Efeze 3:9 - Takarata pɛ Sɔ Mbombe Mbon

⁹ Sɔ ka dea mɔ fɛt, babhɔngiri mɔ ka wɛnɛ bede, sɔngsi bhee gde nɛ wuso. Nɛ wɛnɛ haa mi tom nde, mi agbasi ha wi fɛt wal ka wɛnɛ belɛmsiri yo.

Efeze 3:9 ပူးပေါင်းရင်းမြစ်များ

Matthieu 10:27

Mɔ ka mi tɔ ha ɛnɛ ha zang tutum, ɛnɛ atɔ yo nɛ nga swe. Nɛ mɔ ka ɛnɛ ze nɛ yimɔlɔa, ɛnɛ ahe mbelaa.

Matthieu 13:35

Mɛgi, wen ɛngɛ ka Sɔ batɔ nɛ wal nu *wan-tɔkuliwen lɛmsara tɛ: «Mi bewolmɔ ha mbwa nɛ wal towen. Mi begbasi ha mbwa mɔ ka dungɔ nɛ wuso nisi ha kudom nzan.»

Matthieu 25:34

Nɛ mi, *Kongawan, betɔ ha wi ndɔng ha wekɔ mi: ‹Sɔ, Bafa mi, wola dede wen ha zu ɛnɛ. Mɛgi ɛnɛ tɛ tɛ kpa dede mɔ pɛ *Kongakandɔ pɛ Sɔ, ka wɛnɛ bhɔngara bingiri hazu ɛnɛ ha ngimɔ ka wɛnɛ dea nɛ nzan.

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Dede Wen hazu Jésus-Christ ka Luc ngɛraka 24:47

Angiri ha Jérusalem ɛ betɔ ha hio kandɔ fɛt nde, Mesi lɛmsara mɔ fɛt mɛ kpasisi mbwa. Hazu ɛngi, ka mbwa kiforo sila mbwa, Sɔ bebisi *sɛmbɔ pɛ mbwa.

Jean 10:30

Mi hinɛ Bafa mi, ɔ nê wi ndang sɔna.»

Jean 5:17

Ma, Jésus tɔa ha mbwa: «Bafa mi ha dea tom ngimɔ fɛt. Mɛgi, mi fin, mi ha dea tom.»

Jean 5:19

Jésus tɔa ha hio wan-le *zuife: «Kpasawen, mi tɔ ha ɛnɛ nde, mi, Bewei, lɛm de mɔ ndang nɛ zu mi na. Mi de sɔna nɛ mɔ ka mi zɔka Bafa mi ha dea. Mɔ fɛt ka Bafa mi ha dea, mi ha dea yo gbesi.

Deamɔ 15:18

ka mi bagbasi sɔngsi bhee.›»

Rome 11:25

Hio ya mi, mi ngoya nde, ɛnɛ aing goto wen wuso ɛngɛ ka Sɔ gbasa sising, yu nde ɛnɛ betɛ sutɛ ɛnɛ tuka hio wan-mbarimɔ. Wena nde, sila hio ma bhalkɔ kandɔ *Israel nɛ ngaya, nɛ yo bebhɔn mɛgi hɔ ha ngimɔ ka li hio dɔka wi mɔ hio olo kandɔ ka Sɔ kpasasa dama may.

1 Korente 2:7

Mbaramɔ ɛngɛ ka mi tɔ wena, yo nê mbaramɔ ka tɛ nɛ wal Sɔ, nɛ yo dungɔ sɔngsi nɛ wuso. Sɔ babhɔngiri yo sɔngsi bhee tuka nde, ɔ akpa *lɛkɛ-lɛkɛmɔ nɛ wal yo.

Efeze 1:4

Sɔngsi bhee gde ka Sɔ tɛ de ka nzan na, a weka ɔ nɛ wal ngoy pɛa tuka nde, ɔ adung nê hio wi pɛa nɛ wal dea sɔy hinɛ Christ, nɛ fin nde, ɔ adung nɛ nzɔya nɛ ma wen bo ha zu ɔ ha li wa na.

Efeze 3:2

Ɛnɛ zea kari nde, Sɔ haa mi tom mɛ tɔ ha ɛnɛ wen *dede sila pɛa, ka wɛnɛ de ha tɛ ɛnɛ.

Efeze 6:19

Ɛnɛ gɔ Sɔ hazu mi fin tuka nde, Sɔ aha mi wen ka mi betɔ, nɛ nde, mi abul nɛ da goto Dede Wen, ka badung sɔngsi nɛ wuso ha li hio wi.

Kolose 1:23

Tangere, dea nde, ɛnɛ abhɔn ka ha mɛkara Christ nɛ nɔa ngi-ngi-ngi, nɛ ɛnɛ azati ha gdea tazu ɛnɛ ha *Dede Wen ka ɛnɛ zea yo. Ɛ bulo yo dam nzan fɛt, nɛ mi, Paul, tɛ bo nê wan-tom pɛ Dede Wen ɛngɛ.

