Filipe 1:7 - Takarata pɛ Sɔ Mbombe Mbon

⁷ Yo nê dedea nde, mi atakiri mɔ hazu ɛnɛ mɛgi, hazu ɛnɛ dung ha zang sila mi. Sising mi dung ha twa zɔbhɔ, sɔngsi mi lea gdong Dede Wen nɛ bulo yo nde, hio wi amɛkiri yo nɛkpasa. Ɛnɛ bhɔna ka ha dea sɔy hinɛ mi ha zang *dede sila, ka Sɔ de ha tɛ mi ha zang mɔ ndɔng fɛt.

Filipe 1:7 ပူးပေါင်းရင်းမြစ်များ

Deamɔ 20:23

Mi ingɔ sɔna nde, Nzɔy-Sɔtɛ gbaa tazu mi ha zang hio le ndang ndang fɛt nde, mi bekpa yeksamɔ nɛ ɛ bepi mi ha twa zɔbhɔ.

Deamɔ 21:33

Mɛgi, gasa kagama-bulo mɔ Rome tiko hapɛtɛ Paul nɛ haa nu nde, mbwa aba wɛnɛ nɛ sang wɛnɛ nɛ gbazɔbhɔ bwa. Hapata a ana mɔ: «Wi kɛ nê o? A dea nɛ ge?»

1 Korente 13:7

Ha zang mɔ fɛt, wɛnɛ ha baa sila nɛ kɔ, wɛnɛ ha mɛkara Sɔ, wɛnɛ ha gdea tazu wa ha tɛ Sɔ, nɛ wɛnɛ ha yɔnga yini.

1 Korente 9:23

Mi ha dea mɔ fɛt mɛ yɛbhisi *Dede Wen tuka nde, mi akpa dedemɔ ndɔng ka tɛ nɛ wal Dede Wen.

2 Korente 3:2

Yo nê ɛnɛ nɛ tɛ ɛnɛ, ka dung tuka takarata pɛ ɔ. Christ ngɛraka yo ha zang sila ɔ tuka nde, wi fɛt atɔl nɛ ing yo.

2 Korente 7:3

Mi tɛ tɔ mɔ ndɔng hazu gɔn kita ba nɛ ɛnɛ na. Kpasawen, mi tɔ ha ɛnɛ tuka mɔ sɔngsi nde, ɔ ngoya ɛnɛ gdang, ngase ɔ bebhɔn nɛ zutunɔ, ngase ɔ befe.

Galasi 5:6

Kpasawen, wi ka de sɔy hinɛ Jésus-Christ, mana wɛnɛ nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ amɛkiri Christ nɛ gbasi yo nɛ wal ngoy ka wɛnɛ ngoya nɛ hio wi.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Efeze 4:1

Mi, ka dung ha twa zɔbhɔ hazu mi ha dea tom ha *Kongawan, mi lokitɛ ha ɛnɛ nde, deamɔ pɛ ɛnɛ alɛm nɛ sala pɛ Sɔ ka wɛnɛ saa nɛ ɛnɛ mɛ dung hio wi pɛa.

Efeze 6:20

Mi nê wan-nɛkasara hazu Dede Wen, ngase ka mi nê wan-zɔbhɔ. Mɛgi, ɛnɛ gɔ Sɔ nde, mi abul Dede Wen pɛa nɛ da nɛ wala.

Filipe 1:12

Hio ya mi, mi ngoya ɛnɛ aing nde, ngase hio yeksamɔ ka kpaa mi hakɛ, yo dea nde, Dede Wen ayɛbhi.

Filipe 1:13

Yo nê ɛngi, ka hio nasara pam twa pɛ gɔfɔrma nɛ hio mbing wi fɛt ingɔ nde, mi ha twa zɔbhɔ hazu mi nê wan-tom pɛ Christ.

Filipe 1:14

Nɛ sulo ya ha *Kongawan, ka zea nde mi ha zɔbhɔ, mbwa gdea tazu mbwa ha tɛ Kongawan pen mɔ sɔngsi, nɛ mbwa baa da mɛ bul wen pɛ Sɔ, ke bona.

Filipe 1:5

hazu ɛnɛ nê hio sɔy-tom pɔm ha yɛbhasa *Dede Wen angiri ha yala ka ɛnɛ mɛkara yo, kanɛ sising.

Filipe 2:22

Ɛnɛ ingɔ nɛdedea nde, Timothée ha dea mɔ nɛ mboazu. A gbakara mi ha tom yɛbhasa *Dede Wen gbesi tuka ka bem gbakiri nɛ bafa wa.

