Efeze 5:3 - Takarata pɛ Sɔ Mbombe Mbon

³ Ɛnɛ tɛ bo nê hio wi pɛ Sɔ. Mɛgi, dea nde, ɛ aze ha soko ɛnɛ wen dea tili wanza, mana dea mɔ foy nɛtɛ-nɛtɛ, mana dea wɔ kpaamɔ fin na.

Efeze 5:3 ပူးပေါင်းရင်းမြစ်များ

Matthieu 15:19

Hazu hio gdanga takaramɔ gutɛ ha sila. Mɛgi hio wi gbɛa may, dea wanza, dea li bhoko, zuo mɔ, gɔna yɛlɛ ha tɛ may, nɛ fɛngsa may.

Dede Wen hazu Jésus-Christ ka Luc ngɛraka 12:15

Nɛ Jésus tɔa ha hio wi fɛt: «Ɛnɛ pangay nɛ dea hɛl dɔka kpaamɔ, hazu goto tunɔ pɛ wi bo nɛ kpaamɔ na, ngase ka kpaamɔ pɛa yɛbha.»

Dede Wen hazu Jésus-Christ ka Luc ngɛraka 16:14

Hio *Farizien zea wen ndɔng fɛt, nɛ mbwa mama Jésus hazu mbwa ngoya mbɔli gdang.

Deamɔ 15:20

Ma, ɔ ngɛriki sɔna ha mbwa nde, mbwa azim sari, ka ɛ haa nɛ sadaka ha hio gbele sɔ. Nde, ka mbwa ade wanza na. Nde, mbwa azim sari ka tɔktɛ wa tɛ sɛ fɛt na. Nɛ nde, ka mbwa ayɔng tɔk sari na.

Deamɔ 20:33

Mi tɛ de wɔ ngase mbɔli, ngase gbɛbolo, ngase latɛ pɛ ma wi na.

Rome 1:29

Sila mbwa dona nɛ tili kalbho-kalbho mɔ nɛ gdangamɔ fɛt. Mbwa ha gola mɔ, ha dea gdangamɔ, nɛ ha dea gasa sila. Mbwa ha gbɛa wi, ha kio wen, nɛ ha osala wi. Mbwa ha dea gdanga sila, nɛ ha tɔa lingtɛ wi.

Rome 16:2

Ɛnɛ ba wɛnɛ nɛ dede kɔ nɛ ling *Kongawan gbesi tuka hio wi pɛ Sɔ lɛma mɛ de ha soko may. Nɛ ɛnɛ gbakiri wɛnɛ nɛ hio mɔ ka kɔpi wɛnɛ, hazu wɛnɛ nɛ pɛa tɛ gbakara hio wi nɛdɔka nɛ mi fin.

Rome 6:13

Ka ɛnɛ agde hio gbakɔtɛ ɛnɛ ha gdangamɔ tuka mɔ-de kpandele na. Ma, ɛnɛ aha tɛ ɛnɛ ha Sɔ tuka tunɔ wi ka guotɛ ha soko hio fiowi kari. Ɛnɛ agde hio gbakɔtɛ ɛnɛ ha Sɔ tuka mɔ-de nzengmɔ.

1 Korente 10:8

Hio ma ha soko mbwa bade hio mɔ nyɛl, ka ɔ ade mɛgi na. Hazu, hio wi tomay bhuze bwa gbala tar fea fɛt swe ndang.

1 Korente 5:1

Hio wi ha tɔa nde, wanza ang ha soko ɛnɛ. Pen fɛt, tili wanza ka dung ang, ngase hio *bhilo lɛm de yo na. Yo nde, ma wei ha soko ɛnɛ ha ɔanu hinɛ ko pɛ bafa wa.

1 Korente 6:13

Nɛ hio ma wi ha tɔa fin: «Yɔngamɔ hazu zang, nɛ zang hazu yɔngamɔ.» Kpasawen, ma, Sɔ beyangili bin zang hinɛ yɔngamɔ fɛt. Nɛ tɛ wi, yo bo hazu de nɛ mɔ nyɛl na. Ma, tɛ wi nê pɛ *Kongawan, ka dung fin nê wan hazu tɛ wi.

