Efeze 6:10 - Takarata pɛ Sɔ Mbombe Mbon

¹⁰ Kpogio wen pɔm nê ɛngɛ: Ɛnɛ ngasisi tɛ ɛnɛ ha zang dea sɔy hinɛ *Kongawan, ka ɛnɛ akpa ngatɛ ha zang gasa ziomɔ pɛa.

Efeze 6:10 ပူးပေါင်းရင်းမြစ်များ

1 Korente 16:13

Ɛnɛ ayang la, nɛ dung nɛ nɔa nging ha mɛkara Christ. Ɛnɛ de mɔ fɛt tuka hio kpasa wei, nɛ ɛnɛ adung nɛ ngatɛ.

2 Korente 13:11

Hazu karsi nɛ wen pɔm, hio ya mi, ɛnɛ adung nɛ totɛ! Ɛnɛ akpɔtɛ ha wal mɔ Sɔ, ɛnɛ ambo may, ɛnɛ adung nɛ ndanga takaramɔ ha soko may, nɛ ɛnɛ adung nɛ gaamɔ. Mɛgi, Sɔ ka gde ngoy nɛ gaamɔ ha sila ɔ, bedung hinɛ ɛnɛ.

Efeze 1:19

Mi gɔ Sɔ fin nde, ɛnɛ aing heang ziomɔ pɛa ka wɛnɛ gbakiri nɛ ɔ, ka mɛkara wɛnɛ. Ziomɔ ɛngɛ, yo nê ndangtɛ ziomɔ,

Efeze 3:16

Mi gɔ wɛnɛ mɛ ku lɛkɛ-lɛkɛ kpaamɔ pɛa hazu ha nɛ ngatɛ ha sila ɛnɛ nɛ wal *Nzɔy-Sɔtɛ pɛa.

Filipe 3:1

Olo wen pɔm, hio ya mi, yo nde, ɛnɛ ade totɛ hazu ɛnɛ ha dea sɔy hinɛ *Kongawan. Mi putiri ndangtɛ wen ka mi ngɛraka ha ɛnɛ sɔngsi. Ɛngɛ bo nê yeksamɔ hazu mi na, hazu yo bengasisi ɛnɛ.

Filipe 4:13

Mi gan zu mɔ fɛt nɛ wal Christ ka ngasisi mi.

Filipe 4:8

Olo wen pɔm fin, hio ya mi, ɛnɛ gde sila ɛnɛ ha mɔ ndɔng fɛt ka dung nɛ kpasa, ka dung nɛ zioa ha li wi fɛt, ka dung nzeng, ka dung nɛ saa, ka ha totɛ, ka dung nɛ dede ling, ka dung nê dede deamɔ, nɛ ka lɛm nɛ lukosomɔ.

Kolose 1:11

Sɔ beha ɛnɛ ngatɛ pentɛ nɛ wal lɛkɛ-lɛkɛ ziomɔ pɛa tuka nde, ɛnɛ ayɔng yini nɛ yikosila ha zang mɔ fɛt.

2 Timothée 2:1

Mɛ ka dung tuka bem pɔm, mɛ gde Jésus-Christ aha mɛ ngatɛ nɛ wal *dede sila pɛa.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

1 Pierre 3:8

Nɛ kpogioa, mi tɔ wen ha ɛnɛ fɛt nde, ɛnɛ adung nɛ ndangtɛ takaramɔ gbesi. Ɛnɛ ade kobhe tɛ may, nɛ ɛnɛ angoy may nɛ sila ndang hazu ɛnɛ nê hio gdiya ha wal mɔ Sɔ. Ɛnɛ ade ngay ha tɛ may, nɛ ɛnɛ ahil nɛ mɛndi ha si may.

1 Pierre 4:11

Wi ka kpaa ngatɛ mɛ de nɛ tom bulo wen, dea nde, wɛnɛ abul nɛ wen ka tɛ nɛ wal pɛ Sɔ. Nɛ wi ka kpaa ngatɛ mɛ gbakiri nɛ hio wi, dea nde, wɛnɛ agbakiri mbwa nɛ wal ngatɛ pɛ Sɔ. Mɛgi ɛnɛ de mɔ ndɔng fɛt tuka nde, hio wi alukisi Sɔ nɛ wal Jésus-Christ, ka dung nɛ *lɛkɛ-lɛkɛmɔ, nɛ ziomɔ kpoo nɛ kpoo. Amen.

1 Pierre 5:10

Nɛ wal dede sila pɛa, Sɔ saa ɛnɛ mɛ dung ha zang lɛkɛ-lɛkɛmɔ hinɛ Christ kpoo nɛ kpoo. Ɛnɛ ha kpaa yeksamɔ ha ma bebe ngimɔ sising. Ma, hapata Sɔ nɛ pɛa tɛ belɛmsiri ɛnɛ wɛɛ, nɛ a bengasisi ɛnɛ nɛ ngatɛ mɛ zati.

1 Jean 2:14

Hio bem pɔm, mi ngɛraka ha ɛnɛ hazu ɛnɛ ingɔ Sɔ, Bafa. Hio bafa mi, mi ngɛraka ha ɛnɛ hazu ɛnɛ ingɔ wi ka dung ang nisi ha ngimɔ ka Sɔ dea nzan. Hio pɔlɔmbɔ wi, mi ngɛraka ha ɛnɛ hazu ɛnɛ nê hio ngawi, ɛnɛ ha pama wen pɛ Sɔ ha sila ɛnɛ, nɛ ɛnɛ gana zu gdanga sɔ kari.