Deamɔ 9:31 - Takarata pɛ Sɔ Mbombe Mbon

³¹ Mɛgi, *giliwi mɔ eglize dungɔ ha zang gaamɔ ha Judée, ha Galile nɛ ha *Samari. Mbwa kpɔatɛ ha wal mɔ Sɔ, mbwa yuo ke Kongawan ha deamɔ pɛ mbwa fɛt, nɛ dɔka mbwa yɛbha nɛnɛ hazu *Nzɔy-Sɔtɛ gbakara mbwa.

Deamɔ 9:31 ပူးပေါင်းရင်းမြစ်များ

Deamɔ 12:24

Ma, wen pɛ Sɔ yɛbha pen mɔ sɔngsi, nɛ *giliwi mɔ eglize fin.

Deamɔ 16:5

Mɛgi, hio wi mɔ hio eglize tɛ bo nɛngaya ha wal mɛkaramɔ, nɛ dɔka mbwa dungɔ ha yɛbha yala ndang ndang fɛt.

Deamɔ 2:47

Mbwa lukoso Sɔ nɛ hio wi zɔka mbwa tuka dede wi. Nɛ yala ndang ndang fɛt *Kongawan lesasa hio wi ndɔng ka wɛnɛ kpasasa, ha soko hio wi mɔ eglize.

Deamɔ 20:32

«Nɛ sising, mi gde ɛnɛ ha kɔ Sɔ nɛ ha wen dede sila pɛa. Wen ɛngɛ lɛma ngasisi ɛnɛ nɛ ha ɛnɛ dede mɔ, ka Sɔ bhɔngara hazu hio wi pɛa.

Deamɔ 5:11

Mɛgi, gasa ke baa hio wi mɔ eglize nɛ hio wi fɛt, ka zea wen mɔ ndɔng.

Deamɔ 6:7

Hio dɔka wi pen mɔ sɔngsi zea wen pɛ Sɔ. Mɛgi zugili wan-yambimɔ ha Jérusalem yɛbha pentɛ, nɛ dɔka wan-hasadaka mɛkara Jésus.

Deamɔ 8:1

Saul mɛkara nɛdedea gbɛa Etienne. Angiri ha swe gbɛa Etienne, ɛ namala hio wi mɔ eglize nɛkpasa ha Jérusalem. Mbwa fɛt yambala yumɔ nɛ ha kandɔnu Judée nɛ *Samari. Yo nê hio *wan-nɛtom sɔna ka bhɔna ha Jérusalem.

Rome 14:17

Hazu, *Kongakandɔ pɛ Sɔ, yo zɔk wen yɔngamɔ nɛ nɔa mɔ na. Ma, yo zɔk wen dea nzengmɔ, gaamɔ, nɛ totɛ ka tɛ nɛ wal *Nzɔy-Sɔtɛ.

Rome 14:19

Hazu ɛngi, ɔ gbɛngsi tɛ ɔ hazu de mɔ ka ha gaamɔ ha hio wi, nɛ hazu gbakiri may mɛ kpɔtɛ ha wal mɔ Sɔ.

Rome 15:13

Sɔ ka de nde, hio wi agde tazu mbwa ha tɛ wa, wɛnɛ adonsi sila ɛnɛ nɛ totɛ nɛ gaamɔ fɛt nɛ wal mɛkaramɔ, ka ɛnɛ mɛkiri nɛ wɛnɛ. Mɛgi, nɛ wal ngatɛ pɛ *Nzɔy-Sɔtɛ ɛnɛ bebhɔn ka ha gdea tazu ɛnɛ ha tɛ wa swe fɛt.

Rome 5:5

Ka ɔ gde tazu ɔ ha tɛ Sɔ, mɔa lɛm pen nɛ gbelea na. Hazu, Sɔ donsa sila ɔ nɛ ngoy pɛa nɛ wal *Nzɔy-Sɔtɛ ka wɛnɛ haa ha ɔ.

1 Korente 14:12

Ɛnɛ ka gbɛngsi tɛ ɛnɛ hazu kpa hio ngatɛ ka tɛ nɛ wal Nzɔy-Sɔtɛ, lɛma nde, ɛnɛ aki wal mɛ don nɛ hio ngatɛ ndɔng ka gbakiri giliwi mɔ eglize.

1 Korente 14:26

Mɛgi, hio ya mi, mi betɔ nɛ ge nde? Ka ɛnɛ wesiri may, wi ndang ndang nɛ ma mɔ mɛ de: Ma wi be gima, ma osi mɔ, ma tɔ wen mɔ ka Sɔ gbasa ha wɛnɛ, ma wol mɔ nɛ hio nu pɛ *Nzɔy-Sɔtɛ, nɛ ma mbinga fin bul longowen nu ndɔng. Dea nde, mɔ ndɔng fɛt agbakiri *giliwi mɔ eglize.

