Filipe 1:15 - Takarata pɛ Sɔ Mbombe Mbon

¹⁵ Kpasawen, hio ma ha soko mbwa ha bulo wen tɛ Christ hazu mbwa ha dea silamɔ nɛ siokafɛ sungiri nɛ mi. Ma, hio ma bul pɛ mbwa nɛ *dede sila.

Filipe 1:15 ပူးပေါင်းရင်းမြစ်များ

Matthieu 23:5

Nɛ mbwa de mɔ fɛt nɛ peali tuka nde, hio wi fɛt azɔk nɛ mbwa. Ha ngimɔ gɔa Sɔ mbwa hɛl bebe gogong, ka ɛ gdea ma ngɛraka wen pɛ Sɔ ha zanga, ha bhaka nɛ ha zuli mbwa, gbesi tuka olo wi fɛt. Ma, gogong pɛ mbwa nɛ gasa pen pɛ hio oloa. Nɛ gbesi, hio ngbunzɛ-ngbunzɛ mɔ nu la pɛ mbwa nɛ bɔyaa pen pɛ hio oloa.

Deamɔ 10:36

Sɔ tomsa *Dede Wen ha hio wi mɔ *Israel nde, ɔ lɛma kpa gaamɔ ha soko ɔ hinɛ wɛnɛ nɛ wal Jésus-Christ, ka dung nê *Kongawan pɛ hio wi fɛt.

Deamɔ 11:20

Ma, hio ma wi pɛ Christ mɛ Shipre nɛ Sirene nɛa fin ha Antioshe. Nɛ mbwa bulo *Dede Wen pɛ *Kongawan Jésus fin ha hio wi, ka bo nê zuife na.

Deamɔ 5:42

Nɛ yala ndang ndang fɛt, ha zang gasa twa Sɔ nɛ ha hio twa nɛnɛ, mbwa bhɔna ha osa nɛ bulo *Dede Wen nde, Jésus nê *Mesi.

Deamɔ 8:35

Mɛgi, Philippe baa wen, nɛ a bulo ha wɛnɛ *Dede Wen hazu Jésus angiri nɛ goto wen ɛngɛ, ka Esaïe bangɛriki.

Deamɔ 8:5

Philippe nɛa ha gasa le mɔ kandɔnu Samari, nɛ wɛnɛ bulo Dede Wen haki nde, *Mesi hɔa kari.

Deamɔ 9:20

Nɛhasa wɛnɛ angara bulo wen ha hio *twa gɔ Sɔ nde, Jésus nê *Bewei pɛ Sɔ.

Rome 2:8

Ma, ka bo nê pɛ wi ndɔng ka zɔk sɔna nɛ tɛ mbwa, ka kafi tɛwen, nɛ ka nak pata gdangamɔ, Sɔ bede ngambi sungiri nɛ mbwa, nɛ a bendulsi mbwa.

1 Korente 1:23

Ma, pɛ ɔ, ɔ bul nɛ wen tɛ Christ ka fea ha getakate. Wen ɛngɛ dung tuka mɔ kɔ nanga ha li hio zuife, nɛ yo dung fin tuka wen bili ha li hio olo kandɔ.

1 Korente 13:3

Ka mi kapini hio mɔ pɔm fɛt ha hio fabha wi, ka mi ha tɛ mi hazu kpa fio ha we, ma, ka mi ngoy hio wi na, mɔ ndɔng fɛt lɛm gbakiri mi ndang na.

2 Korente 1:19

Mi, Silas nɛ Timothée, ɔ bulo wen hazu Jésus-Christ, *Bewei pɛ Sɔ, ha soko ɛnɛ. Nɛ wɛnɛ tɛ hɔ hazu tɔ «ey» nɛ «way» na. Ma, wen pɛa ka nê «ey» sɔna.

2 Korente 11:13

Kpal hio wi ndɔng nê hio gdanga wan-nɛtom. Mbwa nê hio yambalazu wan-tom, ka osili wi nde, mbwa nê hio wan-nɛtom pɛ Christ.

2 Korente 12:20

Mi yu nde, ha ngimɔ ka mi behɔ ha pɛ ɛnɛ, mi betɛ kpa nde, deamɔ pɛ ɛnɛ bo tuka mi ngoya na, nɛ ɛnɛ betɛ kpa nde, deamɔ pɔm bo tuka ɛnɛ ngoya na. Mi yu nde, mi betɛ kpa ɛnɛ mana ha mɔya, mana ha dea silamɔ, mana ha dea ngambi, mana ha dea kpakpay, mana ha fɛngsa may, mana ha tɔa gdanga lingtɛ may, mana ha suotɛ, mana ha dea woto-wotomɔ.

2 Korente 4:5

Ey, ɔ bul wen tɛ ɔ ndang na, ma, ɔ bul wen tɛ Jésus-Christ, ka dung nê *Kongawan. Pɛ ɔ, ɔ nê hio wan-tom pɛ ɛnɛ hazu Jésus.

Galasi 2:4

Ma, hio ma ya ha Christ, ka dung nê wan-dambari, lea ha soko ɔ nɛ wuso. Ka mbwa zɔka nde, Jésus-Christ gbosasa ɔ ha si *mbonga pɛ Moïse gde sɛɛ, mbwa ngoya mɛ gde ɔ ha si mbonga fin nɛ mbinga tuka hio bala.

Filipe 2:3

Ka ɛnɛ ade mɔ nɛ wal ngɔrɔ mana suotɛ nɛ peali na. Ma, ɛnɛ hil nɛ mɛndi, nɛ ɛnɛ zɔk hio oloa ha soko ɛnɛ tuka wi ka dung nɛ gasaa pen ɛnɛ.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.