Efeze 2:3 - Takarata pɛ Sɔ Mbombe Mbon

³ Ɔ fɛt, ɔ badung fin gbesi tuka mbwa. Ɔ badung ka fin ha dea mɔ ka multɛ ɔ ngoya. Ɔ badung ha gdea tɛ ɔ ha hio mɔ ka multɛ nɛ sila ɔ gola. Hazu ndɔkitɛ ɔ dungɔ mɛgi, ɔ lɛma nɛ ngambi pɛ Sɔ tuka hio olo wi fɛt.

Efeze 2:3 ပူးပေါင်းရင်းမြစ်များ

Marc 4:19

ma, mbwa nɛ nɔzang hazu mɔ mɛ nzan ɛngɛ, nɛ hɛl yɛbhɛ-yɛbhɛ mɔ osili mbwa, nɛ tili wɔ mɔ nɛtɛ-nɛtɛ fɛt lea sila mbwa. Mɛgi yo gana zu wen pɛ Sɔ, ka kpa wal mɛ way nɛ na.

Jean 1:13

Wi ndɔng tɛ dung bem pɛ Sɔ nɛ wal ndɔki bhɛ na. Ma, yo nê Sɔ ka haa mbwa mbombe tunɔ.

Jean 8:44

Bafa ɛnɛ nê *Satan. Ɛnɛ ngoya kanɛ dea mɔ ka ha totɛ ha wɛnɛ. Angiri ha kudom mɔ, tom pɛa nê gbɛa hio wi kpoo. A ngoy tɛwen na, hazu ma mbuli tɛwen bo ha sila wa na. Ndɔkitɛ wa nê tɔa dalo, hazu wɛnɛ nê wan-tɔ dalo nɛ bafa mɛ tili dalo fɛt.

Deamɔ 14:16

Ha hio ngimɔ ka pena, Sɔ gdea hio kandɔ fɛt nde, mbwa aba wal, ka sila mbwa ngoya.

Rome 1:24

Yo nê ɛngi, ka Sɔ gdea mbwa ha dea gdangamɔ tuka sila mbwa ngoya. Mɛgi, mbwa tɛ bo ha ɔanu ha soko may nɛ tum.

Rome 11:30

Ha ngimɔ sɔngsi, ɛnɛ bakafi nu Sɔ. Ma, sising Sɔ tɛ bo ha dea kobhe tɛ ɛnɛ hazu hio zuife kafa nu wa kari.

Rome 13:14

Ma, ɛnɛ aku *Kongawan Jésus-Christ tuka mɔ-bibulo pɛ ɛnɛ. Ka ɛnɛ agde tɛ ɛnɛ ha hio wɔ tɛ ɛnɛ na.

Rome 2:14

Hio olo kandɔ, mbwa ing mbonga pɛ Moïse na. Ngase ɛngi, hio ma ha soko mbwa ha dea mɔ lɛm nɛ wen mbonga. Ɛngi osi nde, mbwa nɛ tɛ mbwa ingɔ gbaa soko dedemɔ nɛ gdangamɔ.

Rome 5:10

Ɔ badung se nê hio ngana pɛ Sɔ. Ma, sising, nɛ wal fio pɛa, *Bewei pɛ Sɔ bhɔngara wen ha soko ɔ hinɛ Sɔ. Yo nê hazu a bhɔngara wena kari, ka ɔ ingɔ nɛdedea nde, nɛ wal tunɔ pɛa, a bekpasisi ɔ wɛɛ.

Rome 5:9

Nɛ wal tɔktɛ Christ ɔ tɛ bo nê *nzeng wi ha li Sɔ. Yo nê ɛngi, ka ɔ ingɔ nɛdedea nde, Christ bekpasisi ɔ ha ngambi pɛ Sɔ.

Rome 6:12

Ɛnɛ agdɔki wal ha gdangamɔ mɛ gan zu kilitɛ ɛnɛ ka befe bin, yu nde, ɛnɛ betɛ de mɔ tuka wɔ kilitɛ ɛnɛ ngoya.

Rome 7:18

Hazu mi ingɔ nde, mi nê wi sɔna, dedemɔ bo ha dea le ha tɛ mi na. Tangere, mi nɛ hɛl mɛ de dedemɔ, ma, mi bo nɛ ngatɛ mɛ de yo na.

Rome 9:22

Hio ma wi dung tuka kpana ka Sɔ bhuo hazu osi ha mbwa nde, wɛnɛ nɛ ngambi, nɛ wɛnɛ nɛ ziomɔ. Ngase ɛngi, wɛnɛ baa sila wa pentɛ nɛ mbwa ka lɛma nɛ ngambi pɛa, nɛ ka dung sanga nɛ bhonda.

1 Korente 4:7

Yo nê nge wi ka gdea mɛ nɛ gasaa pen hio mbinga, o nde? Mɔ ka dung ha kɔ mɛ, bo nê Sɔ haa yo ha mɛ nɛgbelea, na nde? Mɛgi, hazu ge mɛ ha suotɛ hazua ge nde? Hazu ge mɛ zɔka yo tuka mɔ ka mɛ tɛ kpa nɛgbelea na, ge nde?

