Deamɔ 9:5 - Takarata pɛ Sɔ Mbombe Mbon

⁵ Saul kɔa nɛ anamɔ: «Kongawan, mɛ nê o?» Gɛl ɛngɛ kiforo wen: «Mi nê Jésus, ka mɛ ha namala.

Deamɔ 9:5 ပူးပေါင်းရင်းမြစ်များ

Deamɔ 10:14

Ma, Pierre kafa nɛ tɔa: «Way, Kongawan. Mɔ ka *mbonga kafa mɛ yɔng, nɛ ka dung nɛ nzing ha li Sɔ, mi tɛ yɔng yo fɛt ha tunɔ pɔm ndang na.»

Deamɔ 26:14

Ɔ fɛt teka ha nu, nɛ mi zea ma gɛl ha wolamɔ ha mi nɛ nu *Hebro nɛ tɔa: ‹Saul, Saul, mɛ namili mi hazu ge? Mɛ kimbili mɛ gan zu mi hazu ge? Nday lɛm gan zu wan wa na.›

Deamɔ 26:9

«Sɔngsi, mi takara pɔm nde, yo nɛdedea nde, mi abi bulo nɛ wal nɛtɛ-nɛtɛ fɛt sungiri nɛ hio wi ka mɛkara Jésus, wi mɛ Nazaret.

Deamɔ 5:39

Ma, ka yo tɛ nɛ wal Sɔ, ɛnɛ beyangili yo gan. Ɛnɛ pangay, yu nde, ɛnɛ betɛ bi bulo sungiri nɛ Sɔ.» Nɛ mbwa zea nu wa.

Deamɔ 9:4

A teka ha nu nɛ zea ma gɛl ka ana wɛnɛ: «Saul, Saul, mɛ namili mi hazu ge?»

Deamɔ 9:6

Ma, gutɛ mɛ, nɛ ha zang le. Haki, ɛ beosi ha mɛ mɔ ka mɛ bede.»

1 Korente 10:22

Mana ɔ ngoy mikiri nɛ ngambi pɛ Kongawan ha zu ɔ, nde? Mana ɛnɛ takiri pɛ ɛnɛ nde, ɔ nɛ ngaya pen wɛnɛ nde?

Filipe 3:12

Mi tɛ lɛmsiri ka mɔ ndɔng soya na, nɛ mi tɛ lɛm ka wɛɛ na. Ma, mi bhɔna ha gbɛngsa tɛ mi mɛ lɛmsiri mɔ ndɔng, hazu Jésus-Christ lɛmsara mɔ fɛt nde, mi atɛ wi pɛa.

1 Timothée 1:13

Sɔngsi, mi dungɔ ha fɛngsa wɛnɛ, ha namala wɛnɛ, nɛ ha yaa wɛnɛ. Ma, a kpala tɛ de kobhe tɛ mi hazu mi tɛ ing mɔ ka mi dea na, nɛ mi tɛ mɛkiri ka wɛnɛ na.