mɛgi, ɛnɛ bedung nê bem pɛ Bafa ɛnɛ ka dung ha zang ngɔn. Hazu wɛnɛ ha dea nde, swe aba ha zu dede wi nɛ ha zu gdanga wi fɛt gbesi, nɛ nde, kolo aɔl ha zu *nzeng wi nɛ ha zu *kalbho-kalbho wi fɛt gbesi.

Matthieu 5:48

Mɛgi, dea nde, deamɔ pɛ ɛnɛ alɛm wɛɛ, gbesi tuka deamɔ pɛ Bafa ɛnɛ ka dung ha zang ngɔn lɛma wɛɛ.»

Dede Wen hazu Jésus-Christ ka Luc ngɛraka 1:6

Mbwa bwa fɛt dungɔ nzeng ha li *Kongawan Sɔ. Nɛ mbwa dea mɔ fɛt lɛm nɛ *mbonga nɛ mbɔla pɛ Sɔ.

Dede Wen hazu Jésus-Christ ka Luc ngɛraka 6:35

Ma, ɛnɛ angoy hio ngana pɛ ɛnɛ, nɛ ɛnɛ ade dedemɔ ha tɛ mbwa. Ɛnɛ aha mbee ha ma wi, ma ɛnɛ atakiri hazu wen kiforo yo na. Ka ɛnɛ de mɛgi, mɔ-kɛ ɛnɛ nɛ gasaa ha zang ngɔn, nɛ ɛnɛ bedung hio bem pɛ Sɔ, ka dung ha kuso ngɔn. Hazu wɛnɛ ha dea dedemɔ fin ha tɛ hio gdanga wi, nɛ ha tɛ wi ndɔng ka ing tɔa ‹oeba› na.

Jean 5:35

Jean badung tuka lamba ka wea baa, nɛ ɛnɛ dea totɛ ha yoloa ngimɔ tikiring.

Deamɔ 2:40

Pierre wolamɔ ha mbwa fin nɛdɔka nde, mbwa amɛkiri wen pɛa. Nɛ a mboa mbwa: «Ɛnɛ kɛtini soko hinɛ hio *kalbho-kalbho wi mɔ ngimɔ ɛngɛ, nɛ Sɔ bekpasisi ɛnɛ.»

Deamɔ 20:30

Nɛ hio ma wi ha soko ɛnɛ begutɛ, nɛ mbwa betɔ wen dalo tuka nde, hio ma *wan-yambimɔ pɛ Jésus alak wɛnɛ gde nɛ ndari mbwa.

Rome 16:19

Ka bo nê pɛ ɛnɛ, hio wi fɛt ingɔ nde, ɛnɛ ha zea nu Kongawan. Mɛgi, mi nɛ totɛ hazu ɛnɛ. Nɛ mi ngoya fin nde, ɛnɛ adung nɛ mbaramɔ hazu de nɛ dedemɔ, nɛ nde, ɛnɛ adung nɛ saa hazu kafi dea gdangamɔ.

1 Korente 1:8

Nɛ yo ka fin nê wɛnɛ ka beha ɛnɛ ngatɛ mɛ zati ngi-ngi-ngi hɔ ha kpogio. Mɛgi, ha ngimɔ ka Kongawan pɛ ɔ, Jésus-Christ bekifiri, ma wen lɛm dung ha zu ɛnɛ na.

2 Korente 6:17

*Kongawan tɔa fin: «Ɛnɛ akɛtini soko hinɛ hio wi ndɔng, ɛnɛ adung nɛtɛ. Ka ɛnɛ andɔ ma mɔ nzing ndang na, nɛ mi beba ɛnɛ nɛ dede kɔ.

Efeze 5:27

A dea mɛgi hazu gde giliwi mɔ eglize pɛa nɛ lɔkaa, salimɔ bona, yigdokomɔ bona, gdangamɔ ndang bona. Ma, mbwa bedung ha li wa nɛ nzɔya, ma wen bo ha zu mbwa na.

Filipe 1:10

Hazu mi ngoy nde, ɛnɛ aing mɔ ndɔng, ka dung nɛdedea nɛkpasa, tuka nde, ɛnɛ adung nɛ saa, gdangamɔ bona, kanɛ swe ka Jésus-Christ bepe nɛ.

Filipe 3:6

Mi namala *giliwi mɔ eglize nɛ lululu sila. Deamɔ pɔm fɛt dungɔ nzeng ha li mbonga, nɛ ma wen bo ha zu mi na.

1 Tesalonike 5:23

Sɔ, wan-ha gaamɔ, alɛmsiri ɛnɛ nɛ nzɔya wɛɛ. Wɛnɛ apam sɔtɛ ɛnɛ, tunɔ pɛ ɛnɛ, nɛ kilitɛ ɛnɛ nɛdedea fɛt yu nde, ma wen betɛ dung ha zu ɛnɛ ha swe ka Kongawan pɛ ɔ, Jésus-Christ, bepe nɛ.

