Efeze 5:11 - Takarata pɛ Sɔ Mbombe Mbon

¹¹ Ka ɛnɛ ade pɛ ɛnɛ hio tum mɔ pɛ hio wi ka dung ha zang tutum, na. Ma, ɛnɛ agbasi long nde, mɔ ndɔng nê gdanga deamɔ.

Efeze 5:11 ပူးပေါင်းရင်းမြစ်များ

Matthieu 18:15

«Ka ya mɛ dea gdangamɔ sungiri nɛ mɛ, mɛ nɛ, nɛ kpa wɛnɛ nɛ wuso, mɛ gbatɛ hinɛ wɛnɛ. Mɛ gbasi gdangamɔ pɛa ha wɛnɛ. Ka wɛnɛ zea mɛ, wɛnɛ tɛa fin ya mɛ nɛ mbinga.

Dede Wen hazu Jésus-Christ ka Luc ngɛraka 3:19

Nɛ Jean sɛna wen ha Herode, kongapora mɔ kandɔnu Galile, hazu wɛnɛ dea wanza nɛ wal sio Herodiade, ko pɛ ya wa. Nɛ wɛnɛ sɛna wen fin hazu hio mbinga gdangamɔ pɛ Herode fɛt.

Deamɔ 26:18

Mi betomsi mɛ hazu gbosisi gbali mbwa nde, mbwa agbo ha tutum tɛ ha saamɔ, gbo ha si ziomɔ pɛ *Satan tɛ ha pɛ Sɔ. Ka mbwa mɛkara mi, mi bebisi *sɛmbɔ pɛ mbwa, nɛ mi begde mbwa ha soko hio nzɔy wi pɛ Sɔ.›»

Rome 13:12

Tutum pena kari, nɛ mɔ betɛ sa sising. Ka ɔ ade fin mɔ ka lɛm nɛ tutum na. Dea nde, ɔ akay hio mɔ-bibulo ka lɛma nɛ saamɔ.

Rome 16:17

Hio ya mi, mi mbo ɛnɛ nde, ɛnɛ pangay nɛ hio wi ndɔng ka tɛ nɛ wen kɛtana soko, nɛ ka sungiri hio osamɔ ka ɛnɛ yamba. Mbwa ngoy yɔsisi wi ha dede wal mɔ Sɔ. Ɛnɛ sɔsi mbwa,

Rome 6:21

Ɛnɛ dungɔ ha dea hio mɔ ka pi foy ha li ɛnɛ sising. Mɛgi, ɛnɛ kpaa nɛ nge tɛ mɔ ha lia ge? Mɔ ndɔng ki dak nɛ fio pi ha zu ɛnɛ.

Galasi 6:8

Wi ka gun ka sɔna nɛ mɔ ka ndɔkitɛ wa ngoya, wɛnɛ bebhi fin waya ka tɛ nɛ ndɔkitɛ wa. Nɛ wayaa yo nê fio. Ma, wi ka gun mɔ ka Nzɔy-Sɔtɛ ngoya, wɛnɛ bebhi fin waya ka tɛ nɛ Nzɔy-Sɔtɛ. Nɛ wayaa yo nê *tunɔ kpoo.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Efeze 5:12

Wen mɔ ka hio wi ndɔng de nɛ wuso, ɛ lɛm gba gotoa na, hazu yo nê mɔ foy.

Efeze 5:7

Mɛgi, ka ɛnɛ ade sɔy hinɛ hio tili wi ndɔng na.

Kolose 1:12

Ɛnɛ aha oeba nɛ totɛ ha Sɔ, Bafa ɔ, ka dea nde, ɛnɛ alɛm kpa mɔ likɔ ka wɛnɛ bhɔngara keri nɛ hio nzɔy wi pɛa ha zang saamɔ.

1 Tesalonike 5:7

Hazu hio wi dung mɛ ɔla nɛ zɛ. Nɛ mbwa dung fin mɛ fe dɔkɔ nɛ zɛ.

2 Tesalonike 3:14

Ka ma wi kafi mɛ ze wen nu ɔ ha zang takarata ɛngɛ, tazu ɛnɛ agba nɛ wɛnɛ, nɛ ɛnɛ ade fin sɔy hinɛ wɛnɛ na. Mɛgi foy bede wɛnɛ.

2 Tesalonike 3:6

Hio ya ɔ, ɔ ha nu ha ɛnɛ nɛ ling *Kongawan pɛ ɔ, Jésus-Christ nde, ɛnɛ adak tɛ ha tɛ hio ya ha Christ ndɔng, ka dung nɛ pɔsaa, nɛ ka pam osamɔ ka mbwa zea ha nu ɔ, na.

1 Timothée 5:20

Mɛ sɛn wen ha hio *wan-de gdangamɔ ha li wi fɛt, tuka nde, ke ade hio mbinga.

1 Timothée 5:22

Ka mɛ agde kɔ ha zu ma wi nɛhasa hazu gde wɛnɛ ha ma tom ha soko giliwi mɔ eglize na. Ka mɛ ade sɔy hinɛ ma wi ha gdangamɔ pɛa na. Mɛ pam tɛ mɛ nɛ saa.

1 Timothée 6:5

ha zanga wen ndɛng-ndɛng hinɛ hio wi ka takiri mɔ nɛ gdanga, nɛ ka ing fin tɛwen na. Mbwa takiri pɛ mbwa nde, dea tom Sɔ, yo nê wal mɛ tɛ wan-kpamɔ.

2 Timothée 3:5

Mbwa beosi tɛ tuka wan-lukisi Sɔ, ma, mbwa bemul pi ngatɛ ka tɛ nɛ wal mɛkara Sɔ. Mɛ ato gdong ha hio tili wi tuka ɛngi.

2 Timothée 4:2

mɛ abul wen pɛ Sɔ, nɛ mɛ abhɔn ha yo nɛ nɔa nging ha dede ngimɔ nɛ ha gdanga ngimɔ fin. Mɛ agbasi ha hio wi gdanga deamɔ pɛ mbwa, mɛ asɛn wen ha mbwa, nɛ mɛ ambo mbwa. Mɛ ade mɛgi nɛ wal osa mɔ Sɔ ha mbwa nɛ yikosila fɛt.

Tite 2:15

Mɛ osi mɔ ndɔng ki ha hio wi, mɛ mbo mbwa, nɛ mɛ gay mbwa nɛ ziomɔ fɛt ka Sɔ haa ha mɛ. Ka ma wi ndang abhɛsiri mɛ na.

Gbasamɔ 18:4

Hapata, mi zea ma gɛl ha ngɔn ka tɔa: «Mɛ, kandɔ pɔm, mɛ gbo ha Babilone pen, yu nde, mɛ betɛ de sɔy hinɛ wɛnɛ ha dea gdangamɔ, nɛ hio kemɔ betɛ mɛl mɛ tuka wɛnɛ.