Efeze 3:8 - Takarata pɛ Sɔ Mbombe Mbon

⁸ Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Efeze 3:8 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 14:22

Hapata ngimɔ tikiring, wan-tom kiforo tɛ tɔ ha wan pɛa: ‹Wan pɔm, mi dea mɔ fɛt tuka mɛ tɔa. Ma, hio ma bhandi ngbɔla nɛgbelea.›

Jean 1:16

Tuka wɛnɛ nɛ dede sila pentɛ, ɔ fɛt kpaa hio dede mɔ ha kɔ wa ngimɔ nɛ ngimɔ.

Deamɔ 5:41

Hio wan-nɛtom pena ha li hio wan-kpo zuwen nɛ totɛ gdang hazu Sɔ zɔka mbwa tuka wi ka dung nɛ zioa mɛ kpa yeksamɔ hazu ling Jésus.

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

Rome 11:33

Woo! Hio dedemɔ ka Sɔ de nɛ gasaa pentɛ. Wɛnɛ nɛ mbaramɔ nɛ ingɔmɔ pen fɛt. Mɔ ka wɛnɛ takiri ha zang sila wa, gotoa pena zu ingɔmɔ pɛ wi. Nɛ ma wi ka being wal deamɔ pɛa ndang bona.

Rome 12:10

Ɛnɛ ngoy may hɛrr tuka hio kpasa gdiya. Dea nde, ɛnɛ adung nɛ sila ɛnɛ fɛt ha tusoso tɛ may.

Rome 2:4

Sɔ nê gasa wan-de dedemɔ, wan-yikosila nɛ wan-ba sila nɛ kɔ. Mana mɛ bhɛsiri wɛnɛ ha wena nde? Wɛnɛ de dedemɔ ha tɛ mɛ tuka nde, mɛ akifiri sila mɛ. Mɛ ingɔ mɛgi, na nde?

1 Korente 1:30

Ma, yo nê Sɔ ha de nde, ɛnɛ ade sɔy hinɛ Jésus-Christ, ka tɛ bo nê mbaramɔ pɛ Sɔ hazu ɔ. Yo nê wɛnɛ ka gdea ɔ nzeng ha li Sɔ, ka gdea ɔ nɛtɛ hazu dung nê nzɔy kandɔ pɛ Sɔ, nɛ ka yanga ɔ ha si gdangamɔ.

1 Korente 15:9

Kpasawen, mi nê bebe wi ha soko hio wan-nɛtom fɛt. Ey, mi lɛm fin nde, ɛ asa mi wan-nɛtom na, hazu mi banamili hio wi mɔ eglize pɛ Sɔ.

1 Korente 2:9

Ma, mɔ hɔa tuka ɛ ngɛraka ha takarata pɛ Sɔ: «Mɔ ka Sɔ bhɔngara keri nɛ wi ndɔng ka ngoy wɛnɛ, gbali wi tɛ zɔk yo na, zala wi tɛ ze yo na, nɛ sila wi tɛ takiri ha yo na.»

Galasi 1:16

A gbasa Bewei pɛa ha mi tuka nde, mi abul Dede Wen tɛ wa ha hio kandɔ ndɔng ka bo nê zuife na. Ha ngimɔ ɛngi, mi tɛ nɛ ha pɛ ma wi nde, wɛnɛ ambo mi na.

Galasi 2:8

Hazu Sɔ ka batomsi Pierre tuka wan-nɛtom ha pɛ kandɔ zuife, a tomsa mi fin gbesi ha pɛ hio olo kandɔ.

Efeze 2:7

Sɔ dea dedemɔ ha tɛ ɔ mɛgi nɛ wal Jésus-Christ hazu osi ha hio wi ha ngimɔ ka betɛ bin nde, wɛnɛ nê gasa wan-de dede sila pentɛ pet.

Efeze 3:1

Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Efeze 3:16

Mi gɔ wɛnɛ mɛ ku lɛkɛ-lɛkɛ kpaamɔ pɛa hazu ha nɛ ngatɛ ha sila ɛnɛ nɛ wal *Nzɔy-Sɔtɛ pɛa.

Efeze 3:19

Ey, ɛnɛ aing ngoy pɛ Christ, ngase ka ma wi ndang lɛm ing yo hɛrr na. Mɛgi, tunɔ pɛ ɛnɛ bedon lɛtɛtɛ nɛ mɔ pɛ Sɔ fɛt mburr.

Efeze 3:2

Ɛnɛ zea kari nde, Sɔ haa mi tom mɛ tɔ ha ɛnɛ wen *dede sila pɛa, ka wɛnɛ de ha tɛ ɛnɛ.

Filipe 2:3

Ka ɛnɛ ade mɔ nɛ wal ngɔrɔ mana suotɛ nɛ peali na. Ma, ɛnɛ hil nɛ mɛndi, nɛ ɛnɛ zɔk hio oloa ha soko ɛnɛ tuka wi ka dung nɛ gasaa pen ɛnɛ.

Filipe 4:19

Sɔ pɔm nɛ hio kpaamɔ hebhe. Nɛ wal Jésus-Christ, a beha ɛnɛ hio mɔ fɛt ka kɔpi ɛnɛ.

Kolose 1:27

Sɔ ngoya nde, mbwa aing lɛkɛ-lɛkɛ kpaamɔ ka wɛnɛ bhɔngara nɛ wuso hazu hio kandɔ fɛt. Kpaamɔa, yo nde, Christ ha dea le ha zang sila ɛnɛ. Yo nê ɛngi ka ɛnɛ lɛma gde tazu ɛnɛ ha tɛ wa nɛkpasa nde, wɛnɛ bekapini *lɛkɛ-lɛkɛmɔ pɛa hinɛ ɛnɛ.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.

1 Timothée 1:15

Lɛma nde, hio wi fɛt amɛkiri kpasa wen mɛgɛ: Jésus-Christ tɛa ha nzan hazu kpasisi hio *wan-de gdangamɔ. Nɛ mi nê gasa wan-de gdangamɔ pen hio mbinga fɛt.

1 Timothée 2:7

Yo nê hazu ɛngi, ka Jésus-Christ gdea mi wan-bul wen nɛ *wan-nɛtom pɛa. Mi ha tɔa nɛ tɛwen, yo bo nê dalo na. A gdea mi fin wan-osimɔ ka mi aosi goto mɛkaramɔ nɛ tɛwen ha hio wi ka bo nê *zuife na.

2 Timothée 1:11

Sɔ gdea mi tuka *wan-nɛtom nɛ wan-osimɔ ha tom bulo Dede Wen ɛngɛ.

Gbasamɔ 3:18

Mɛgi, mi ngoya mbo ɛnɛ nde, ɛnɛ atɛ tɛ hɛ ha kɔ mi gbɛbolo ka ɛ wea ha we, tuka nde, ɛnɛ adung nê hio kpasa wan-kpamɔ. Ɛnɛ ahɛ fin bu la mɛ yol tuka nde, foy sɔngɛrɛ tɛ ɛnɛ agbasi tɛ na. Ɛnɛ ahɛ fin yina mɛ a ha gbali ɛnɛ tuka nde, ɛnɛ azɔk mɔ.