Kolose 1:26

Sɔ bawusi wen ɛngɛ ha li hio wi sɔngsi bhee. Ma, sising, a gbasa yo long ha hio wi pɛa.

Kolose 3:3

Hazu ɛnɛ fea kari, nɛ tunɔ pɛ ɛnɛ ha wuso tɛ hinɛ Christ hapɛtɛ Sɔ.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

2 Tesalonike 2:13

Pɛ ɔ, lɛma nde, ɔ aha oeba ha Sɔ swe fɛt hazu ɛnɛ, hio ya ɔ, ka *Kongawan ngoya pentɛ. Hazu, sɔngsi bhee gde ka Sɔ tɛ de ka nzan na, a weka ɛnɛ hazu kpasisi ɛnɛ. A kpasasa ɛnɛ nɛ wal *Nzɔy-Sɔtɛ ka gde ɛnɛ nɛ nzɔya ha li wa, nɛ fin nɛ wal mɛkaramɔ ka ɛnɛ mɛkiri nɛ tɛwen.

1 Timothée 3:16

Wen mɛkaramɔ ka Sɔ gbasa, yo nê gasa mɔ pentɛ, siokafɛ bona. Wen ɛngɛ nde: Christ yola tɛ wi, nɛ *Nzɔy-Sɔtɛ gbasa nde, wɛnɛ nê *nzeng wi. Hio *telenge zɔka wɛnɛ, nɛ ɛ bulo wen tɛ wa ha hio kandɔ. Hio wi mɔ nzan mɛkara wɛnɛ, nɛ Sɔ guo wɛnɛ ha ngɔn gde ha lɛkɛ-lɛkɛ bhandi.

2 Timothée 1:9

Yo nê Sɔ ka kpasasa ɔ, nɛ ka saa ɔ mɛ dung nê kandɔ pɛa. A dea mɛgi, bo hazu dede deamɔ pɛ ɔ na, ma, hazu a bheka yo nɛ *dede sila pɛa. A bheka mɛ de dede sila ha tɛ ɔ nɛ wal Jésus-Christ sɔngsi bhee gde ka wɛnɛ tɛ de ka nzan na.

2 Timothée 4:17

Ma, Kongawan lea gdong mi, nɛ a haa mi ngatɛ. Mɛgi, mi kpaa wal mɛ bul *Dede Wen lɛm fɛt, nɛ hio kandɔ fɛt zea yo. Ey, Kongawan gbosasa mi ha nu gbabio yunɛ.

Tite 1:2

Mɛgi hio wi ndɔng begde tazu mbwa ha tɛ Sɔ nde, a beha mbwa *tunɔ kpoo. Gde ka Sɔ tɛ de ka nzan na, a bagɔn nu mɛ ha ɔ tunɔ kpoo. Nɛ Sɔ bo nê wan-tɔ dalo na.

1 Pierre 1:20

Sɔngsi bhee gde Sɔ tɛ de ka nzan na, a baweki Christ hazu de tom ɛngɛ. Nɛ sising ha kpogio ngimɔ ɛngɛ, Sɔ tomsa wɛnɛ ha nzan hazu kpasisi ɛnɛ.

Gbasamɔ 13:8

Hio wi mɔ zu nu fɛt belukisi wɛnɛ tuka ma sɔ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Takarata ɛngɛ nê pɛ Besami ka ɛ bagbɛ.

Gbasamɔ 14:6

Hapata, mi zɔka ma mbing telenge ha buyoa nɛyɛa ha liswe. A tɛa ha tɔa dede wen ka bebhɔn kpoo, ha hio wi mɔ zu nu fɛt, ha kandɔnu fɛt, ha nugala fɛt, ha nu le fɛt, nɛ ha kandɔ fɛt.

Gbasamɔ 17:8

Ngɔnzu ɛngɛ ka mɛ zɔka, badung se nɛ zutunɔ. Ma, sising, a bo fin nɛ zutunɔ na. A begbo ha fongo hazu nɛ ha bhonda. Hio wi mɔ zu nu beyaksi ha zɔka wɛnɛ, ngbɔl kanɛ hio wi ndɔng ka Sɔ ngɛraka ling mbwa ha Takarata Tunɔ nisi ha dea nzan. Hazu, ngɔnzu ɛngɛ badung se nɛ zutunɔ. Ma, sising, a bo fin nɛ zutunɔ na. Ngase ɛngi, a bekifiri pe.

Gbasamɔ 4:11

«Kongawan, Sɔ pɛ ɔ, mɛ nɛ kongaa hazu kpa lɛkɛ-lɛkɛmɔ, lukosomɔ nɛ ziomɔ. Hazu yo nê mɛ ka dea mɔ fɛt, mɔ ndɔng fɛt ang hazu mɛ ngoya mɛ de yo.»