1 Korente 6:18

Mɛgi, ɛnɛ ayu dea wanza. Hio mbing gdangamɔ fɛt ka wi de, yo gdangsi tɛ mbwa na. Ma, wi ka de wanza, a gdangsi nɛ tɛ wa nɛ pɛa tɛ.

2 Korente 12:21

Mi yu fin nde, ha ngimɔ ka mi behɔ ha pɛ ɛnɛ, Sɔ pɔm betɛ pi foy ha li mi hazu ɛnɛ. Yo nde, mi yu mɛ kpa ngɔtɛ hazu hio dɔka wi ka bade gdangamɔ sɔngsi, nɛ ka tɛ kifiri sila mbwa lak dea mɔ nzing, dea wanza, nɛ dea mɔ tum gde na.

Efeze 5:12

Wen mɔ ka hio wi ndɔng de nɛ wuso, ɛ lɛm gba gotoa na, hazu yo nê mɔ foy.

Efeze 5:5

Ɛnɛ ing nɛdedea nde, hio wan-de wanza, hio wan-de mɔ nyɛl, hio wan-de wɔ kpaamɔ, mbwa fɛt lɛm kpa bhandi ha Kongakandɔ pɛ Christ nɛ pɛ Sɔ ndang na. Hazu dea wɔ kpaamɔ, yo nê ndangtɛ mɔ tuka dea tom hio gbele sɔ.

Filipe 1:27

Pen fɛt, ɛnɛ ade mɔ lɛm nɛ Dede Wen pɛ Christ, mana mi benɛ ha zɔka ɛnɛ, mana mi bhɔna nɛ yɛa. Lɛma nde, mi aze nde, ɛnɛ ha dea tom nɛ kɔ may nɛ ndangtɛ takaramɔ, nɛ nde, ɛnɛ ha bio bulo nɛ sila ndang tuka nde, mɛkaramɔ nɛ Dede Wen ayɛbhi.

Kolose 3:5

Hazu ɛngi, ɛnɛ aku mɔ nzan fɛt ka dung ha sila ɛnɛ gde ha fio. Mɔ nzan ndɔng nde: Dea wanza, dea mɔ nyɛl, golamɔ multɛ, dea wɔ gdangamɔ, nɛ dea hɛl kpaamɔ. Kpasawen, hɛl kpaamɔ, yo gbesi tuka dea tom gbele sɔ.

1 Tesalonike 4:3

Mɔ ka sila Sɔ ngoya, yo nde, ɛnɛ adung nê nzɔy wi, nɛ ka ɛnɛ ade wanza na.

1 Tesalonike 4:7

Hazu Sɔ tɛ sa ɔ nde, ka ɔ ade hio mɔ nzing na. Ma, a saa ɔ nde, ka ɔ ade mɔ nɛ nzɔya.

1 Timothée 2:10

Ma, mbwa ade hio dede tom, ka lɛma nɛ hio bhoko ka tɔ nde, mbwa ha yuo ke Sɔ.

1 Timothée 3:3

Ka wɛnɛ adung nê wan-fe dɔkɔ mana wan-bi tumbɔ na. Ma, wɛnɛ adung nɛ gaa nɛ mɛndi, nɛ ka wɛnɛ agde sila wa ha tɛ mbɔli na.

1 Timothée 6:10

Yo nê hɛl mbɔli ha bhɛ tili gdangamɔ fɛt. Hio ma wi yɔsasa wal pɛ Sɔ hazu mbwa ngoya mbɔli nɛdɔka, nɛ mɛgi, mbwa pio tɛ mbwa ha zang dɔka ngɔtɛ.

2 Timothée 3:2

Hio wi bedung nê wan-kul, wan-ngoy mbɔli, wan-lukisi tɛ, wan-sutɛ, wan-fɛngsi Sɔ, wan-de kpandele sungiri nɛ gdibafa nɛ gdinana, wan-ing tɔa oeba na, wan-bhɛsiri nzɔy mɔ,

Tite 1:11

Lɛma nde, ɛ agdɔki nu mbwa, hazu mbwa ha dea nde, hio ma nam zɛm agde gdong ha dede osamɔ. Mbwa ha osa mɔ ka lɛm na, hazu kpa nɛ mbɔli nɛ gdanga wal.

