Efeze 3:1 - Takarata pɛ Sɔ Mbombe Mbon

¹ Mi, Paul, dung ha twa zɔbhɔ hazu mi ha bulo *Dede Wen hazu Jésus-Christ ha ɛnɛ, hio wi ka bo nê zuife na.

Efeze 3:1 ပူးပေါင်းရင်းမြစ်များ

Dede Wen hazu Jésus-Christ ka Luc ngɛraka 21:12

«Ma, sɔngsi ka mɔ ndɔng behɔ, ɛ beba ɛnɛ, nɛ ɛ benamili ɛnɛ ndɛr-ndɛr. Ɛ begde ɛnɛ ha li kita ha zang *twa gɔ Sɔ. Ɛ bepi ɛnɛ ha zɔbhɔ. Ɛ beku ɛnɛ nɛnɛ ha li hio *kongapora nɛ ha li hio gɔfɔrma hazu ɛnɛ nê wi pɔm.

Deamɔ 21:33

Mɛgi, gasa kagama-bulo mɔ Rome tiko hapɛtɛ Paul nɛ haa nu nde, mbwa aba wɛnɛ nɛ sang wɛnɛ nɛ gbazɔbhɔ bwa. Hapata a ana mɔ: «Wi kɛ nê o? A dea nɛ ge?»

Deamɔ 23:18

Kagama-bulo ngbɔsa pɔlɔmbɔ wei ɛngɛ nɛnɛ ha pɛ gasa kagama-bulo nɛ tɔa: «Paul, wan-zɔbhɔ saa mi nɛ tɔa ha mi nde, mi aku pɔlɔmbɔ wi ɛngɛ tɛnɛ ha mɛ hazu wɛnɛ nɛ ma wen mɛ tɔ ha mɛ.»

Deamɔ 26:29

Paul kiforo wen: «Ngase angbɔl ngɛt, mana nɛdɔka, yo de mɔ na. Mi ha gɔa Sɔ nde, mɛ, tɛ ba nɛ hio wi fɛt ka ze mi mɛsɛ, atɛ gbesi tuka mi. Ma, bo nɛ gbazɔbhɔ ha kɔ na.»

Deamɔ 9:15

Ma, Kongawan tɔa ha wɛnɛ: «Mɛ nɛ, hazu mi weka wi ɛngɛ tuka wan-tom pɔm. A begbasi ling mi ha hio kandɔ ka bo nê zuife na, ha hio *kongapora pɛ mbwa, nɛ fin ha kandɔ zuife.

2 Korente 1:6

Ka ɔ kpa yeksamɔ, ɔ kpa yo hazu gbosisi wal ha ɛnɛ nde, Sɔ ayɔkili ɛnɛ nɛ kpasisi ɛnɛ. Ka Sɔ yɔkili ɔ, a de yo hazu yɔkili fin ɛnɛ tuka nde, ɛnɛ adung nɛ ngatɛ mɛ yɔng yini ha zang ndangtɛ yeksamɔ ka kpa ɔ fin.

2 Korente 10:1

Mi, Paul, mi mbo ɛnɛ nɛ wal gaa sila nɛ *dede sila pɛ Christ. Hio ma wi ha tɔa wen ha tɛ mi nde, ha ngimɔ ka mi dung hinɛ ɛnɛ haki, mi nɛ mɛndi, nɛ ka mi bo hinɛ ɛnɛ na, mi ha fuo da ha ɛnɛ.

2 Korente 11:23

Mbwa nê wan-tom pɛ Christ nde? Mi nê yo pen mbwa! Mi wol mɔ tuka wan-bili na nde? Mi dea tom pen mbwa, mi dungɔ ha twa zɔbhɔ pen mbwa, ɛ mɛla mi pen mbwa, nɛ mi kpɔya ha fio ze nɛdɔka pen mbwa.

Galasi 5:11

Hio ya mi, hio *zuife ha namala mi. Ɛngi osi long nde, mi bo ha osa wen gɔna sɔru na. Ka mi aosi se mɔ mɛgi, ki wen fio pɛ Christ ha getakate bo fin nê mɔ-kɔ nanga ha li hio zuife na.

Galasi 5:2

Ɛnɛ ze nɛdedea. Mi, Paul, mi tɔ ha ɛnɛ long nde, ka ɛnɛ gɔn sɔru ɛnɛ, ki tom ka Christ dea hazu ɛnɛ, yo lɛm mɛ gbakiri ɛnɛ ndang na.

Galasi 5:24

Hio wi pɛ Jésus-Christ gbɛa hio gdanga hɛl ndɔkitɛ mbwa fɛt ha getakate.

Efeze 3:11

Sɔ dea mɛgi tuka wɛnɛ babheki sɔngsi bhee. A dea yo nɛ wal tom ka Jésus-Christ, *Kongawan pɛ ɔ, dea.

