Ɔ ingɔ nde, mɔa wi ka ɔ badung sɔngsi, fea hinɛ Christ gbesi ha getakate. Kilitɛ ɔ ka ngoy de gdangamɔ, bhonda kari, ɔ bo fin nê bala ha si gdangamɔ na.
Mɛgi, mi ha yuo ke nde, hio ma wi betɛ gdangsi takaramɔ pɛ ɛnɛ nde, ka ɛnɛ alak mɛkara Christ nɛ saa sila nɛ mɛndi gde, gbesi tuka ka gɔk osala nɛ Eve nɛ wal likisi pɛa.
Ɛnɛ zea wen deamɔ pɔm ha ngimɔ ka mi bhɔna ka ha dea tom Sɔ nɛ wal ndɔki deamɔ pɛ hio *zuife. Ɛnɛ ingɔ nde, mi dungɔ ha namala hio *giliwi mɔ eglize pɛ Sɔ nɛngaya. Ey, mi dungɔ ha kio wal mɛ bhondisi mbwa.
Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.
Mɛgi, ka gdanga sila, yimsila nɛ ngambi adung ha soko ɛnɛ na. Ka ɛnɛ atubhi da ha soko may mana ya may fin na. Nɛ ɛnɛ alak hio tili gdangamɔ nɛtɛ-nɛtɛ fɛt gde.
Ka bo nê pɛ ɔ, dɔka giliwi ha zikoro ɔ. Yo nê ɛ ndɔng fɛt ka bade mɔ nɛ wal mɛkara Sɔ. Hazu ɛngi, ɔ ail hio zio toy fɛt ka dolsi ɔ ha wal mɔ Sɔ pi ha nu, ɔ alak fin gdangamɔ ka hɛl sila ɔ nɛhasa gde, nɛ ɔ asɔwi nɛ nɔa ha kpakpay ka Sɔ gdea ɔ ang, hɔ ha kpogioa.
Ma, hɔ ha kpogio yala ha soko hio yala ndɔng, ka Sɔ sa nde, swe mɛsɛ, ɛnɛ ambo may swe ndang ndang fɛt yu nde, gdangamɔ betɛ sɛbhili ɛnɛ hazu dung nê hio wan-ngazala.
Sɔngsi, ɛnɛ pensa ngimɔ pɛ ɛnɛ ha dea mɔ gbesi tuka *bhilo. Yo abhɔn nɛ ɛngi. Ɛnɛ dungɔ ha dea wanza, ha dea hɛl mɔ nzan, ha nɔa dɔkɔ nɛ ngurua, ha yɔnga nɛ nɔa mɔ nɛ kang, nɛ ha dea gdanga tom gbele sɔ.
Tuka mbwa dea gdangamɔ, Sɔ bekɛ mbwa nɛ gdangamɔ. Mbwa kpa totɛ ha dea mɔ tum ha gasa swe. Ka mbwa wesiri may hinɛ ɛnɛ hazu yɔng mɔ, ɛngɛ nê gasa mɔ foy nɛ mɔ nyɛl. Mbwa ha osala ɛnɛ, nɛ yo ha dea totɛ ha tɛ mbwa.