Efeze 4:24 - Takarata pɛ Sɔ Mbombe Mbon

²⁴ Ɛnɛ ayol mbombe tɛ wi ka Sɔ bhɔngara gde nde, yo aba may nɛ pɛa. Mbombe tɛ wi ɛngɛ de mɔ nzeng, nɛ nzɔya nɛ tɛwen.

Efeze 4:24 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 1:75

Mɛgi ɔ bedung nɛ nzɔya ha li Kongawan Sɔ. Nɛ ɔ bede hio nzeng mɔ, ka wɛnɛ ngoya kpoo nɛ kpoo.

Jean 17:17

Wen pɛ mɛ nê tɛwen. Mɛ gde mbwa atɛ nɛ nzɔya nɛ wal tɛwen.

Rome 12:2

Ka ɛnɛ azɔk nɛ ndɔki deamɔ pɛ wi mɔ nzan hazu de nɛ pɛ ɛnɛ na. Ma, ɛnɛ gde Sɔ aha ɛnɛ mbombe ndɔki takaramɔ hazu kpali ɛnɛ nɛ mbombe wi. Ka ɛnɛ de mɛgi, ɛnɛ being gbaa soko mɔ ka Sɔ ngoy. Wɛnɛ ngoy mɔ ka dung nɛ dedea, ka ha totɛ ha wɛnɛ, nɛ ka lɛm wɛɛ.

Rome 13:12

Tutum pena kari, nɛ mɔ betɛ sa sising. Ka ɔ ade fin mɔ ka lɛm nɛ tutum na. Dea nde, ɔ akay hio mɔ-bibulo ka lɛma nɛ saamɔ.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 6:4

Nɛ wal gdumso ɔ ha li, ɔ tɛ bo nê hio fiowi ka ɛ gunɔ hinɛ Jésus-Christ gbesi. Sɔ, Bafa ɔ, guo wɛnɛ ha soko hio fiowi nɛ wal lɛkɛ-lɛkɛ ziomɔ pɛa tuka nde, ɔ fin, ɔ akpa mbombe tunɔ nɛ ɔ ade mɔ lɛm nɛ yo.

Rome 7:6

Sising, ɔ bo fin nê bala ha si mbonga na, ɔ tɛ bo nê fiowi ha lia. Mbonga bo fin nɛ ziomɔ ha zu ɔ na. Mɛgi, ɔ ha dea tom ha Sɔ nɛ wal mbombe ndɔki deamɔ ka *Nzɔy-Sɔtɛ osi ha ɔ, yo bo fin nɛ wal mɔa ndɔki deamɔ pɛ mbonga pɛ Moïse na.

Rome 8:29

Kpasawen, hio wi ndɔng ka Sɔ baweki sɔngsi bingiri, a babhɔngiri wen ha sila wa nde, mbwa adung gbesi tuka Bewei pɛa. A dea mɛgi nde, Bewei pɛa adung nê kay bem ha soko hio gili ya wa.

1 Korente 15:53

Hazu, dea nde, tɛ ɛngɛ ka befe nɛ yek, akpali ha tɛ ka lɛm fe nɛ yek na.

2 Korente 3:18

Mɛgi, zang li ɔ fɛt tɛ bo nɛ kpɛa, nɛ yolo lɛkɛ-lɛkɛmɔ pɛ Kongawan ha baa ha zanga. Nɛ wal Sɔtɛ pɛa, Kongawan ha kpalsa ɔ tuka nde, ɔ aba tɛ hinɛ wɛnɛ. Nɛ ɔ ha kpaa lɛkɛ-lɛkɛmɔ pɛa nɛnɛ pen mɔ sɔngsi.

2 Korente 4:16

Yo nê ɛngi, ka sila ɔ lɛm kati na. Nɛ ngase ka tɛ ɔ ha yɛmala tikiring-tikiring, tunɔ pɛ ɔ ka dung ha sila ɔ, ha kpaa ngatɛ swe nɛ swe.

2 Korente 5:17

Mɛgi, wi ka de sɔy hinɛ Christ, tɛ bo nê mbombe wi. Mɔa mɔ pena, nɛ mbombe mɔ hɔa kari.

Galasi 3:27

Ɛ gdumso ɛnɛ ha li tuka nde, ɛnɛ ade sɔy hinɛ Christ. Nɛ sising, ɛnɛ tɛ bo ha baa may hinɛ Christ.

Galasi 6:15

Mana ma wi nê wan-gɔn sɔru, mana wɛnɛ nê wan-sɔru, yo de mɔ na. Gasa mɔ sɔna nde, wɛnɛ tɛ bo nê mbombe wi ha li Sɔ.

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

Efeze 2:15

A tukolo hio haanu nɛ hio mbɔla pɛ *mbonga pɛ hio zuife yunɛ. A dea mɛgi hazu wesiri hio zuife nɛ ɛ ndɔng ka bo nê zuife na, gde tuka mbombe wi ndang, ka de sɔy hinɛ wɛnɛ. Nɛ wal dea mɛgi a gdea gaamɔ ha soko mbwa.

Efeze 6:11

Ɛnɛ kay hio mɔ-bibulo ka Sɔ ha ha ɛnɛ, tuka nde, ɛnɛ azati nɛ nɔa nging ha ngimɔ ka Satan besɛbhili ɛnɛ.

Tite 2:14

Jésus-Christ fea gɔn zu ɔ hazu yangi ɔ ha dea tili kpandele fɛt, nɛ hazu sasisi ɔ tuka nde, ɔ adung nê kandɔ pɛa, ka gbɛngsi tɛ swe fɛt ha dea dedemɔ.

Hebro 1:8

Ma, ka bo nê pɛ Bewei pɛa, Sɔ tɔa hazu wa nde: «Ey, Sɔ, solowan pɛ mɛ bhɔna kpoo nɛ kpoo. Mɛ nê nzeng *kongapora ha zu kongakandɔ pɛ mɛ.

Hebro 12:14

Ɛnɛ aki wal mɛ dung nɛ gaa hinɛ hio wi fɛt, nɛ ɛnɛ aki wal mɛ dung nɛ nzɔya ha li Sɔ. Hazu, wi ka de mɛgi na, lɛm zɔk *Kongawan na.

1 Pierre 2:2

Tuka hio nzɔri bem ka dung nɛ wɔ li bele swe fɛt, ɛnɛ adung nɛ wɔ wen pɛ Sɔ. Ɛnɛ ade mɛgi tuka nde, mɛkaramɔ pɛ ɛnɛ akpɔtɛ, nɛ Sɔ akpasisi ɛnɛ.

2 Pierre 1:4

Nɛ wal mɔ ndɔng, Sɔ haa ɔ hio dedemɔ nɛ hio gasa mɔ ka wɛnɛ bagɔn se nua mɛ ha yo ha ɔ. Ka ɛnɛ kpaa mɔ ndɔng, ɛnɛ bedung nɛ ndangtɛ tunɔ ka Sɔ nɛ yo. Ɛnɛ bekpɔy ha mɔ ka behɔ ha hio wi mɔ nzan. Mbwa bebhondi fɛt hazu mbwa nɛ hɛl mɛ de gdangamɔ.