Efeze 5:14 - Takarata pɛ Sɔ Mbombe Mbon

¹⁴ Hazu, mɔ fɛt ka ɛ gbasi long, yo tɛ bo nê saamɔ. Yo nê hazu ɛngi ka ɛ tɔa: «Mɛ ka dung ha ɔala, mɛ tun. Mɛ gutɛ ha soko hio fiowi, nɛ Christ beba tuka saamɔ ha zu mɛ.»

Efeze 5:14 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 1:78

Kpasawen sila Sɔ pɛ ɔ de kobhe tɛ ɔ nɛdɔka. Gasa Sɔ betomsi ha ɔ dede wan-kpasisi, ka dung tuka gasa saamɔ, ka guotɛ ha ngɔn.

Dede Wen hazu Jésus-Christ ka Luc ngɛraka 15:24

Hazu bem pɔm ka bafe, tunɔ sising. A bayɔmɔ, ma, mi kpaa wɛnɛ sising.› Nɛ mbwa angara dea totɛ.

Jean 8:12

Hapata, Jésus osamɔ ha hio giliwi nɛ mbinga. A tɔa: «Mi nê saamɔ ka ba ha nzan. Wi ka ndari mi, a lɛm nɛ nɔ ha zang tutum fin na, hazu wɛnɛ kpaa saamɔ ka ha tunɔ.»

Jean 9:5

Ha ngimɔ ka mi ang ha nzan, mi nê saamɔ ka ba ha nzan.»

Deamɔ 13:47

Hazu Kongawan baha nu ha ɔ mɛgɛ: ‹Mi gdea mɛ tuka saamɔ hazu wi ndɔng, ka bo nê zuife na. Mɛ benɛ nɛ tɔ wen mɔ ka bekpasisi hio wi hɔ ha kpogio nzan fɛt.›»

Rome 6:13

Ka ɛnɛ agde hio gbakɔtɛ ɛnɛ ha gdangamɔ tuka mɔ-de kpandele na. Ma, ɛnɛ aha tɛ ɛnɛ ha Sɔ tuka tunɔ wi ka guotɛ ha soko hio fiowi kari. Ɛnɛ agde hio gbakɔtɛ ɛnɛ ha Sɔ tuka mɔ-de nzengmɔ.

1 Korente 15:34

Ɛnɛ ba zu ɛnɛ nɛkpasa, nɛ de fin gdangamɔ na. Hio ma ha soko ɛnɛ tɛ ing ka Sɔ nɛkpasa na, mi tɔ yo hazu pi nɛ foy ha li ɛnɛ.

2 Korente 4:6

Sɔ batɔ se: «Saamɔ aba ha zang tutum.» Nɛ yo nê wɛnɛ fin, ka dea nde, saamɔ aba ha zang sila ɔ. Mɛgi, a gbosasa li ɔ tuka nde, ɔ aing lɛkɛ-lɛkɛmɔ pɛa, ka ba ha zang li Christ.

Efeze 2:1

Sɔngsi, ɛnɛ badung tuka hio fiowi ha li Sɔ, hazu ɛnɛ dungɔ ha dea kpandele nɛ gdangamɔ.

Efeze 2:5

Yo nê ɛngi, ka wɛnɛ tunso ɔ nɛ mbinga hinɛ Christ gbesi, ɔ ka badung tuka hio fiowi hazu gdangamɔ ka ɔ dea. Sɔ kpasasa ɛnɛ nɛ gangtɛ nɛ wal *dede sila pɛa.

Kolose 3:1

Sɔ guo ɛnɛ hinɛ Christ gbesi ha soko hio fiowi. Mɛgi, ɛnɛ ki wal mɛ kpa hio mɔ ka dung ha ngɔn, ha bhandi ka Christ dungnu ang ha wekɔ Sɔ.

1 Tesalonike 5:6

Mɛgi, ka ɔ aɔla tuka hio mbing wi na. Ma, ɔ adung nɛ zɔma ngɛlɛlɛ.

2 Timothée 1:10

Sising, Sɔ osa dede sila pɛa nɛ wal tɛa pɛ Jésus-Christ, *wan-kpasisi ɔ. Wɛnɛ yangala ziomɔ pɛ fio yunɛ, nɛ a bulo Dede Wen hazu gbasi tunɔ ka bebhɔn kpoo.

2 Timothée 2:26

Mɛgi, li mbwa bebha fin nɛ mbinga ngɛlɛlɛ, nɛ mbwa bekpɔy ha pɔndɔ pɛ *Satan, ka baa mbwa hazu nde, mbwa ade mɔ ka sila wa ngoya.