1 Timothée 3:10

Hio wi ndɔng ka weki wi tuka diakre, lɛma nde, mbwa awe wia sɔngsi ing. Nɛ ka ma wen bo ha zu wa na, wia lɛma de tom tuka diakre.

1 Timothée 3:2

Mɛgi yo lɛm nde, wi mɔ zu eglize adung nɛ ma wen ha zu wa na. Wɛnɛ adung nê wan-bhoko ndang sɔna. Wɛnɛ agan zu tɛ wa, wɛnɛ aba zu ha deamɔ pɛa, wɛnɛ aba tɛ wa nɛ zioa, wɛnɛ apam hio gɛnɛ nɛdedea, nɛ wɛnɛ aing osa mɔ ha hio wi nɛdedea.

1 Timothée 5:14

Mɛgi, mi ngoya nde, mbwa asi ma mbing wei, mbwa abhɛ bem, nɛ mbwa apam twa nɛdedea. Yu nde, hio ngana pɛ ɔ betɛ kpa wal mɛ tɔ nɛ gdanga lingtɛ ɔ.

1 Timothée 5:20

Mɛ sɛn wen ha hio *wan-de gdangamɔ ha li wi fɛt, tuka nde, ke ade hio mbinga.

1 Timothée 5:7

Mɛ aha nu mɛgi ha hio nagula tuka nde, ma wen adung ha zu mbwa na.

Tite 1:6

Lɛma nde, kotowi mɔ eglize adung nɛ ma wen ndang ha zu wa na. Wɛnɛ adung nê wan-si bhoko ndang sɔna. Hio bem pɛa adung nê hio wi pɛ Christ, nɛ fin, ka mbwa adung ngase pofa wi, ngase wan-de kpandele na.

Tite 2:10

Ka mbwa azu mɔ na. Ma, mbwa agbasi tɛ mbwa nɛ dedea nɛ mboazu tuka nde, hio wi alukisi osamɔ hazu Sɔ, *wan-kpasisi ɔ.

Tite 2:15

Mɛ osi mɔ ndɔng ki ha hio wi, mɛ mbo mbwa, nɛ mɛ gay mbwa nɛ ziomɔ fɛt ka Sɔ haa ha mɛ. Ka ma wi ndang abhɛsiri mɛ na.

Hebro 7:26

Mɛgi, Jésus nê gasa wan-hasadaka ka lɛma nɛ ɔ. Wɛnɛ nɛ nzɔya, ma gdangamɔ mana ma wen bo ha zu wa na. Sɔ kuo wɛnɛ ha soko hio *wan-de gdangamɔ gde ha kuso ngɔn.

1 Pierre 2:12

Dea nde, ɛnɛ ade mɔ nɛdedea ha soko hio *bhilo. Hio ma wi ang ka betɔ gdanga lingtɛ ɛnɛ nde, ɛnɛ nê hio *wan-de gdangamɔ. Lɛma nde, mbwa azɔk nɛ dedemɔ ka ɛnɛ de. Ɛngɛ benɔsisi mbwa mɛ lukisi Sɔ ha swe kita pɛa.

1 Pierre 2:9

Ma, pɛ ɛnɛ, ɛnɛ nê kandɔ ka Sɔ weka. Ɛnɛ nê hio konga wan-hasadaka. Ɛnɛ nê nzɔy kandɔ, ka Sɔ gdea nɛtɛ hazu wa nɛ pɛa tɛ. Wɛnɛ saa ɛnɛ gbo ha tutum hazu lesisi ɛnɛ ha zang gasa saamɔ pɛa tuka nde, ɛnɛ aba kasi hio gasa mɔ ka wɛnɛ dea.

2 Pierre 3:14

Hazu ɛngi hio ndɔngsila mi, ha kera swe ɛngɛ, ɛnɛ agbɛngsi tɛ ɛnɛ nde, deamɔ pɛ ɛnɛ adung nɛ saa, ma wen adung ha zu ɛnɛ ha li Sɔ na, nɛ gaamɔ adung ha soko ɛnɛ hinɛ wɛnɛ.

Gbasamɔ 2:5

Tazu ɛnɛ agba nɛ bhandi ka ɛnɛ dungɔ ang bhil tek ha nu. Ɛnɛ akifiri sila nɛ de fin mɔ gbesi tuka ha bosia. Ka bo mɛgi na, mi betɛ ha pɛ ɛnɛ tɛ ku solo lamba pɛ ɛnɛ yunɛ.

Gbasamɔ 3:9

Ɛnɛ zɔk, hio ma wi ha tɔa dalo nde, mbwa nê *zuife. Ma, mbwa bo nê zuife na, mbwa nê giliwi pɛ *Satan. Mi benɔsisi mbwa nde, mbwa atɛ tɛ ngbi zigolo ha si ɛnɛ. Mɛgi, mbwa being nde, mi ngoya ɛnɛ.