Efeze 2:8 - Takarata pɛ Sɔ Mbombe Mbon

⁸ A kpasasa ɛnɛ nɛ wal dede sila pɛa ha ngimɔ ka ɛnɛ mɛkara Christ. A kpasasa ɛnɛ, bo hazu ɛnɛ dea dedemɔ na, ma, a kpasasa ɛnɛ nɛ gangtɛ.

Efeze 2:8 ပူးပေါင်းရင်းမြစ်များ

Matthieu 16:17

Mɛgi Jésus tɔa ha wɛnɛ: «Totɛ ha mɛ Simon bewei pɛ Jean, hazu yo bo nê wi ka gbasi yo ha mɛ na. Ma, yo nê Bafa mi ha zang ngɔn.

Matthieu 20:9

Mɛgi wi ndɔng ka angara tom nɛ wal mbolo hɔa, nɛ mbwa fɛt kpaa mbɔli ka lɛm nɛ swe tom ndang.

Marc 16:16

Wi ka bemɛkiri, nɛ ka ɛnɛ begdumsi wɛnɛ ha li, Sɔ bekpasisi wɛnɛ. Ma, wi ka mɛkiri na, kita beba wɛnɛ.

Dede Wen hazu Jésus-Christ ka Luc ngɛraka 7:50

Ma, Jésus tɔa ha bhoko ɛngɛ: «Mɛ kpasa hazu mɛ mɛkara mi. Mɛ si nɛdedea.»

Jean 3:36

Wi ka mɛkiri Bewei, wɛnɛ nɛ *tunɔ kpoo. Ma, wi ka ze nu Bewei na, a lɛm kpa tunɔ na. Ma, ngambi pɛ Sɔ bebhɔn ha zu wa.»

Jean 4:10

Jésus kiforo wen ha wɛnɛ: «Mɛ aing se mɔ ka Sɔ ngoy mɛ ha ha hio wi, nɛ mɛ aing se mi ka gɔ li ha kɔ mɛ, ki yo nê mɛ ka begɔ li ha kɔ mi, nɛ mi betɛ ha mɛ li ka ha tunɔ.»

Jean 5:24

«Kpasawen, mi tɔ ha ɛnɛ nde, wi ka ze wen pɔm nɛ ka mɛkiri Sɔ ka tomsa mi, a bedung nɛ *tunɔ kpoo. Sɔ lɛm gɔn kita ba wɛnɛ fin na. Mɛgi, wia laka fio gde kari, nɛ a tɛ bo nɛ tunɔ.

Jean 6:35

Jésus tɔa ha mbwa: «Yo nê mi ka dung yɔngamɔ ka ha tunɔ. Wi kɛ ka tɛ ha pɔm, wɔ yɔngamɔ lɛm de wɛnɛ fin na. Nɛ wi ka mɛkiri mi, wɔ li lɛm de wɛnɛ fin ndang na.

Jean 6:37

Hio wi ndang ndang fɛt ka Bafa mi ha mi, betɛ ha pɔm. Nɛ mi lɛm kafi wi ka tɛ ha pɔm ndang na.

Jean 6:40

Bafa mi ngoya nde, wi ndang ndang fɛt ka zɔk Bewei pɛa, nɛ ka mɛkiri wɛnɛ, akpa tunɔ kpoo. Nɛ mi betunsi mbwa ha soko hio fiowi ha kpogio ngimɔ.»

Jean 6:44

Ka Bafa mi, wan-tomsi mi, tɛ ngbɔsi ma wi ha mi na, wia lɛm tɛ ha pɔm na. Nɛ mi betunsi wi fɛt ka tɛ ha pɔm, ha soko hio fiowi ha kpogio ngimɔ.

Jean 6:65

Nɛ wɛnɛ tɔa fin: «Yo nê ɛngi ka mi tɔa ha ɛnɛ nde, ma wi lɛm tɛ ha pɔm sɔna, ka Sɔ Bafa mɛkiri nde, wɛnɛ atɛ.»

Deamɔ 13:39

Ma, wi ndang ndang fɛt ka mɛkara Jésus, Sɔ dea nde, mbwa apen sɛɛ ha li kita pɛa kari.

Deamɔ 14:27

Nɛ ka mbwa hɔa ha Antioshe, mbwa wesara *giliwi mɔ eglize nɛ baa kasi mɔ fɛt, ka Sɔ dea nɛ wal mbwa. Mbwa tɔa fin nde, Sɔ haa wal mɛ mɛkiri Jésus ha hio wi ndɔng, ka bo nê *zuife na.

Deamɔ 15:11

Ma, ɔ mɛkara nde, Sɔ kpasasa ɔ nɛ wal *dede sila pɛ *Kongawan Jésus gbesi tuka mbwa fin.»

Deamɔ 16:14

Ha soko mbwa ma bhoko mɔ gasa le Tiatire ang ka lukisi Sɔ, ling wa nde Lidi. Wɛnɛ nê wan-gdongi tili gbɛ la, ka gɛnɛa nɛ ngaya pentɛ. A zea wen pɛ Paul, nɛ Sɔ gbosasa sila wa nde, wɛnɛ amɛkiri yo.