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Galasi 3:22

Ma, takarata pɛ Sɔ tɔa nde, hio wi mɔ nzan fɛt nê bala ha si gdangamɔ. Mɔ dung mɛgi tuka nde, hio wi ka mɛkiri Jésus-Christ, mbwa akpa dedemɔ ka Sɔ gɔna nua, nɛ wal mɛkaramɔ pɛ mbwa.

Efeze 2:2

Ɛnɛ dungɔ ha dea mɔ gbesi tuka wi mɔ nzan ɛngɛ. Ɛnɛ dungɔ ha zea nu *Satan, wan hazu hio gdanga sɔtɛ ka dung ha soko ngɔn nɛ nu, sɔtɛ ɛngɛ ka de tom ha tɛ wi ndɔng ka ze nu Sɔ na.

Efeze 4:22

Mɛgi, ɛnɛ lak mɔa ndɔki deamɔ pɛ ɛnɛ gde. Ey, ɛnɛ kpɔsi mɔa tɛ wi, ka de mɔ lɛm nɛ gdanga golamɔ. Golamɔ ndɔng ha osala ɛnɛ, nɛ yo bebhondisi ɛnɛ.

Kolose 1:21

Sɔngsi, ɛnɛ badung nɛ yɛa nɛ Sɔ, ɛnɛ badung nê hio ngana pɛa hazu hio takaramɔ pɛ ɛnɛ nɛ hio deamɔ pɛ ɛnɛ dungɔ nɛ gdangaa.

1 Tesalonike 4:13

Hio ya ɔ, ɔ ngoya nde, ɛnɛ aing mɔ ka behɔ bin ha wen pɛ hio fiowi. Yu nde, ngɔtɛ betɛ de ɛnɛ gbesi tuka ka yo de nɛ wi ndɔng ka gde tazu mbwa ha tɛ Jésus na.

1 Tesalonike 5:6

Mɛgi, ka ɔ aɔla tuka hio mbing wi na. Ma, ɔ adung nɛ zɔma ngɛlɛlɛ.

1 Timothée 6:9

Ma, wi ndɔng ka ngoy kpaamɔ nɛdɔka, kpaamɔ ɛngɛ besɛbhili mbwa, nɛ mbwa betek ha wal mɔ Sɔ. Hɛl dɔka tum mɔ nɛ gdangamɔ baa mbwa tuka pɔndɔ. Hio mɔ ndɔng ha gdangsa wi gde ha bhonda.

Tite 3:3

Hazu, ɔ fin, ɔ badung sɔngsi nê hio wi ka zu mbwa bona, nɛ wan-de kpandele, nɛ ɔ bayɔ nzeng wal pɛ Sɔ. Ɔ badung nê bala ha si tili golamɔ nɛ wɔ mɔ nzan. Ɔ bapensi tunɔ pɛ ɔ ha dea gdangamɔ nɛ silamɔ. Ɔ basɛn hio wi, nɛ mbwa basɛn fin ɔ.

1 Pierre 1:14

Ɛnɛ ze nu Sɔ hazu ɛnɛ nê hio bem pɛa. Sɔngsi, ha ngimɔ ka ɛnɛ tɛ ze ka *Dede Wen na, ɛnɛ dungɔ ha gdea tɛ ɛnɛ ha gola hio gdangamɔ. Ma, sising, ka ɛnɛ ade mɔ mɛgi fin na.

2 Pierre 2:14

Dɔka takaramɔ pɛ mbwa sɔna nɛ dea li hio bhoko-de wanza. Tɛ mbwa kati ha dea gdangamɔ na. Mbwa ha kio wal mɛ osili hio wan-pɔsa ha wal mɔ Sɔ pi ha dea gdangamɔ. Sila mbwa dona nɛ wɔ mbɔli. Sɔ foma mbwa kari.

2 Pierre 2:18

Mbwa ha suotɛ tɔ nɛ hio tum wen. Nɛ wal hɛl mɔ multɛ, mbwa ha kio wal mɛ osili hio wi ndɔng ka gboa pɛ mbwa ngimɔ tikiring sɔna pen ha soko ɛ ndɔng ka ing tɛwen na.

1 Jean 2:16

Hazu nzan dona nɛ hio gdanga hɛl mɔ multɛ, hio mɔ ka wi gol, nɛ hio kpaamɔ ka wi sutɛ hazua. Mɔ ndɔng fɛt tɛ nɛ wal pɛ Sɔ, Bafa na, ma, yo tɛ nɛ wal nzan.

1 Jean 2:8

Ma, ngase ɛngi, mbonga ka mi ngɛriki ha ɛnɛ, yo bhɔna nê mbombea. Deamɔ pɛ Jésus-Christ gbasa nde, mbonga ɛngɛ nê tɛwen, nɛ deamɔ pɛ ɛnɛ ha gbasa yo fin. Hazu tutum ha pena, nɛ kpasa saamɔ ha baa kari.