Filipe 4:14

Ma, ngase ɛngi, ɛnɛ dea nɛdedea hazu ɛnɛ gbakara mi ha zang ngamɔ pɔm.

Filipe 4:15

Ɛnɛ, hio wi pɛ Christ mɔ Filipe, ɛnɛ ingɔ nɛdedea nde, ha ngimɔ ka mi angara bulo *Dede Wen ha kandɔnu Masedoane, nɛ ka mi guotɛ haki pen, yo ka nê ɛnɛ sɔna ka gbakara mi nɛ mbɔli. Ma mbing eglize tɛ de mɛgi na.

Filipe 4:3

Pɛ mɛ, kpasa sɔy-tom pɔm, mi ani mɛ nde, mɛ agbakiri hio bhoko ndɔng bwa mɛ ze nu may. Hazu ɔ hinɛ mbwa, ɔ dea tom bulo *Dede Wen nɛdɔka pentɛ, tɛ ba nɛ Klement nɛ hio olo sɔy-tom pɔm, ka Sɔ ngɛraka ling mbwa fɛt ha zang Takarata Tunɔ.

Kolose 4:18

Yo nê mi Paul ka ngɛriki fani ɛngɛ nɛ tɛ kɔ mi. Tazu ɛnɛ agba nɛ mi hakɛ ha twa zɔbhɔ. Sɔ ade *dede sila ha tɛ ɛnɛ.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

1 Tesalonike 5:5

Hazu, ɛnɛ fɛt nê hio wi pɛ saamɔ, ɛnɛ nê hio wi mɔ gasa swe. Ɔ hinɛ ɛnɛ fɛt, ɔ bo nê pɛ zɛ mana pɛ tutum na.

2 Timothée 1:8

Mɛgi, ka mɛ ade foy hazu kɛ wen pɛ *Kongawan pɛ ɔ na. Nɛ fin, ka mɛ ade foy hazu mi na, mi ka dung nê wan-zɔbhɔ hazu wen pɛa. Ma, nɛ ngatɛ pɛ Sɔ, mɛ ayɔng yini hinɛ mi ha zang yeksamɔ ka kpa ɔ hazu *Dede Wen.

2 Timothée 2:9

Mi ha kpaa yeksamɔ, nɛ mi nɛ gbazɔbhɔ tuka gdanga wi, hazu mi ha bulo Dede Wen ɛngɛ. Ma, ɛ lɛm hɛl wen pɛ Sɔ na.

Philémon 1:13

Sising mi dung ha twa zɔbhɔ, hazu mi bulo *Dede Wen. Yo nê ɛngi, ka mi ngoya nde, wɛnɛ abhɔn hapɛtɛ mi mɛ de tom ha mi, hazu mɛ nɛ pɛ mɛ tɛ lɛm gbakiri mi hakɛ na.

Hebro 3:1

Hio ya mi, Sɔ saa ɛnɛ mɛ dung nê hio nzɔy wi pɛa. Hazu ɛngi, ɛnɛ azɔk Jésus ka Sɔ tomsa ha ɔ hazu dung nê gasa wan-hasadaka mɔ mɛkaramɔ ka ɔ kɛ wena.

1 Pierre 4:13

Ma, ɛnɛ ade totɛ, hazu ɛnɛ kpa sɔna nɛ ndangtɛ yeksamɔ ka Christ bakpa. Mɛgi, ɛnɛ bede fin totɛ pen mɔ sɔngsi ha yala ka Christ begbasi tɛ wa nɛ *lɛkɛ-lɛkɛmɔ pɛa.

1 Pierre 5:1

Sising, mi wolmɔ ha ɛnɛ, hio kotowi mɔ eglize. Mi fin, mi nê kotowi. Mi zɔka ngimɔ ka Christ kpaa nɛ yeksamɔ, nɛ mi bekpa fin *lɛkɛ-lɛkɛmɔ pɛa ha ngimɔ ka wɛnɛ begbasi tɛ wa. Mɛgi, mi mbo ɛnɛ nde,

2 Pierre 1:13

Ma, mi zɔka nde, ha ngimɔ ka mi bhɔna nɛ zutunɔ, yo lɛma nde, mi agba tazu ɛnɛ nɛ hio mɔ ndɔng hazu tunsi ɛnɛ.

1 Jean 3:14

Pɛ ɔ, ɔ ngoya hio ya ɔ. Yo nê ɛngi ka ɔ ingɔ nde, ɔ laka fio gde kari, nɛ ɔ tɛ bo nɛ zutunɔ. Wi ka ngoy hio ya wa na, a bhɔna ha fio.