Deamɔ 16:31

Nɛ mbwa kiforo wen: «Mɛ mɛkiri *Kongawan Jésus, nɛ mɛ bekpasi, mɛ nɛ hio wi mɔ twa pɛ mɛ fɛt.»

Rome 10:14

Ma, mbwa besa ling wa mɛng, ka mbwa tɛ mɛkiri wɛnɛ na? Mbwa bemɛkiri wɛnɛ mɛng, ka mbwa tɛ ze wen tɛ wa na? Mbwa beze wen tɛ wa mɛng, ka ma wi tɛ bul wena na?

Rome 10:17

Mɛgi, wi bemɛkiri Christ nɛ wal zea kasi. Nɛ kasi ɛngɛ, yo nê wen tɛ Christ.

Rome 4:16

Mɛgi, gɔnanu pɛ Sɔ, yo sɔna hazu wi ndɔng ka mɛkiri wɛnɛ, tuka nde, yo adung nê mɔ ka Sɔ ha ha mbwa nɛ gangtɛ. A ngoya mɛ ha yo ha hio bezang pɛ Abraham fɛt mburr. Yo bo sɔna ha wi ndɔng ka pam mbonga pɛ Moïse, na, ma, yo ha wi fɛt ka mɛkiri Sɔ tuka Abraham, hazu Abraham nê bafa ɔ fɛt.

Rome 4:5

Pɛ Sɔ yo nɛtɛ, wɛnɛ gde wi nzeng ha li wa, bo hazu tom pɛ wia na, ma, hazu wia mɛkara wɛnɛ, wɛnɛ ka de nde, hio wan-kafi wɛnɛ atɛ hio nzeng wi ha li wa.

Rome 9:16

Ka Sɔ de kobhe tɛ ma wi, yo bo nde, wia ngoya yo mana wia dea dedemɔ na, ma, hazu Sɔ ngoya mɛgi.

Galasi 3:14

Mɔ hɔa mɛgi tuka nde, nɛ wal Jésus-Christ, Sɔ awol dede wen ha zu hio kandɔ fɛt tuka wɛnɛ bagɔn se nua ha Abraham. Mɛgi, nɛ wal mɛkara Sɔ, ɔ lɛma kpa Nzɔy-Sɔtɛ ka Sɔ bagɔn nua.

Galasi 3:22

Ma, takarata pɛ Sɔ tɔa nde, hio wi mɔ nzan fɛt nê bala ha si gdangamɔ. Mɔ dung mɛgi tuka nde, hio wi ka mɛkiri Jésus-Christ, mbwa akpa dedemɔ ka Sɔ gɔna nua, nɛ wal mɛkaramɔ pɛ mbwa.

Efeze 1:19

Mi gɔ Sɔ fin nde, ɛnɛ aing heang ziomɔ pɛa ka wɛnɛ gbakiri nɛ ɔ, ka mɛkara wɛnɛ. Ziomɔ ɛngɛ, yo nê ndangtɛ ziomɔ,

Efeze 2:10

Hazu ɔ fɛt, ɔ nê mɔ ka Sɔ dea. A dea ɔ nɛ wal Jésus-Christ tuka nde, ɔ ade hio dedemɔ, ka wɛnɛ babhɔngiri sɔngsi gde nde, ɔ ade yo.

Efeze 2:5

Yo nê ɛngi, ka wɛnɛ tunso ɔ nɛ mbinga hinɛ Christ gbesi, ɔ ka badung tuka hio fiowi hazu gdangamɔ ka ɔ dea. Sɔ kpasasa ɛnɛ nɛ gangtɛ nɛ wal *dede sila pɛa.

Filipe 1:29

Nɛ wal dede sila pɛa, Sɔ weka ɛnɛ bo sɔna hazu mɛkiri Christ na, ma, fin nde, ɛnɛ akpa yeksamɔ hazu ɛnɛ nê pɛa.

Kolose 2:12

Ha ngimɔ ka ɛ bagdumsi ɛnɛ ha li, ɛ gunɔ ɛnɛ hinɛ Christ gbesi. Nɛ ka ɛnɛ gboa ha si li, Sɔ guo ɛnɛ gbesi hinɛ wɛnɛ, hazu ɛnɛ gdea tazu ɛnɛ ha ngatɛ pɛ Sɔ ka guo Christ ha soko hio fiowi.

2 Tesalonike 1:9

Tuka ndulsomɔ pɛ mbwa, mbwa bedung ha zang bhondasa mɔ kpoo nɛ kpoo. Mbwa bedung nɛ yɛa ha li Kongawan nɛ ha lɛkɛ-lɛkɛ ngatɛ pɛa.

Hebro 6:4

Hio ma wi ang ka Sɔ donsa sila mbwa nɛ saamɔ pɛa, ka tota hio dedemɔ ngɔn, ka kpaa *Nzɔy-Sɔtɛ,

1 Pierre 1:5

Ka ɛnɛ mɛkara Sɔ, wɛnɛ bepam ɛnɛ nɛ wal ziomɔ pɛa kanɛ wɛnɛ begbasi *mɔkpasi ka wɛnɛ bekpasisi nɛ ɛnɛ ha kpogio ngimɔ.