2 Korente 10:8

Christ gdea ɔ ha zu ɛnɛ bo hazu gdangsi mɛkaramɔ pɛ ɛnɛ na, ma, hazu ngasisi yo. Hio ma wi lɛma takiri mɔ nde, mi ha suotɛ hazua gdang, ma, mi bo nɛ foy hazua na.

2 Korente 12:19

Mana ngimɔ nɛzikoa, ɛnɛ ha takara nde, ɔ ha nganga tɛ ɔ ha li ɛnɛ nde? Way! Ɔ ha dea sɔy hinɛ Christ, nɛ ɔ ha wolamɔ ha li Sɔ. Ɔ ha tɔa mɔ ndɔng fɛt ha ɛnɛ, hio ndɔngsila ɔ, hazu gbakiri ɛnɛ ha wal mɔ Sɔ.

2 Korente 13:10

Sising, mi bo ha soko ɛnɛ na. Mɛgi, mi ngɛriki takarata ɛngɛ tomsi ha ɛnɛ yu nde, ha ngimɔ ka mi hinɛ ɛnɛ, mi betɛ sɛn wen nɛngaya ha ɛnɛ. Hazu, ziomɔ ka Sɔ haa ha mi, bo hazu bhondisi ɛnɛ na, ma, hazu gbakiri ɛnɛ.

2 Korente 7:1

Hio ndɔngsila mi, hio gɔnanu ndɔng pɛ Sɔ, yo nê hazu ɔ. Mɛgi ɔ asasisi tɛ ɔ nɛ sila ɔ ha nzing mɔ fɛt. Ɔ ayu Sɔ nɛ gbɛngsi tɛ ɔ mɛ dung nê hio nzɔy wi pɛa ka lɛma wɛɛ.

Efeze 4:12

Yo nê tom pɛ hio wi ndɔng mɛ gbakiri hio wi pɛ Sɔ nde, ka mbwa ade tom pɛ Sɔ, nɛ ka *giliwi mɔ eglize ka dung nê kilitɛ Christ angay pen mɔ sɔngsi.

Efeze 4:16

Yo nê wɛnɛ ka wesiri hio gbakɔtɛ wa nɛtɛ-nɛtɛ gde ha may, nɛ ka gbari kilitɛ wa nɛ wal hio dɔka dokaratɛ wa. Mɛgi, ka hio gbakɔtɛ wa fɛt ha dea tom nɛdedea, kilitɛ wa fɛt bekpɔtɛ nɛ kpa ngatɛ nɛ wal ngoya may.

Efeze 4:29

Ka ma mbuli kalbho-kalbho wen ndang agbo ha nu ɛnɛ na. Ɛnɛ wol sɔna nɛ wen ka gbakiri hio wi, nɛ ka de dedemɔ ha tɛ wi ndɔng ka beze yo.

Efeze 5:21

Hazu ɛnɛ ha yuo ke Christ, dea nde, ɛnɛ ahil nɛ mɛndi ha si may.

Filipe 2:1

Christ ha ngasasa ɛnɛ hazu ɛnɛ nê hio wi pɛa. Ngoy ka wɛnɛ ngoya nɛ ɛnɛ ha yɔkala ɛnɛ. Ɛnɛ ha dea sɔy hinɛ *Nzɔy-Sɔtɛ. Ɛnɛ ha dea ngay ha tɛ may. Nɛ ɛnɛ ha dea kobhe tɛ may. Kpasawen, na nde?

Kolose 1:10

Mɛgi, ɛnɛ lɛma mɛ de mɔ ka Kongawan ngoya, nɛ ka ha totɛ fɛt ha wɛnɛ. Ɛnɛ bede nɛ hio tili dedemɔ fɛt, nɛ ɛnɛ being Sɔ nɛnɛ sɔngsi.

1 Tesalonike 5:11

Hazu ɛngi, ɛnɛ ayɔkili may nɛ ɛnɛ agbakiri may, gbesi tuka ka ɛnɛ ha dea nɛ sising.

1 Timothée 1:4

Mɛ tɔ ha mbwa nde, mbwa akafi mɛ ze hio to ndɔng nɛ hio wen bɔya pɛl nam pɛ hio gasa ngbabafa. Hio mɔ ndɔng dak nɛ siokafɛ pi ha nu nɛgbelea. Ma, dede wal ka Sɔ bhɔngara mɛ kpasisi nɛ wi, mbwa being yo sɔna nɛ wal mɛkaramɔ.

Hebro 4:9

Mɛgi, ma mbing *swe ɔmtɛ bhɔna ka ha kera kandɔ pɛ Sɔ.

Jude 1:20

Ma, ɛnɛ hio ndɔngsila mi, ɛnɛ andari pɛ ɛnɛ sɔna nɛ nzɔy mɔ ka ɛnɛ mɛkara. Ɛnɛ agɔ Sɔ nɛ wal ngatɛ ka Nzɔy-Sɔtɛ haa ha ɛnɛ.