Efeze 3:13

Mɛgi mi mbo ɛnɛ nde, ngase ka mi ha kpaa yeksamɔ hazu ɛnɛ, ka ɛnɛ adung nɛ ngɔtɛ na. Hazu yeksamɔ ɛngɛ kpaa may hinɛ mi nde, ɛnɛ akpa lɛkɛ-lɛkɛ dedemɔ ha kɔ Sɔ.

Efeze 3:8

Pɔm, mi nê bebe wi pen fɛt ha soko hio olo wi pɛ Sɔ. Ma, ngase ɛngi Sɔ dea dede sila ha tɛ mi nde, mi abul Dede Wen ha hio wi ka bo nê zuife na. Dede Wen ɛngɛ nde, mbwa lɛma kpa yɛbhɛ-yɛbhɛ kpaamɔ nɛ wal Christ.

Efeze 4:1

Mi, ka dung ha twa zɔbhɔ hazu mi ha dea tom ha *Kongawan, mi lokitɛ ha ɛnɛ nde, deamɔ pɛ ɛnɛ alɛm nɛ sala pɛ Sɔ ka wɛnɛ saa nɛ ɛnɛ mɛ dung hio wi pɛa.

Efeze 6:20

Mi nê wan-nɛkasara hazu Dede Wen, ngase ka mi nê wan-zɔbhɔ. Mɛgi, ɛnɛ gɔ Sɔ nde, mi abul Dede Wen pɛa nɛ da nɛ wala.

Filipe 1:7

Yo nê dedea nde, mi atakiri mɔ hazu ɛnɛ mɛgi, hazu ɛnɛ dung ha zang sila mi. Sising mi dung ha twa zɔbhɔ, sɔngsi mi lea gdong Dede Wen nɛ bulo yo nde, hio wi amɛkiri yo nɛkpasa. Ɛnɛ bhɔna ka ha dea sɔy hinɛ mi ha zang *dede sila, ka Sɔ de ha tɛ mi ha zang mɔ ndɔng fɛt.

Kolose 1:24

Sising mi ha kpaa yeksamɔ hazu ɛnɛ. Ma, yo nê mɔ totɛ pɔm, hazu nɛ wal yeksamɔ ndɔng, mi ha lɛmsara hio olo yeksamɔ ka bakpa Christ hazu giliwi mɔ eglize ka dung nê kilitɛ wa.

Kolose 4:18

Yo nê mi Paul ka ngɛriki fani ɛngɛ nɛ tɛ kɔ mi. Tazu ɛnɛ agba nɛ mi hakɛ ha twa zɔbhɔ. Sɔ ade *dede sila ha tɛ ɛnɛ.

Kolose 4:3

Ɛnɛ agɔ Sɔ hazu ɔ fin nde, ka wɛnɛ agbosisi wal ha ɔ mɛ bul wen pɛa, nɛ mɛ tɔ fin wen tɛ Christ ka badung se nɛ wuso. Yo nê hazu wen ɛngɛ ka mi dung ha twa zɔbhɔ.

2 Timothée 1:16

Ka bo nê pɛ Onezifore, Sɔ ade kobhe tɛ nam pɛa, hazu wɛnɛ dungɔ ha yɔkala mi hapata may. Nɛ wɛnɛ tɛ de foy hazu mi ha twa zɔbhɔ na.

2 Timothée 1:8

Mɛgi, ka mɛ ade foy hazu kɛ wen pɛ *Kongawan pɛ ɔ na. Nɛ fin, ka mɛ ade foy hazu mi na, mi ka dung nê wan-zɔbhɔ hazu wen pɛa. Ma, nɛ ngatɛ pɛ Sɔ, mɛ ayɔng yini hinɛ mi ha zang yeksamɔ ka kpa ɔ hazu *Dede Wen.

Philémon 1:1

Yo nê ɔ Paul, wan-zɔbhɔ hazu Jésus-Christ, hinɛ ya ɔ Timothée ka ngɛriki takarata ɛngɛ ha mɛ Philémon, ndɔngsila ɔ nɛ sɔy-tom pɛ ɔ.

Philémon 1:23

Epafras, sɔy-de zɔbhɔ pɔm hazu Jésus-Christ fana mɛ.

Philémon 1:9

Ma, mi lokitɛ ha mɛ nɛ wal ngoy. Yo nê mi, Paul, kotowi ka dung ha twa zɔbhɔ sising hazu Jésus-Christ,

Gbasamɔ 2:10

Ka ɛnɛ ayu ke hio yeksamɔ ka ɛnɛ bekpa na. Satan bepi hio ma wi ha soko ɛnɛ ha twa zɔbhɔ hazu we nɛ sila ɛnɛ. Ɛnɛ bedung ha zang yeksamɔ lɛm yala bhukɔ. Ɛnɛ adung nɛ mboazu kanɛ fio. Mɛgi, mi beha ɛnɛ *tunɔ kpoo tuka kɛamɔ.