Tite 1:7

Lɛma nde, wan-pam *giliwi mɔ eglize adung nɛ ma wen ndang ha zu wa na, hazu wɛnɛ nê wan-pam mɔ pɛ Sɔ. Ka wɛnɛ adung nê wan-sutɛ na, wan-de ngambi na, wan-nguru dɔkɔ na, wan-bi tumbɔ na, nɛ fin, ka wɛnɛ aki mbɔli nɛ gdanga wal na.

Tite 2:3

Gbesi tuka ɛngi, mɛ tɔ ha hio koto bhoko nde, mbwa ade mɔ tuka nzɔy wi ha li Sɔ. Ka mbwa atɔ gdanga lingtɛ dan mbwa na. Ka mbwa adung bala ha si dɔkɔ na. Ma, mbwa adung hio wan-osi dede deamɔ.

Hebro 12:16

Ɛnɛ pangay yu nde, ma wi ha soko ɛnɛ betɛ tɛ wan-de wanza mana wan-bhɛsiri mɔ Sɔ tuka Ezau. A bagdongi bhandi kay wi pɛa ha bebe ya wa hazu tasi yɔngamɔ ndang.

1 Pierre 5:2

ɛnɛ apam hio giliwi mɔ eglize nɛdedea gbesi tuka ka zaoro sami day nɛ hio sami. Ɛnɛ pam mbwa nɛ totɛ tuka Sɔ ngoya. Ka ɛnɛ ade tom ɛngɛ tuka wi ka ɛ nɔsisi, na. Ɛnɛ de yo bo hazu kang mbɔli na, ma, ɛnɛ gde sila ɛnɛ fɛt ha toma.

2 Pierre 2:10

Hio wi ka Sɔ bendulsi mbwa pen mbinga fɛt, yo nê ɛ ndɔng, ka gde tɛ mbwa ha gdanga hɛl deamɔ tum, nɛ ka bhɛsiri ziomɔ pɛ Sɔ. Hio wan-osimɔ dalo ndɔng ka mi tɔa wen pɛ mbwa ha ɛnɛ, mbwa nê wan-sutɛ nɛ wan-ngazu. Mbwa yu ke fɛngsa hio lɛkɛ-lɛkɛ zio sɔtɛ ngɔn na.

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

2 Pierre 2:3

Hio wan-osimɔ dalo ndɔng ha dea hɛl mbɔli pentɛ. Mɛgi, mbwa bendɔmbili ɛnɛ nɛ dede gɛl hazu yɔng ɛnɛ. Ma, Sɔ gɔna kita ba nɛ mbwa bhee, nɛ ngimɔ ka wɛnɛ bebhondisi nɛ mbwa koka kari.

Gbasamɔ 2:14

Ma, mi nɛ bebe mɔ sungiri ɛnɛ nde, hio ma wi ha soko ɛnɛ ndara osamɔ pɛ Balaam. Wɛnɛ mboa Balak mɛ osili hio wi mɔ *Israel nde, mbwa ayɔng sari sadaka pɛ hio gbele sɔ, nɛ mbwa ade wanza.

Gbasamɔ 2:21

Mi gdea ngimɔ ha wɛnɛ tuka nde, wɛnɛ akifiri sila wa. Ma, a tɛ ngoy kiforo sila nɛ laka dea wanza pɛa gde na.

Gbasamɔ 21:8

Ma, ka bo nê pɛ hio wan-ke, hio wan-yambala zu, hio wan-nyalɔ, hio nagbɛwi, hio wan-de wanza, hio wan-nganga, hio wan-lukisi gbele sɔ, nɛ hio wan-tɔ dalo fɛt, mbwa bekpa bhandi ha tɔ we ka ba we nɛ piti. Tɔ we ɛngɛ, yo nê zebwa fio.»

Gbasamɔ 22:15

Ma, hio wan-nyalɔ, hio wan-nganga, hio wan-de wanza, hio nagbɛwi, hio wan-lukisi gbele sɔ, nɛ hio wi ka ngoy tɔa dalo nɛ ka de mɔ lɛm nɛ yo, bhandi pɛ mbwa fɛt ha gdong kin lea.

Gbasamɔ 9:21

Mbwa bhɔna ka fin ha gbɛa wi, ha dea tom dua, ha dea wanza, nɛ ha zuo mɔ. Mbwa tɛ to gdong ha deamɔ ndɔng na.