Efeze 5:21 - Takarata pɛ Sɔ Mbombe Mbon

²¹ Hazu ɛnɛ ha yuo ke Christ, dea nde, ɛnɛ ahil nɛ mɛndi ha si may.

Efeze 5:21 ပူးပေါင်းရင်းမြစ်များ

1 Korente 16:16

ɛnɛ aze nu hio wi tuka mbwa, nɛ nu wi fɛt ka gbɛngsi tɛ ha dea tom hinɛ mbwa.

2 Korente 5:11

Ɔ ingɔ wal mɛ yu ke *Kongawan. Yo nê ɛngi ka ɔ ki wal mɛ de mɔ fɛt tuka nde, hio wi amɛkiri wɛnɛ. Sɔ ingɔ ɔ nɛdedea, nɛ ɔ gdea tazu ɔ ha tɛ ɛnɛ nde, ha zang sila ɛnɛ, ɛnɛ ingɔ ɔ nɛdedea fin.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 5:13

Ka bo nê pɛ ɛnɛ, hio ya mi, Sɔ saa ɛnɛ mɛ dung nê bele. Mɔ ndang sɔna, ɛnɛ ka dung nê bele sising, ka ɛnɛ atakiri nde, ɛnɛ lɛma de mɔ fɛt tuka sila ɛnɛ ngoya na. Ma, lɛma nde, ɛnɛ angoy may, nɛ ɛnɛ agbakiri may.

Efeze 5:22

Ka bo nê pɛ ɛnɛ hio bhoko, dea nde, ɛnɛ ahil nɛ mɛndi ha si hio wei pɛ ɛnɛ gbesi tuka ka ɛnɛ hil nɛ mɛndi ha si *Kongawan.

Efeze 5:24

Mɛgi, dea nde, hio bhoko ahil nɛ mɛndi ha mɔ fɛt ha si hio wei pɛ mbwa gbesi tuka ɛngɛ ka giliwi mɔ eglize hil nɛ ha si Christ.

Filipe 2:3

Ka ɛnɛ ade mɔ nɛ wal ngɔrɔ mana suotɛ nɛ peali na. Ma, ɛnɛ hil nɛ mɛndi, nɛ ɛnɛ zɔk hio oloa ha soko ɛnɛ tuka wi ka dung nɛ gasaa pen ɛnɛ.

1 Timothée 2:11

Ha ngimɔ yambamɔ Sɔ, lɛma nde, hio bhoko akari sɛm nɛ mbwa ahil nɛ mɛndi fɛt.

1 Timothée 3:4

Wɛnɛ adung nê wan-zu nam pɛa nɛ wala, wɛnɛ adung nê wi ka hio bem pɛa hil nɛ mɛndi ha si wa nɛ ke fɛt.

Hebro 13:17

Ɛnɛ aze nu hio wi mɔ zu ɛnɛ, nɛ ɛnɛ ahil nɛ mɛndi ha si mbwa. Hazu mbwa ha pama tunɔ pɛ ɛnɛ, nɛ mbwa betɔ bin pata tom pɛ mbwa ha Sɔ. Ka ɛnɛ ze nu mbwa, mbwa bede tom pɛ mbwa nɛ totɛ. Hazu, ka mbwa de tom pɛ mbwa nɛ tɔatɛ, ki yo lɛm mɛ gbakiri ɛnɛ ndang na.

1 Pierre 2:13

Hazu osi nde, ɛnɛ ha zea nu *Kongawan pɛ ɔ, dea nde, ɛnɛ aze nu hio wi ndɔng ka dung ha zu ɛnɛ. Yo tɔ nde, ɛnɛ aze nu *kongapora Sezar ka dung ha zu hio wi fɛt.

1 Pierre 2:17

Ɛnɛ aba hio wi fɛt nɛ zioa, nɛ ɛnɛ angoy hio ya ɛnɛ ha Christ. Ɛnɛ ayu ke Sɔ, nɛ ɛnɛ aze nu kongapora Sezar.

1 Pierre 5:5

Gbesi tuka ɛngi, hio pɔlɔmbɔ wi, lɛma nde, ɛnɛ aze nu hio gasa wi pɛ ɛnɛ. Nɛ mi tɔ ha ɛnɛ fɛt mburr nde, dea nde, ɛnɛ ahil nɛ mɛndi hazu de tom ha may. Hazu ɛ ngɛraka ha zang takarata pɛ Sɔ: «Sɔ sungiri hio wan-sutɛ, ma, a de *dede sila ha tɛ wi ka hil nɛ mɛndi.»