Efeze 2:18 - Takarata pɛ Sɔ Mbombe Mbon

¹⁸ Yo nê hazu Christ ka ɔ fɛt, hio zuife nɛ hio olo kandɔ, lɛma mɛ tiki nɛ hapɛtɛ Sɔ, Bafa ɔ, nɛ wal ndanga *Nzɔy-Sɔtɛ.

Efeze 2:18 ပူးပေါင်းရင်းမြစ်များ

Matthieu 28:19

Mɛgi ɛnɛ nɛ ha pɛ hio kandɔ fɛt. Nɛ ɛnɛ de tuka nde, mbwa atɛ wan-yambimɔ pɔm. Ɛnɛ gdumsi mbwa ha li nɛ ling Bafa mi, nɛ ling mi, Bewei pɛa, nɛ ling *Nzɔy-Sɔtɛ.

Jean 10:7

Jésus tɔa fin: «Kpasawen, mi tɔ ha ɛnɛ nde, mi nê nu ngalɔ sami.

Jean 10:9

Mi nê nu ngalɔ sami. Wi ka le nɛ wal mi, mi bekpasisi wɛnɛ. A bele nɛ a begbo, nɛ a bekpa yɔngamɔ.

Jean 14:6

Jésus kiforo wen ha wɛnɛ: «Mi nê liwal, mi nê tɛwen, nɛ mi nê tunɔ. Yo nê sɔna nɛ wal mi ka wi lɛma nɛ ha pɛ Bafa mi.

Rome 5:2

Ɔ mɛkara Jésus-Christ. Mɛgi, a gbosasa wal nde, Sɔ ade *dede sila ha tɛ ɔ. Nɛ sising, ɔ ha nɔa nging ha zang dede sila pɛa. Ɔ ha dea totɛ hazu *mɔgdetazu ɔ nde, Sɔ bekapini *lɛkɛ-lɛkɛmɔ pɛa hinɛ ɔ.

Rome 8:15

Ɛnɛ kpaa Nzɔy-Sɔtɛ bo hazu gde ɛnɛ bala ka dung fin nɛ ke na, ma, hazu gde ɛnɛ hio bem pɛ Sɔ. Yo nê Nzɔy-Sɔtɛ ka ha ɔ wal mɛ sa Sɔ nde, Abba, Bafa ɔ.

1 Korente 12:13

Ngase ɔ nê kandɔ *zuife mana olo kandɔ, ngase ɔ nê bala mana bele, yo nê ndanga *Nzɔy-Sɔtɛ ndang ka wesara ɔ gde tuka kilitɛ ndang nɛ wal gdumso ɔ ha li. Nɛ yo nê ndangtɛ Nzɔy-Sɔtɛ ɛngɛ ka don ha zang sila ɔ.

1 Korente 8:6

Ma, ɔ hinɛ ɛnɛ, ɔ ingɔ pɛ ɔ nde, Sɔ nê ndang sɔna. Wɛnɛ nê Bafa ɔ, yo nê wɛnɛ ha de mɔ fɛt, nɛ ɔ dung nɛ zutunɔ hazu wa. Nɛ Kongawan fin ka nê ndang sɔna, Jésus-Christ. Sɔ dea mɔ fɛt nɛ wal wɛnɛ, nɛ yo fin nɛ wal wɛnɛ ka ɔ dung nɛ zutunɔ.

Galasi 4:6

Sɔ tomsa Sɔtɛ pɛ Bewei pɛa ha zang sila ɔ, hazu osi nde, ɔ nê hio bem pɛa nɛkpasa. Nɛ Sɔtɛ ɛngɛ ha gdɔra: «Abba» ka tɔ nde, Bafa mi!

Efeze 3:12

Ɔ ha dea sɔy hinɛ Jésus-Christ, nɛ ɔ mɛkara wɛnɛ kari. Yo nê ɛngi, ka ɔ dung sɛɛ, nɛ ka ɔ ba da mɛ tiki nɛ hapɛtɛ Sɔ.

Efeze 3:14

Hazu ɛngi, mi ha ngbio zigolo ha nu ha li Sɔ, Bafa ɔ, nɛ mi gɔ wɛnɛ ha zu ɛnɛ.

Efeze 4:4

Ɔ ka nê kilitɛ ndang. Nɛ Nzɔy-Sɔtɛ ka nê ndang. Mɔ ka Sɔ saa nɛ ɔ mɛ gde tazu ang, yo ka fin ndang.

Efeze 6:18

Ɛnɛ gɔ Sɔ ngimɔ fɛt, nɛ ɛnɛ lokitɛ ha wɛnɛ nɛ wal ngatɛ pɛ Nzɔy-Sɔtɛ. Ɛnɛ ayang la, nɛ ɛnɛ bhɔn ka ha gɔa Sɔ nɛ yikosila hazu hio wi pɛa fɛt.

Kolose 1:12

Ɛnɛ aha oeba nɛ totɛ ha Sɔ, Bafa ɔ, ka dea nde, ɛnɛ alɛm kpa mɔ likɔ ka wɛnɛ bhɔngara keri nɛ hio nzɔy wi pɛa ha zang saamɔ.

Hebro 7:19

Kpasawen, mbonga pɛ Moïse tɛ lɛmsiri ma mɔ ndang na. Ma, sising, ma mɔ hɔa ka dung nɛ dedea pen mɔ sɔngsi. Ɔ lɛma gde tazu ɔ ang hazu yo gbosasa wal mɛ tiki nɛ sanga-sanga hapɛtɛ Sɔ.

Jacques 3:9

Nɛ lembe ɛngɛ, ɔ ha lukoso *Kongawan, Bafa ɔ. Nɛ ndangtɛ lembe ɛngɛ fin, ɔ ha foma hio wi ka Sɔ dea ba nɛ may hinɛ wɛnɛ.

1 Pierre 1:17

Ha zang gɔamɔ ɛnɛ ha saa Sɔ nde, Bafa ɛnɛ. Sɔ begɔn kita lɛm nɛ tom pɛ wi ndang ndang, a lɛm gba soko wi na. Hazu ɛngi, ɛnɛ ayu ke wa ha deamɔ pɛ ɛnɛ fɛt ha ngimɔ sising ka ɛnɛ bhɔna nɛ gɔn-gɛnɛ wi hakɛ ha nzan.

1 Pierre 1:21

Ɛnɛ mɛkara Sɔ nɛ wal Christ. Sɔ guo wɛnɛ ha soko hio fiowi, nɛ a haa wɛnɛ *lɛkɛ-lɛkɛmɔ. Yo nê ɛngi, ka ɛnɛ kpaa wal mɛ mɛkiri Sɔ, nɛ mɛ gde tazu ha tɛ wa.

1 Pierre 3:18

Hazu Christ fea ze ndang hireng gɔn zu *sɛmbɔ pɛ hio wi. Wɛnɛ ka dung nê nzeng wi, fea gɔn zu ɔ, hio *kalbho-kalbho wi hazu ku ɔ nɛnɛ ha pɛ Sɔ. Hio wi gbɛa tɛ wa, ma, Sɔ tunso wɛnɛ nɛ mbinga nɛ wal *Nzɔy-Sɔtɛ.

Jude 1:20

Ma, ɛnɛ hio ndɔngsila mi, ɛnɛ andari pɛ ɛnɛ sɔna nɛ nzɔy mɔ ka ɛnɛ mɛkara. Ɛnɛ agɔ Sɔ nɛ wal ngatɛ ka Nzɔy-Sɔtɛ haa ha ɛnɛ.